Header Ads

ຈີນ-ລາວ ຮ່ວມມື ແລະ ສະແຫວງຫາການພັດທະນາຮ່ວມກັນ

ບົດສຳພາດ ທ່ານຈ່ຽງຈ້າຍຕົ່ງ ເອກອັກຄະລັດຖະທູດ ສປ ຈີນປະຈຳ ສປປ ລາວ


ປະຊາຊົນສອງປະເທດຈີນ-ລາວ ແລະ ລາວ-ຈີນ ຄວນຮ່ວມມື ສະແຫວງຫາການພັດທະນາຮ່ວມກັນດ້ວຍການຄຽງບ່າຄຽງໄຫລ່ກັນ ເພື່ອກ້າວໄປສູ່ການບັນລຸເປົ້າໝາຍຫລຸດພົ້ນອອກຈາກຄວາມທຸກຍາກຂອງຕົນໄດ້ ແລະ ເຮັດໃຫ້ຊີວິດມີຄວາມຜາສຸກກວ່າເກົ່າ “.ທ່ານ ຈ່ຽງຈ້າຍຕົ່ງ ເອກອັກຄະລັດຖະທູດ ສປ ຈີນປະຈຳສປປ ລາວ ກ່າວຕໍ່ນັກຂ່າວສະຖານີວິທະຍຸໂທລະພາບສູນກາງຈີນພາກພາສາລາວ(CMG ) ຫລື ຊື່ສະຖານີວິທະຍຸສາກົນແຫ່ງປະເທດຈີນ (CRI) ໃນວັນທີ 14 ມີນານີ້.ຂະນະດຽວກັນກໍໄດ້ກ່າວຕີລາຄາສູງຕໍ່ການຫລຸດພົ້ນອອກກຈາກກຄວາມທຸກຍາກຂອງລາວ ໂດຍເນັ້ນວ່າ:ນັບແຕ່ປະເທດລາວດຳເນີນການປ່ຽນ ແປງໃໝ່ ແລະ ເປີດປະຕູສູ່ພາຍນອກມາເປັນເວລາ 30 ກວ່າປີ,ການພັດທະນາເສດຖະກິດສັງຄົມໄດ້ຮັບຜົນສຳເລັດຢ່າງຫລວງຫລາຍເຊິ່ງເຫັນໄດ້ຈາກ GDP ສະເລ່ຍຕໍ່ຫົວຄົນຈາກ 432 ໂດລາສະຫະລັດ ເພີ່ມ ເປັນ 2.600 ໂດລາໃນປີ 2018.ຈາກຜົນສຳເລັດໃນການພັດທະນາເສດຖະກິດ ແລະ ສັງຄົມ ໄດ້ເຮັດໃຫ້ຊີວິດການເປັນຢູ່ຂອງປະຊາຊົນລາວ ໂດຍສະເພາະຜູ້ທຸກຍາກໄດ້ຮັບການປັບປຸງດີຂຶ້ນເລື້ອຍໆຄືເມື່ອສະເລ່ຍແຕ່ລະປີມີ 5.000 ກວ່າຄອບຄົວໄດ້ຫລຸດພົ້ນອອກຈາກຄວາມທຸກຍາກ.

ນີ້ຖືວ່າເປັນຜົນສຳເລັດທີ່ສຳຄັນຂອງປະເທດລາວໃນປັດຈຸບັນ ພາຍໃຕ້ການນຳພາທີ່ເຂັ້ມແຂງຂອງພັກ ແລະ ລັດຖະບານລາວທັງເປັນຜົນຈາກຄວາມພະຍາຍາມຢ່າງຕໍ່ເນື່ອງຂອງປະຊາຊົນລາວເຊັ່ນດຽວກັນ ແລະ ໃນຖານະເປັນປະເທດບ້ານໃກ້ເຮືອນຄຽງທີ່ດີ,ເພື່ອນມິດທີ່ດີ,ສະຫາຍທີ່ດີ ແລະ ຄູ່ຮ່ວມທີ່ດີ,ພວກຂ້າພະເຈົ້າດີໃຈເປັນຢ່າງຍິ່ງ ແລະຕີລາຄາສູງຕໍ່ຜົນສຳເລັດດັ່ງກ່າວ.




