Header Ads

ທ່ານ ພົນເອກ ຈັນສະໝອນ ຈັນຍາລາດ ສຳເລັດການຢ້ຽມຢາມປະເທດ ມາເລເຊຍ ຢ່າງເປັນທາງການ




ທ່ານ ພົນເອກ ຈັນສະໝອນ ຈັນຍາລາດ, ລັດຖະມົນຕີກະຊວງ ປ້ອງກັນປະເທດ ແຫ່ງ ສປປ ລາວ ໄດ້ສໍາເລັດການເດີນທາງຢ້ຽມ ຢາມປະເທດ ມາເລເຊຍ ຢ່າງເປັນ ທາງການໃນລະຫວ່າງວັນທີ 21-23 ມີນາ 2019 ນີ້. ການຢ້ຽມ ຢາມປະເທດ ມາເລເຊຍ ຢ່າງເປັນ ທາງການຄັ້ງນີ້ແມ່ນເປັນຄັ້ງທໍາ ອິດ ນັບຕັ້ງແຕ່ທ່ານໄດ້ຮັບຕໍາ ແໜ່ງເປັນລັດຖະມົນຕີກະຊວງ ປ້ອງກັນປະເທດ ແຫ່ງ ສປປ ລາວ ໃນເດືອນ ເມສາ ປີ 2016. ພິທີຕ້ອນຮັບໄດ້ຈັດຂຶ້ນຢ່າງສົມກຽດ ຢູ່ທີ່ກະຊວງປ້ອງກັນປະເທດມາ ເລເຊຍ.

ຈາກນັ້ນ ທ່ານ ພົນເອກ ຈັນສະ ໝອນ ຈັນຍາລາດ ພ້ອມດ້ວຍຄະ ນະໄດ້ພົບປະສອງຝ່າຍກັບ ທ່ານ ຕວນ ຮາຈິ ໂມຮາມັດ ບິນສາບຸ ລັດຖະມົນຕີກະຊວງປ້ອງກັນປະ ເທດ ແຫ່ງ ມາເລເຊຍ ພ້ອມຄະນະ ເຊິ່ງທັງສອງຝ່າຍໄດ້ສະແດງຄວາມຍິນດີຕໍ່ສາຍພົວພັນມິດ ຕະພາບລະຫວ່າງສອງປະເທດ ບົນຈິດໃຈທີ່ເຕັມໄປດ້ວຍໄມຕີ ຈິດມິດຕະພາບອັນອົບອຸ່ນ, ມີ ຄວາມເຄົາລົບນັບຖື ແລະ ຄວາມ ເຂົ້າອົກເຂົ້າໃຈເຊິ່ງກັນ ແລະ ກັນ.

ທ່ານ ລັດຖະມົນຕີທັງສອງ ໄດ້ຢໍ້າວ່າການຢ້ຽມຢາມຄັ້ງນີ້ ແມ່ນເປັນນິມິດໝາຍແຫ່ງຄວາມ ພະຍາຍາມທີ່ຈະສົ່ງເສີມການ ຮ່ວມມືດ້ານວຽກງານປ້ອງກັນ ຊາດຂອງສອງປະເທດ. ດັ່ງນັ້ນ, ທັງສອງລັດຖະມົນຕີໄດ້ລົງນາມ ບົດບັນທຶກຄວາມເຂົ້າໃຈກ່ຽວກັບ ການຮ່ວມມືດ້ານວຽກງານປ້ອງ ກັນຊາດລະຫວ່າງກະຊວງປ້ອງ ກັນປະເທດ ແຫ່ງ ສປປ ລາວ ແລະ ກະຊວງປ້ອງກັນປະເທດ ແຫ່ງ ມາເລເຊຍ.

ການເຊັນບົດບັນທຶກ ຄວາມເຂົ້າໃຈດັ່ງກ່າວຈະເປັນ ການປະກອບສ່ວນເຂົ້າໃນການ ເພີ່ມທະວີສາຍພົວພັນຮ່ວມມືສອງ ຝ່າຍໃຫ້ເລິກເຊິ່ງກວ່າເກົ່າ ເຊິ່ງຈະ ເປັນການສ້າງຜົນປະໂຫຍດໃຫ້ ແກ່ສອງປະເທດ. ໃນມື້ດຽວກັນ, ທ່ານ ພົນເອກ ຈັນສະໝອນ ຈັນຍາລາດ ໄດ້ເດີນ ທາງໄປຢ້ຽມຢາມມະຫາວິທະຍາ ໄລປ້ອງກັນຊາດມາເລເຊຍ ເຊິ່ງ ທ່ານໄດ້ຮັບຟັງການນໍາສະເໜີ

