Header Ads

ເຈົ້າໜ້າທີ່ຕຳຫຼວດສະຫວັນນະເຂດ ມ້າງຄະດີຢາເສບຕິດ ຢຶດຂອງກາງໄດ້ແສນກວ່າເມັດ

ເຈົ້າໜ້າທີ່ຕຳຫຼວດສະກັດ ກັ້ນ ແລະຕ້ານຢາເສບຕິດ ປກສ ແຂວງສະຫວັນນະເຂດ ໄດ້ສົມທົບກັບ ເຈົ້າໜ້າທີ່ ກຳລັງວິຊາສະເພາະໄດ້ສືບ ຮູ້ວ່າ: ໃນຄັ້ງວັນທີ 8 ມີນາຜ່ານ ມານີ້, ມີກຸ່ມຄົນ ບໍ່ດີຈຳນວນໜຶ່ງ ກຳລັງເຄື່ອນໄຫວຄ້າ-ຂາຍຢາເສບ ຕິດປະເພດຢາບ້າຢູ່ຕາມສາຍທາງ ເລກທີ 9 ຂອບເຂດບ້ານສະໜູນ ເມືອງພະລານໄຊ ແຂວງສະຫວັນນະ ເຂດ,



ດັ່ງນັ້ນຈຶ່ງໄດ້ຈັດຕັ້ງກຳລັງວີຊາ ສະເພາະ ເພື່ອມ້າງລາຍຄະດີດັ່ງກ່າວ, ພໍຕົກມາຮອດເວລາປະມານ 12 ໂມງ ຂອງວັນດຽວກັນ ຈຶ່ງສາມາດ ກັກຕົວເປົ້າໝາຍໄດ້ 2 ຄົນຄື: 1 ທ້າວ ວຽງແກ້ວ ປັນຍາອາຍຸ 22 ປີ, ອາຊີບເຮັດນາຢູ່ບ້ານຄຳສີດາ ເມືອງຈຳພອນແຂວງສະຫວັນນະ ເຂດ, 2 ທ້າວ ຄຳຫຼ້າ ອິນທະວົງສາ ອາຍຸ 32 ປີ, ອາຊີບເຮັດນາ ຢູ່ ບ້ານ ຄຳສີດາ ເມືອງຈຳພອນ ແຂວງ ສະຫວັນນະເຂດ ພ້ອມຢຶດຂອງກາງ ຢາບ້າຈຳນວນ 59 ມັດ, ເທົ່າກັບ 118.000 ເມັດ, ລົດກະບະວີໂກ້ 1 ຄັນ, ລົດຈັກ 1 ຄັນ, ປືນປະດິດສັ້ນ 1 ກະບອກ ພ້ອມ ລູກປືນ 1 ລູກ ແລະໂທລະສັບ 4 ໜ່ວຍ

ທີ່ມາ:ສະຫວັນພັດທະນາ ຂ່າວ / Savanhphuttana News

No comments

Powered by Blogger.