Header Ads

ພຣະອາຈານ ກໍລະກັນ ເຊື້ອໂຊດ ຮອງເຈົ້າອະທິການວັດບ້ານດ່ານ ມອບເຄື່ອງກີລາໃຫ້ຫ້ອງຕໍາຫຼວດ ປກສ ແຂວງເຊກອງ

• ຂ່າວ : ສັນຍາ
ພຣະອາຈານ ກໍລະກັນ ເຊື້ອໂຊດ ຮອງເຈົ້າອະທິການວັດບ້ານດ່ານ ເມືອງລະມາມແຂວງເຊກອງໄດ້ໃຫ້ການສະໜັບສະໜູນເຄື່ອງກີລາຈໍານວນ 12 ຊຸດ, ບານເຕະ 1 ໜ່ວຍ, ບານສົ່ງ 1 ໜ່ວຍ ແລະກະ ຕໍ້ 1 ໜ່ວຍລວມມູນຄ່າ 7 ແສນກີບມອບໃຫ້ຫ້ອງຕໍາຫຼວດກອງບັນຊາການ ປກສ ແຂວງເຊກອງ.


ພິທີມອບ-ຮັບໄດ້ຈັດຂຶ້ນໃນວັນທີ 6 ມີນາ 2019 ນີ້ ທີ່ກອງບັນຊາການ ປກສ ແຂວງເຊກອງ ຊຶ່ງມອບໂດຍ ພຣະອາຈານ ກໍລະກັນ ເຊື້ອໂຊດ ຮອງເຈົ້າອະທິການວັດບ້ານດ່ານເມືອງລະມາມ ແລະກ່າວຮັບແມ່ນທ່ານ ພັນໂທ ຄໍາຄັ່ງ ທອງສະຫວັດ ຫົວໜ້າຫ້ອງຕໍາຫຼວດ ກອງບັນຊາການ ປກສ ແຂວງເຊກອງ, ມີທ່ານ ພັນໂທ ສຸກັນ ແກ້ວດວງສີ ຮອງຫົວໜ້າຫ້ອງຕໍາຫຼວດ ກອງບັນຊາການ ປກສ ແຂວງ ແລະພະນັກງານກ່ຽວຂ້ອງເຂົ້າຮ່ວມ.


ໂອກາດນີ້ທ່ານ ພັນໂທ ຄໍາຄັ່ງ ທອງສະຫວັດ ກໍໄດ້ກ່າວສະແດງຄວາມຂອບໃຈ ແລະອວຍພອນໄຊອັນປະເສີດມາຍັງພຣະອາຈານ ກໍລະກັນ ເຊື້ອໂຊດ ທີ່ໄດ້ໃຫ້ການສະໜັບສະໜູນເຄື່ອງ ແລະອຸປະກອນກີລາຈໍານວນໜຶ່ງໃຫ້ແກ່ຫ້ອງຕໍາຫຼວດ.

No comments

Powered by Blogger.