ທ່ານ ຈ່ຽງຈ້າຍຕົ່ງ ກ່າວອີກວ່າ:ພັກກອມມູນິດຈີນ ແລະ ພັກປະຊາຊົນປະຕິວັດລາວແມ່ນພັກກຳອຳນາດຂອງສອງປະເທດ ແລະ ລ້ວນແຕ່ຍຶດໝັ້ນທັດສະນະການພັດທະນາທີ່ຖືປະຊາຊົນເປັນກົກ ແລະຖືຄວາມມຸ່ງມາດປາຖະໜາຂອງປະຊາຊົນທີ່ສະແຫວງຫາຊີວິດທີ່ດີນັ້ນເປັນເປົ້າໝາຍສູ້ຊົນຂອງຕົນເຊິ່ງສອງຝ່າຍສາມາດຖອດຖອນບົດຮຽນ ແລະ ຊ່ວຍເຫລືອເຊິ່ງກັນ ແລະ ກັນໃນການຫລຸດຜ່ອນຄວາມທຸກຍາກ.ດ້ານໜຶ່ງ,ສອງຝ່າຍຄວນນຳໃຊ້ທ່າແຮງທີ່ມີອຸດົມການ ເສັ້ນທາງການພັດທະນາ ແລະລະບອບການເມືອງທີ່ຄ້າຍຄືກັນເປັນຢ່າງດີ ເພື່ອເພີ່ມທະວີການແລກປ່ຽນບົດຮຽນການຫລຸດຜ່ອນຄວາມທຸກຍາກຕື່ມອີກ.


ຂະນະດຽວກັນ,ສອງຝ່າຍຄວນຮ່ວມແຮງຮ່ວມໃຈເສີມຂະຫຍາຍສາຍພົວພັນຄູ່ຮ່ວມຊະຕາກຳທີ່ມີຄວາມໝາຍຍຸດທະສາດລະຫວ່າງຈີນ -ລາວ,ເພີ່ມທະວີການຮ່ວມມືການຫລຸດຜ່ອນຄວາມທຸກຍາກຕື່ມອີກ.ທັງນີ້ໃນຊຸມປີມໍ່ໆມານີ້,ການຮ່ວມມືຈີນ-ລາວໄດ້ເນັ້ນໃສ່ຂົງເຂດຊີວິດການເປັນຢູ່ຂອງປະຊາຊົນ ແລະ ພັດທະນາເຂດທຸກຍາກໃຫ້ຫລາຍຂຶ້ນ ເຊິ່ງກວມເອົາຫລາຍດ້ານ ເຊັ່ນ ພື້ນຖານໂຄງລ່າງ,ການບໍລິການສາທາລະນະ,ຊີວິດການເປັນຢູ່ຂອງກະສິກອນ,ເສີມສ້າງຄວາມສາມາດຫລຸດຜ່ອນຄວາມທຸກຍາກ ແລະ ອື່ນໆ


