Header Ads

ພິທີ ມອບ-ຮັບ ໂຮງຮຽນ ແລະ ອຸປະກອນການສຶກສາ ໃຫ້ເມືອງສັງທອງມູນຄ່າເກືອບ 400 ລ້ານກີບ


ໃນວັນທີ 28 ກຸມພາ 2019 ບໍລິສັດ ລ້ານຊ້າງ ປະກັນໄພ ມະຫາຊົນ (ປະກັນໄພ ລ້ານຊ້າງ) ຮ່ວມກັບກອງທຶນມູນນິທິວັດທະນະທຳ ດີບີ ຄິມ ຈຸນ ກິ (ສ.ເກົາຫຼີ) ໄດ້ມອບໂຮງຮຽນອະນຸບານພ້ອມອຸປະກອນຄົບຊຸດ, ສະໜາມເດັກຫຼິ້ນ, ສ້ອມແປງໂຮງຮຽນ ແລະ ມອບອຸປະກອນການສຶກສາມູນຄ່າເກືອບ 400 ລ້ານກີບ ໃຫ້ກັບເມືອງສັງທອງ ເພື່ອໃຊ້ເຂົ້າໃນການຮຽນ-ການສອນ ຂອງນ້ອງໆນັກຮຽນ ໃຫ້ມີຄຸນນະພາບຍິ່ງໆຂຶ້ນ.









ພິທີມອບ-ຮັບ ດັ່ງກ່າວໃຫ້ກຽດເຂົ້າຮ່ວມຂອງທ່ານ ນາງ ແກ້ວ ພົມມະລາດ, ຮອງເຈົ້າເມືອງໆສັງທອງ, ມີທ່ານ ແສງອາລຸນ ວົງພູທອນ, ຮອງພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ທ່ານ ໂດ໋ ດັງ ຄ່າງ ຜູ້ອຳນວຍການບໍລິສັດ ລ້ານຊ້າງປະກັນໄພ, ທ່ານ ກິມ ຊາງ ຢູນ (kim sang youn) ຫົວໜ້າກອງທຶນວັດທະນະທໍາ ດີບີ ຄິມຈຸນກິ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.









ທ່ານ ໂດ໋ ດັງ ຄ່າງ ຜູ້ອຳນວຍການໃຫຍ່ ບໍລິສັດ ລ້ານຊ້າງປະກັນໄພ ໃຫ້ຮູ້ວ່າ: ພວກເຮົາມີຫຼາຍໂຄງການອາສາສະໝັກ ທີ່ກ່ຽວຂ້ອງກັບແນວທາງທຸລະກິດ ປະກັນໄພເພື່ອປະຊາຊົນ, ສຳລັບຄັ້ງນີ້, ພວກເຮົາໄດ້ເລືອກສະຖານທີ່ໂຮງຮຽນປະຖົມຫ້ວຍຕົມ ເນື່ອງຈາກສະຖານທີ່ດັ່ງກ່າວຍັງຫຼາຍໆບັນຫາທີ່ຕ້ອງການຄວາມຊ່ວຍເຫຼືອ, ເຊິ່ງການຊ່ວຍເຫຼືອໃນຄັ້ງນີ້ ປະກອບມີ ສ້າງໂຮງຮຽນອານຸບານຫຼັງໃໝ່ 2 ຫ້ອງ, ຕໍ່ໄຟ້ຟ້າເຂົ້າໂຮງຮຽນ, ເທພື້ນໂຮງຮຽນຫຼັງເກົ່າສ້ອມແປງເພດານ, ມຸງຫຼັງຄາໃໝ່ ແລະ ຕິດຕັ້ງເຄຶ່ອງຫຼິ້ນໃຫ້ເດັກນ້ອຍ ລວມມູນຄາ 370 ລ້ານກີບ.









ໃຫ້ກຽດຂຶ້ນມອບ-ຮັບ ໂຮງຮຽນໃນຄັ້ງແມ່ນ ແມ່ນ ທ່ານ ໂດ໋ ດັງ ຄ່າງ ຜູ້ອຳນວຍກ່ນໃຫຍ່ ບໍລິສັດ ລ້ານຊ້າງປະກັນໄພ ມະຫາຊົນ ຮັບໂດຍ ທ່ານ ນາງ ແກ້ວ ພົມມະລາດ ເຈົ້າເມຶອງເມຶອງສັງທອງ.









ສຳລັບສົກຮຽປີ 2018-2019 ໂຮງຮຽນປະຖົມຫ້ວຍຕົມມີທັງໝົດ 06 ຫ້ອງຮຽນ, ມີນັກຮຽນ 102 ຄົນ ເຊິ່ງນັກຮຽນສ່ວນຫຼາຍແມ່ນມາຈາກຄອບຄົວທຸກຍາກ, ມີສະພາບແວດລ້ອມທີ່ພົບກັບຄວາມຍ້ງຍາກ. ພື້ນຖານໂຄງຮ່າງ, ອຸປະກອນການສຶກສາຂອງໂຮງຮຽນຍັງຂາດແຄນຫຼາຍຢ່າງ, ບໍ່ມີໄຟຟ້າເຮັດໃຫ້ໂຮງຮຽນພົບກັບຂໍ້ຍຸ້ງຍາກໃນການສິດສອນຫຼາຍຢ່າງ. 









ເຊື່ອວ່າ ໂຮງຮຽນ ແລະ ອຸປະກອນການສຶກສາທີ່ໃຫ້ການຊ່ວຍເຫຼືອຄັ້ງນີ້ຈະເຮັດໃຫ້ໂຮງຮຽນ ໂດຍສະເພາະນ້ອງນັກຮຽນ ແລະ ຄູອາຈານ ມີຄວາມສະດວກສະບາຍ,​ ມີອຸປະກອນຮັບໃຊ້ການສິດສອນ , ມີສະພາບແວດລ້ອມທີ່ດີໃນໂຮງຮຽນ ແລະ ມີຄຸນນະພາບຊີວິດທີ່ດີຂື້ນ ເພື່ອກ້າວເປັນໜໍ່ແໜງ ອະນາຄົດຂອງຊາດ.









​ 


No comments

Powered by Blogger.