ກ່ຽວກັບພາລະບົດບາດຂອງມະ ຫາວິທະຍາໄລປ້ອງກັນຊາດທີ່ ເປັນມະຫາວິທະຍາໄລປ້ອງກັນຊາດທີ່ຢູ່ແຖວໜ້າໃນການສ້າງຜູ້ນໍາ ແລະ ການພັດທະນາວິຊາຊີບ, ການສົ່ງຄວາມຮູ້ ແລະ ການນໍາ ໃຊ້ວິທະຍາສາດປ້ອງກັນຊາດ, ເຕັກໂນໂລຊີ ແລະ ການຄົ້ນຄວ້າ ດ້ານນະໂຍບາຍ ເຊິ່ງນໍາສະເໜີ ໂດຍ ທ່ານ ພົນໂທ ດາໂຕະ ຮ່າຈິ ອັບດຸນ ຮາລິມ ບິນ ຮາຈິ ຈາໂລ, ຮອງອະທິການບໍດີມະຫາວິທະ ຍາໄລປ້ອງກັນຊາດມາເລເຊຍ.

ການເດີນທາງຢ້ຽມຢາມມາ ເລເຊຍຄັ້ງນີ້ ທ່ານ ພົນເອກ ຈັນ ສະໝອນ ຈັນຍາລາດ ພ້ອມດ້ວຍ ຄະນະ ຍັງໄດ້ໄປຢ້ຽມຢາມບໍລິ ສັດ ບີ ເອັດໄອຊີ ເຊິ່ງເປັນບໍລິສັດໃຫ້ການບໍລິການດ້ານການສ້ອມ ແປງເຮືອບິນ ແລະ ເຮືອກໍາປັ່ນທີ່ ເປັນສາຂາໜຶ່ງຂອງບໍລິສັດອຸດສະຫາກໍາກົນຈັກໜັກບຸສເຕັດ. ຕະຫຼອດໄລຍະທີ່ຜ່ານມາ ການຮ່ວມມືດ້ານວຽກງານປ້ອງ ກັນຊາດລະຫວ່າງປະເທດ ສປປ ລາວ ແລະ ມາເລເຊຍ ແມ່ນໄດ້ມີການຂະຫຍາຍຕົວເພີ່ມທະວີຂຶ້ນ ເຊິ່ງມີການພົວພັນຮ່ວມມື ກັນຢ່າງໃກ້ຊິດໃນຖານະເປັນປະ ເທດສະມາຊິກອາຊຽນດ້ວຍກັນ.

ໃນໄລຍະຜ່ານມາ ທັງສອງປະ ເທດໄດ້ມີການພົວພັນຮ່ວມມືທີ່ດີ ໂດຍສະເພາະແມ່ນຢູ່ໃນຂອບ ຂອງກອງປະຊຸມລັດຖະມົນຕີ ປ້ອງກັນປະເທດອາຊຽນທີ່ນັບມື້ ນັບມີຄວາມເຂັ້ມແຂງ ແລະ ປະ ກອບສ່ວນເຂົ້າໃນການສົ່ງເສີມ ເຮັດໃຫ້ເຂດອາຊີຕາເວັນອອກ ສ່ຽງໃຕ້ ແລະ ພາກພື້ນສືບຕໍ່ມີ ຄວາມສະຫງົບ, ມີສະຖຽນລະ ພາບ ແລະ ຄວາມຫມັ້ນຄົງ.

ການ ພົບປະຂອງສອງລັດຖະມົນຕີ ປ້ອງກັນປະເທດຄັ້ງນີ້ຈະເປັນ ການປະກອບສ່ວນເສີມສ້າງສາຍ ພົວພັນຮ່ວມມືດ້ານວຽກງານ ປ້ອງກັນຊາດລະຫວ່າງສອງປະ ເທດ ກໍຄືສອງກະຊວງປ້ອງກັນປະ ເທດ ລາວ ແລະ ມາເລເຊຍໃຫ້ສືບ ຕໍ່ມີຄວາມເຂັ້ມແຂງ ແລະ ເຕີບ ໃຫຍ່ຂະຫຍາຍຕົວຂຶ້ນເລື້ອຍໆ ໃນອະນາຄົດ. ໂດຍ: ຊາຍສົມສັກ ວິໄລສັນ
Powered by Blogger.