ຈາກການທີ່ຂະແໜງການທ່ອງທ່ຽວ ແລະ ຂະແໜງການທີ່ກ່ຽວຂ້ອງສາມາດສ້າງວຽກເຮັດງານທຳໃຫ້ແກ່ປະຊາຊົນລາວ 385.000 ຕຳແໜ່ງma’ກາຍເປັນຂະແໜງການເສົາຄ້ຳຂອງລາວນັ້ນ,ລັດຖະບານສອງປະເທດຈີນ{ລາວໄດ້ຕົກລົງກຳນົດປີ 2019 ເປັນປີທ່ອງທ່ຽວຈີນ-ລາວ,ລາວ-ຈີນ ເຊິ່ງເປັນການຕົກລົງເພື່ອການຮ່ວມມືກັນຊຸກຍູ້ການພັດທະນາ ແລະສ້າງຊີວິດທີ່ດີໃຫ້ແກ່ປະຊາຊົນ ແລະ ກໍໃນໂອກາດເປີດປີທ່ອງທ່ຽວ ລາວ-ຈີນ,ຈີນ-ລາ,ວັນທີ 25 ມັງກອນປີນີ້, ທ່ານ ສີຈິ້ນຜິງ ແລະທ່ານ ບຸນຍັງ ວໍລະຈິດ ໄດ້ສົ່ງສານອວຍພອນເຊິ່ງກັນແລະກັນ.ຈາກນີ້,ທ່ານ ຈ່ຽງຈ້າຍຕົ່ງ ໄດ້ກ່າວວ່າ:ການຈັດກິດຈະກຳປີທ່ອງທ່ຽວຈີນ-ລາວ,ລາວ-ຈີນ ຖືເປັນມາດຕະການສຳຄັນຂອງຜູ້ນຳສູງສຸດສອງປະເທດເພື່ອຕອບສະໜອງຄວາມມຸ່ງມາດປາຖະໜາອັນແຮງກ້າ ແລະ ຄວາມຕ້ອງການຮີບດ່ວນຂອງປະຊາຊົນສອງຊາດໃນການເພີ່ມທະວີຄວາມເຂົ້າໃຈກັນ ແລະ ເພີ່ມພູນຄູນສ້າງມິດຕະພາບລະຫວ່າງສອງປະເທດໂດຍໃນປີ 2018,ຄົນຈີນໄປທ່ຽວລາວມີ 8 ແສນຄົນ ເພີ່ມຂຶ້ນ 26% ທຽບໃສ່ປີ 2017 ແລະໃນໄລຍະບຸນກຸດຈີນປີນີ້ກໍໄດ້ເພີ່ມຂຶ້ນ 39%.ຈາກນີ້ຈຶ່ງຄາດວ່າປີນີ້ຄົນຈີນໄປທ່ອງທ່ຽວລາວຈະມີຫລາຍກວ່າ 1 ລ້ານຄົນ.ການທີ່ສອງຝ່າຍໄດ້ຈັດກິດຈະກຳ ປີທ່ອງທ່ຽວຈີນ-ລາວ,ລາວ-ຈີນ ບໍ່ພຽງແຕ່ເພື່ອເຮັດໃຫ້ນັກທ່ອງທ່ຽວເພີ່ມຂຶ້ນເທົ່ານັ້ນຫາກຈະຖືໂອກາດນີ້ ລົງເລິກການຮ່ວມມືການທ່ອງທ່ຽວ,ປັບປຸງສະພາບແວດລ້ອມການທ່ອງທ່ຽວໃຫ້ດີຂຶ້ນທັງເປັນການຊຸກຍູ້ການພັດທະນາເສດຖະກິດ.




ທ່ານ ຈ່ຽງຈ້າຍຕົ່ງ ຍັງກ່າວອີກວ່າ:ເນື່ອງຈາກເປັນໂຄງການສຳຄັນຂອງການເຮັດໃຫ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ເຊື່ອມຈອດກັບຍຸດທະສາດຫັນປະເທດບໍ່ຕິດຈອດກັບທະເລເປັນປະເທດເຊື່ອມຕໍ່ໃນອະນຸພາກພື້ນຂອງລາວ,ສອງຝ່າຍພວມຊຸກຍູ້ການສ້າງລະບຽງເສດຖະກິດຈີນ-ລາວ,ລາວ-ຈີນຢ່າງແຂງແຮງເຊິ່ງລະບຽງເສດຖະກິດນີ້ ພາກເໜືອເລີ່ມຈາກແຂວງຢຸນນານຂອງຈີນ ຕໍ່ໃສ່ເຂດພາກຕາເວັນຕົກສຽງໃຕ້ ແລະເຂດຍ່ານເໜືອຂອງແມ່ນ້ຳຢາງຊີກຽງຂອງຈີນ ແລະຜ່ານ ສປປ ລາວຕໍ່ໃສ່ບັນດາປະເທດໃນແຫລມອິນໂດຈີນ ເຊິ່ງເປັນຂົວຕໍ່ລະຫວ່າງຈີນກັບບັນດາປະເທດໃນອະນຸພາກພື້ນນີ້ລວມທັງ ສປປ ລາວ.




