Header Ads

ເຈົ້າແຂວງໄຊຍະບູລີ ເນັ້ນກອງພັນ 411 ຮ່ວມແກ້ໄຂປະກົດການຫຍໍ້ທໍ້ ໂດຍສະເພາະແມ່ນບັນຫາຢາເສບຕິດ




ເນື່ອງໃນໂອກາດທີ່ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ເມືອງທົ່ງມີໄຊ, ໃນວັນທີ 24 ມີນາ 2019 ນີ້, ທ່ານ ເຈົ້າແຂວງໄດ້ຢ້ຽມຢາມ ແລະ ໂອ້ລົມຕໍ່ພະນັກງານນັກຮົບ ກອງພັນ 411 ໂດຍເນັ້ນໃຫ້ຖືສໍາຄັນການຮັກສາຄວາມເປັນລະບຽບຮຽບຮ້ອຍຂອງປະຊາຊົນທີ່ຢູ່ລຽບຊາຍແດນ, ເອົາໃຈໃສ່ໃນການແກ້ໄຂບັນ ຫາປະກົດການຫຍໍ້ທໍ້ ທີ່ມັກເກີດຂຶ້ນໃຫ້ໃຫ້ຫລຸດລົງ, ຊ່ວຍປະຊາຊົນໃນການຕ້ານ ແລະ ສະກັດກັ້ນໄພພິ ບັດທີ່ອາດຈະເກີດຂຶ້ນຕາມລະດູການ, ປັບປຸງກໍາລັງ ດ້ວຍການໝັ່ນຝືກແອບກົນລະຢຸດ-ຍຸດທະວິທີ ແລະ ເອົາໃຈໃສ່ໃນການສ້າງພະລາທິກາານກັບທີ່ ດ້ວຍການປູກ-ການລ້ຽງ ເປັນຕົ້ນ ແມ່ນການປູກພືດສະບຽງອາຫານ, ພືດອຸດສາຫະກໍາ ເພື່ອເປັນສິນຄ້າ ພ້ອມທັງປູກຫຍ້າຕິດພັນກັບການລ້ຽງສັດໃຫຍ່.


ໃນໂອກາດດັ່ງກ່າວ ທ່ານ ພັນໂທ ວິໄລວັນ ພິລາຈັນ ຫົວໜ້າການທະຫານ ກອງພັນ 411, ໄດ້ຍົກໃຫ້ເຫັນສະພາບການເຄື່ອນໄຫວຂອງກຸ່ມຄົນບໍ່ດີ ຢູ່ລຽບຊາຍແດນ ລາວ-ໄທ, ການຕ້ານ ແລະ ສະກັດກັ້ນ ປະກົດການຫຍໍ້ທໍ້ຕ່າງໆໃນສັງຄົມ ໂດຍສະເພາະແມ່ນບັນຫາຢາເສບຕິດ, ຊາວໜຸ່ມອາລະວາດຕີກັນ, ຂີ້ລັກງັດແງະ ແລະ ອື່ນໆ ທີ່ເກີດຂຶ້ນໃນບັນດາບ້ານທີ່ຢູ່ລຽບຊາຍແດນ ໃນໄລຍະຜ່ານມາ ເຊິ່ງກອງພັນ 411 ກໍໄດ້ສຸມໃສ່ແກ້ໄຂຢ່າງຕັ້ງໜ້າ.




ຈາກນັ້ນ, ທ່ານເຈົ້າແຂວງ ກໍໄດ້ມອບລົດຊິ້ງ ມູນຄ່າ 30 ລ້ານກີບ ແລະ ຕາງໜ້າ ບໍລິສັດ MPG ໄມນິງຈໍາກັດ ມອບເງິນສົດຈໍານວນ 5 ລ້ານກີບ ໃຫ້ກອງຮ້ອຍຊາຍແດນ 156 ເພື່ອປະກອບສ່ວນເຂົ້າໃນການປະຕິບັດໜ້າທີ່ວຽກງານວິຊາສະເພາະຢູ່ຊາຍແດນ ໃຫ້ມີຜົນສຳເລັດສູງ. ໃນວັນດຽວກັນ, ທ່ານເຈົ້າແຂວງ ຍັງໄດ້ຢ້ຽມຢາມການກໍ່ສ້າງໂຮງງານຂຸດຄົ້ນບໍ່ຄໍາຂອງ ບໍລິສັດ MPG ໄມນິງ ຈໍາກັດ ຕັ້ງຢູ່ບ້ານ ປາງຄໍາ, ເມືອງ ປາກລາຍ, ປັດຈຸບັນການກໍ່ສ້າງແມ່ນສໍາເລັດແລ້ວ 80%, ຄາດວ່າເມື່ອສ້າງສໍາເລັດຈະສາມາດຂຸດຄົ້ນແຮ່ຄໍາປ້ອນໂຮງງານ ເພື່ອແຍກເອົາຄໍາສົດໄດ້ປະມານ 1 ໂຕນຕໍ່ປີ.

No comments

Powered by Blogger.