Header Ads

ເມືອງນານ ແຂວງຫຼວງພະບາງ ໄດ້ຈັດກອງປະຊຸມເຊື່ອມຊືມເອກະສານວຽກງານຫ້ອງວ່າການ ແລະ ພິທີການ


ໃນຕອນເຊົ້າວັນທີ່ 22/3/2019 ຢ່ທີ່ສະໂມສອນເມືອງນານ ແຂວງຫຼວງພະບາງ ໄດ້ຈັດກອງປະຊຸມເຊື່ອມຊືມເອກະສານວຽກງານຫ້ອງວ່າການ ແລະ ພິທີການຂື້ນຢ່າງເປັນທາງການໂດຍໃຫ້ກຽດເປັນປະທານຮ່ວມ ຂອງທ່ານ ບຸນທີ ມະນີວົງ ຮອງເຈົ້າເມືອງໆນານ, ທ່ານ ຈີນດາວົງ ໂພສີຄຳ ຫົວໜ້າຫ້ອງວ່າການປົກຄອງ ແຂວງຫຼວງພະບາງ ແລະ ທ່ານ ບົວສີ ພີມມະເສນ ຫົວໜ້າຫ້ອງວ່າການເມືອງນານ,  ມີຫົວໜ້າ-ຮອງຫົວໜ້າຫ້ອງການ, ພະນັກງານຜູ້ຮັບຜິດຊອບວຽກງານບໍລິຫານຂອງຫ້ອງການອ້ອມຂ້າງເມືອງ ພ້ອມດ້ວຍພະນັກງານພາຍໃນຫ້ອງວ່າການເມືອງເຂົ້າຮ່ວມ 50 ກວ່າຄົນ.



         ໃນພິທີ ທ່ານ ບຸນທີ ມະນີວົງ ຮອງເຈົ້າເມືອງໆນານ ໄດ້ກ່າວຕ້ອນຮັບທີມງານ ຂອງແຂວງຢ່າງອົບອຸ່ນ ພ້ອມທັງເປີດພິທີຢ່າງເປັນທາງການ. ຈາກນັ້ນທ່ານ ຈິນດາວົງ ໂພສີຄຳ ຫົວໜ້າ ຫ້ອງວ່າການແຂວງ ຫຼວງພະບາງ ໄດ້ຜ່ານເອກະສານກ່ຽວກັບບັນຫາຍົກສູງຄຸນນະພາບຂອງການເປັນເສນາທິການຮັບໃຊ້ການນຳໃນໄລຍະໃໜ່ເພື່ອລະດົມສະຕິບັນຍາການນຳ ແລະ ພະນັກງານຫຼັກແຫຼ່ງຂອງຂະແໜງການ ແລະ ທ້ອງຖີ່ນແນໃສ່ສ້າງການຫັນປ່ຽນໃນການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ່ 7 ຂອງອົງຄະນະພັກແຂວງ, ຍົກສູງຄຸນນະພາບ ການເປັນເສນາທິການ ຮັບໃຊ້ການນຳຂອງພັກ ເຊີ່ງປະກອບດ້ວຍ 4 ບັນຫາສຳຄັນຄື: 1 ບັນຫາຄວາມສຳນຶກ, ຄວາມຮັບຮູ້ ແລະ ຄວາມເຂົ້າໃຈຕໍ່ວຽກງານເສນາທິການ, 2 ບັນຫາສະພາວະຄວາມເປັນຈິງຂອງວຽກງານເສນາທິການຮັບໃຊ້ການນຳ, 3 ບັນຫາທິດທາງວຽກງານ ແລະ ບັນຫາຂໍ້ສະເໜີ ຕ່າງໆ.


ພ້ອມນີ້ທີ່ປະຊຸມຍັງໄດ້ຮັບຟັງການສະເໜີກ່ຽວກບການຍົກສູງຄຸນນະພາບ ຂອງການເປັນເສນາທິການໃຫ້ແກ່ກອງປະຊຸມຄະນະພັກ ແລະ ເອກະສານຄວາມຮູ້ພື້ນຖານດ້ານວຽກພິທີການ, ເອກະສານມາລະຍາດໃນສັງຄົມພ້ອມທັງສົນທະນາແລກປ່ຽນ ບົດຮຽນຮ່ວມກັນໃນທີ່ປະຊຸມນຳອີກ.




        ນີ້ກໍ່ເພື່ອຍົກລະດັບຄວາມຮູ້ຄວາມສາມາດໃຫ້ພະນັກງານເສນາທິການແຕ່ລະຫ້ອງການພາຍໃນເມືອງໃຫ້ຮັບຮູ້ເຖີງເຈດຈຳນົງຂອງການນຳກໍ່ຄືວຽກງານຂອງພັກ-ລັດໃນໄລຍະໃໜ່.
Powered by Blogger.