Header Ads

ເມືອງໝື່ນເປີດການຝຶກອົບຮົມກົດໝາຍໄລຍະສັ້ນ 45 ວັນໃຫ້ແກ່ເລຂາພັກບ້ານ ແລະ ການຈັດຕັ້ງ ບ້ານຊຸດທີ I ປີ 2019

ພິທີເປີດການຝຶກອົບຮົມກົດໝາຍໄລຍະສັ້ນ 45 ວັນ ໃຫ້ແກ່ເລຂາພັກບ້ານ ແລະ ການຈັດຕັ້ງບ້ານຊຸດທີ I ຂອງເມືອງໝື່ນ ໄດ້ຈັດຂຶ້ນໃນຕອນເຊົ້າວັນທີ 13 ມີນາ 2019 ນີ້ ຢູ່ທີ່ຫ້ອງປະຊຸມ ຈຸດສຸມກຸ່ມບ້ານໂນນໄຮ ໂດຍການໃຫ້ກຽດເຂົ້າຮ່ວມຂອງທ່ານ ກອງສີ ອຸດົມ ກຳມະການພັກເເຂວງ,ຫົວໜ້າພະແນກຍຸຕິທຳແຂວງວຽງຈັນ,ມີທ່ານ ມິດສາຄອນ ອິນຖະປັດຖາ ກຳມະການພັກເມືອງ ຫົວໜ້າຫ້ອງການພາຍໃນເມືອງໝື່ນ,ມີບັນດາກຳມະການພັກເມືອງພັກ,ຫົວໜ້າ-ຮອງຫົວໜ້າຫ້ອງການ ແລະ ນັກຝຶກອົບຮົມຈາກບ້ານ ທົ່ວເມືອງເຂົ້າຮ່ວມ.




ໃນພິທີກໍ່ໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າເມືອງ - ເມືອງໝື່ນ ວ່າດ້ວຍການອະນຸມັດເປີດຝຶກອົບຮົມກົດໝາຍ 45 ວັນ ,ຂໍ້ຕົກລົງຂອງທ່ານເຈົ້າເມືອງ - ເມືອງໝື່ນ ວ່າດ້ວຍການແຕ່ງຕັ້ງຄະນະຊີ້ນຳ ຫຼັງຈາກນັ້ນ ທ່ານ ວຽງຢ່າງ ນາວປາວ ຫົວໜ້າຫ້ອງການ ຍຸຕິທຳເມືອງໝື່ນ ກໍ່ໄດ້ລາຍງາຍໂດຍຫຍໍ້ກ່ຽວກັບສະພາບການກະກຽມການຝຶກອົບຮົມກົດໝາຍ 45 ວັນຄັ້ງນີ້ຕື່ມອີກ ເຊິ່ງການຝຶກໃນເທື່ອນີ້ ມີນັກຝກອົບຮົມທັງໝົດ 50 ຄົນ,ຍິງ 04 ຄົນ,ເຊິ່ງການຝຶກ ຈະໄດ້ເລີ່ມຕົ້ນແຕ່ວັນທີ 14 ມີນາ 2019 ນີ້ ເປັນຕົ້ນໄປ.





ທ້າຍພິທີ ທ່ານ ກອງສີ ອຸດົມ ກຳມະການພັກເເຂວງ ຫົວໜ້າພະແນກຍຸຕິທຳ ແຂວງວຽງຈັນ ໄດ້ໃຫ້ກຽດໂອ້ລົມເຊິ່ງກ່ອນອື່ນທ່ານໄດ້ກ່າວສະເເດງຄວາມຍື້ຢາມຖາມຂ່າວ ມາຍັງພະນັກງານການນຳ ພະນັກງານຫຼັກແຫຼ່ງຂອງເມືອງໝື່ນ ພ້ອມດ້ວຍນັກຝຶກອົບຮົມ ພ້ອມທັງໄດ້ສະເໜີຈຸດປະສົ່ງ ຍົກໃຫ້ເຫັນຄວາມໝາຍຄວາມສຳຄັນຂອງກົດໝາຍ ແລະ ຄວາມຈຳເປັນທີ່ຈະຕ້ອງມີການຝຶກອົບຮົມທາງດ້ານກົດໝາຍ ໂອກາດດຽວກັນໄດ້ສະເເດງຄວາມຍ້ອງຍໍ່ມາຍັງ ການນຳເມືອງ,ຄະນະພັກຮາກຖານກຸ່ມບ້ານ,ອົງການປົກຄອງບ້ານ ທີ່ໄດ້ເອົາໃຈໃສ່ຕໍ່ກັບວຽກງານການຮຽນ-ການສອນກົດໝາຍ ພ້ອມຍັງຮຽກຮ້ອງໃຫ້ບັນດາ ຄູ່ຝຶກ ແລະ ນັກຝຶກອົບຮົມ ຈົ່ງພ້ອມກັນເອົາໃຈໃສ່ ຍົກສູງຄວາມຮັບຜິດຊອບ ແລະ ນ້ຳໃຈເສຍສະຫຼະ ເຮັດໃຫ້ການຝຶກອົບຮົມສຳເລັດຕາມລະດັບຄາດໝາຍທີ່ວ່າງໄວ້.




ຂ່າວ: ແຫວນຄຳ

No comments

Powered by Blogger.