Header Ads

ສື່ມວນຊົນ ລາວ-ຈີນ ຕິດຕາມການພັດທະນາເສັ້ນທາງລົດໄຟ ລາວ - ຈີນ



ຄະນະສື່ມວນຊົນລາວ - ຈີນເກືອບ 30 ຄົນໄດ້ລົງເຄື່ອນໄຫວເກັບກຳຂ່າວການພັດທະນາໂຄງການກໍ່ສ້າງເສັ້ນທາງລົດໄຟຄວາມໄວສູງລາວ-ຈີນ ທີ່ເປັນໜຶ່ງໃນໂຄງການ ໜຶ່ງແລວ ໜຶ່ງເສັ້ນທາງ ໃນລະຫວ່າງວັນທີ 28 ມີນາ ຫາ 6 ເມສາ 2019 ເຊິ່ງເລີ່ມຈາກ ບໍ່ເຕັນ ແຂວງ ຫລວງນໍ້າທາ.







ໃນຕອນບ່າຍວັນທີ 29 ມີນາ ໄດ້ສຳພາດຮອງເຈົ້າເມືອງ ຫລວງນ້ຳທາ ກ່ຽວກັບຜົນປະໂຫຍດທີ່ປະຊາຊົນທ້ອງຖິ່ນໄດ້ຮັບຈາກໂຄງການນີ້, ການທົດແທນປະຊາຊົນທີ່ໄດ້ຮັບຜົນກະທົບ. ຖ້າໂຄງການນີ້ສຳເລັດຈະຊ່ອຍພັດທະນາເສດຖະກິດສັງຄົມຂອງແຂວງແນວໃດ ແລະ ບັນຫາອື່ນໆ; ຫຼັງຈາກນັ້ນໄດ້ລົງເກັບກຳຂ່າວໂຮງງານຜະລິດໂຄງເຫຼັກກ້າເພື່ອຮັບໃຊ້ໂຄງການ ໂດຍໄດ້ສຳພາດຜູ້ຮັບຜິດຊອບ ແລະ ກຳມະກອນທັງລາວແລະຈີນ.



ໃນໄລຍະ 9 ວັນໃນການເຄື່ອນໄຫວເຮັດວຽກເທື່ອນີ້ ຄະນະສື່ມວນຊົນລາວ - ຈີນ ຍັງຈະໄດ້ລົງເຄື່ອນໄຫວເກັບກຳຂໍ້ມູນໂຄງການເສັ້ນທາງລົດໄຟລາວ - ຈີນ ກໍ່ຄືຊີວິດການເປັນຢູ່ຂອງປະຊາຊົນ ແລະ ຄວາມຄືບໜ້າຂອງການພັດທະນາເຂື່ອນນ້ຳອູ, ການຍົກຍ້າຍ, ຊົດເຊີຍ ແລະ ການຈັດສັນອາຊີບຂອງປະຊາຊົນທີ່ໄດ້ຮັບຜົນກະທົບຈາກເຂື່ອນດັ່ງກ່າວ ເລີ່ມແຕ່ແຂວງຫຼວງນໍ້າທາ ລົງໄປອຸດົມໄຊ, ຫຼວງພະບາງ,

ຈາກນັ້ນທີມງານຈະໄດ້ສືບຕໍ່ເກັບກຳຂໍ້ມູນຄວາມຄືບໜ້າການພັດທະນາໂຄງການລົດໄຟ ລາວ - ຈີນ ເຂດເມືອງວັງວຽງ ແຂວງວຽງຈັນ ລວມທັງກິດຈະກຳການທ່ອງທ່ຽວ ແລະ ການບໍລິການໂຮງແຮມ, ເຮືອນພັກ ແລະ ຮ້ານອາຫານຢູ່ເມືອງວັງວຽງ ໃນການຕອນຮັບທ່ອງທ່ຽວ ລາວຈີນ 2019 ແລະ ຍັງຈະໄດ້ໄປສຳພາດຄູ ແລະ ນັກຮຽນ ທີ່ໂຮງຮຽນປະຖົມບ້ານໜອງປີງ ທີ່ນະຄອນຫຼວງວຽງຈັນຕື່ມອີກ.




ໂຄງການກໍ່ສ້າງລົດໄຟລາວ-ຈີນ ໄດ້ເລີ່ມຈັດຕັ້ງປະຕິບັດແຕ່ທ້າຍປີ 2015 ມາຮອດປະຈຸບັນໄດ້ສຳເລັດແລ້ວ 60% ແລະ ຄາດວ່າໂຄງການນີ້ຈະສໍາເລັດສົມບູນໃນປີ 2021 ຕາມແຜນການຢ່າງແນ່ນອນ.


ທ່ານ ສັງຂານ ຈູມຄຳພັນ ຮອງຜູ້ອຳນວຍການໃຫຍ່ວິທະຍຸກະຈາຍສຽງແຫ່ງຊາດລາວ ທັງເປັນກົວໜ້າຄະນະນັກຂ່າວເທື່ອນີ້ ໄດ້ກ່າວວ່າ: ຈຸດປະສົງຂອງການເຄື່ອນໄຫວຂອງສື່ມວນຊົນ ລາວ - ຈີນໃນຄັ້ງນີ້ແມ່ນເພື່ອສົ່ງເສີມສາຍພົວພັນມິດຕະພາບລາວ-ຈີນ, ພິເສດແມ່ນເພື່ອເສີມສ້າງບັນຍາກາດກ່ອນກການເດີນເຂົ້າຮ່ວມກອງປະຊຸມສຸດຍອດ ໜຶ່ງແລວ ໜຶ່ງເສັ້ນທາງ ຢູ່ທີ ສປ ຈີນ ຂອງປະທານປະເທດເຮົາທີ່ຈະຈັດຂຶ້ນໃນທ້າຍເດືອນເມສາ2019.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

No comments

Powered by Blogger.