Header Ads

ປກສ ນະຄອນຫຼວງວຽງຈັນ ເປີດສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ

ສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ ( ສປວສ ) ຫ້ອງຕຳຫຼວດ ກອງບັນຊາການ ປກສ ນວ ໄດ້ເປີດໃຫ້ບໍລິການ ການປິ່ນປົວ-ບຳບັດຜູ້ຕິດຢາເສບຕິດ ແບບມີສ່ວນຮ່ວມຂອງຫຼາຍພາກສ່ວນ ແນໃສ່ເຮັດໃຫ້ຜູ້ທີ່ເຂົ້າມາປິ່ນປົວ-ບຳບັດ ໃຫ້ຫາຍຂາດຈາກການໃຊ້ຢາເສບຕິດ; ພ້ອມທັງມີວິຊາຊີບຕິດໂຕຫຼັງຈາກອອກຈາກສູນໄປ ຫຼີ້ກລ້ຽງການເປັນພາລະໃຫ້ກັບສັງຄົມ; ເຊິ່ງການປິ່ນປົວ-ບຳບັດ ແມ່ນມີ 6 ຂັ້ນຕອນ 4 ໄລຍະ 8 ແຜນງານກິດຈະກຳບຳບັດ.

ພິທີເປີດໂຄງການປິ່ນປົວແບບມີສ່ວນຮ່ວມຂອງຫຼາຍພາກສ່ວນ ໄດ້ຈັດຂຶ້ນຕອນເຊົ້າໃນວັນທີ 13 ມີນາ 2019, ທີ່ສະໂມສອນສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ, ບ້ານສົມສະຫງ່າ ເມືອງໄຊເຊດຖາ ນະຄອນຫຼວງວຽງຈັນ, ໂດຍການເປັນປະທານຂອງ ພັທ ແສງທອງ ເກື້ອບຸນລ້ຳ ຮອງຫົວໜ້າຫ້ອງຕຳຫຼວດ, ຫົວໜ້າ ສປວສ, ໂດຍມີບັນດາແຂກຖືກເຊີນຈາກຫຼາຍພາກສ່ວນທີ່ກ່ຽວຂ້ອງ, ມີບັນດາພະນັກງານ, ພໍ່-ແມ່ຜູ້ປົກຄອງ ແລະ ຜູ່ປິ່ນປົວ-ບຳບັດເຂົ້າຮ່ວມ, ເຊິ່ງໃນພິທີ ຮອ ສີສະຫວັນ ໄຊຍະສົມບັດ ຫົວໜ້າໜ່ວຍງານຫ້ອງການບໍລິຫານຄົ້ນຄວ້າສັງລວມ

ໄດ້ຜ່ານຂໍ້ຕົົກລົງ ສະບັບເລກທີ 57/ສປວສ, ລົງວັນທີ 11 ມີນາ 2019 ວ່າດ້ວຍການເຫັນດີໃຫ້ຜູ່ປິ່ນປົວ-ບຳບັດຢາເສບຕິດເຂົ້າຝຶກອົບຮົມກົດໝາຍໄລຍະສັ້ນ ຊຸດທີ 14, ແຕ່ວັນທີ 3 ມີນາ ຫາ ວັນທີ 6 ເມສາ 2019; ໃນນີ້ໄດ້ຕົກລົງໃຫ້ຜູ້ປິ່ນປົວ-ບຳບັດຢາເສບຕິດ ທີ່ມີຄວາມກ້າວໜ້າ ແລະ ປະຕິບັດລະບຽບຂອງສູນວາງອອກໄດ້ຢ່າງເຂັ້ມງວດ ເຂົ້າຝຶກອົບຮົມກົດໝາຍໄລຍະສັ້ນ ຈຳນວນ 50 ຄົນ, ຍິງ 5 ຄົນ ແລະ ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບ ຈັດຝຶກອົບຮົມໃນຄັ້ງນີ້.



ພາບ-ຂ່າວ: ປກສ ນວ

No comments

Powered by Blogger.