ປັດຈຸບັນ,ການສ້າງລະບຽງເສດຖະກິດ ຈີນ-ລາວ,ລາວ-ຈີນຄືບໜ້າໃນບາງຂົງເຂດສຳຄັນ ເຊັ່ນ: ໂຄງການທາງລົດໄຟ ຈີນ-ລາວ,ລາວ-ຈີນທີ່ຍາວ 414 ກິໂລແມັດ ໄດ້ສຳເລັດການກໍ່ສ້າງໂດຍພື້ນຖານແລ້ວ, ສ່ວນການກໍ່ສ້າງດ້ານອື່ນກໍລື່ນເຄິ່ງໜຶ່ງ,ການພັດທະນາໂດຍລວມທີ່ຢູ່ລຽບຕາມທາງລົດໄຟສາຍນີ້ເລີ່ມມີການພິຈາລະນາແລ້ວ.ເຂດຮ່ວມມືເສດຖະກິດບໍ່ຫານ-ບໍ່ເຕັນແລະເຂດພັດທະນາກວມລວມໄຊເສດຖາມີຄວາມຄືບໜ້າຕໍ່ເນື່ອວ, ໃນນັ້ນ ເຂດພັດທະນາກວມລວມໄຊເສດຖາໄດ້ມີ 57 ບໍລິສັດເຂົ້າໄປລົງທຶນລວມຍອດມູນຄ່າການລົງທຶນຫລາຍກວ່າ 1 ຕື້ໂດລາສະຫະລັດ ແລະ ຄາດວ່າ ຈະບັນລຸມູນຄ່າການຜະລິດຫລາຍກວ່າ 1.500 ຕື້ໂດລາສະຫະລັດໃນທ້າຍປີໜ້າ ແລະຈະສ້າງວຽກເຮັດງານທຳໄດ້ 1 ໝື່ນຕຳແໜ່ງ. ການສ້າງສາລະບຽງເສດຖະກິດຈີນ-ລາວ,ລາວ-ຈີນຢ່າງຮອບດ້ານຈະສ້າງໂອກາດຫລາຍໃຫ້ແກ່ສອງປະເທດຫລາຍກວ່າ.




ທ່ານ ຈ່ຽງຈ້າຍຕົ່ງ ກ່າວວ່າ:ປີ 2019 ເປັນປີຄົບຮອບ 70 ປີແຫ່ງການສະຖາປະນາສປ ຈີນ ທັງແມ່ນປີໜຶ່ງທີ່ສຳຄັນສຳລັບລາວເພື່ອບັນລຸເປົ້າໝາຍຫລຸດພົ້ນອອກຈາກສະຖານະພາບດ້ອຍພັດທະນາ ແລະກໍແມ່ນປີຄົບຮອບ 10 ປີການສ້າງສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ລາວລາວ-ຈີນ ທັງຖືເປັນປີແຫ່ງໂອກາດາສຳຄັນໃໝ່ໃນການເສີມຂະຫຍາຍການພົວພັນລະຫວ່າງສອງປະເທດນັ້ນ,ໃນເດືອນເມສາປີນີ້ີ້,ທ່ານ ບຸນຍັງ ວໍລະຈິດ ຈະເຂົ້າຮ່ວມກອງປະຊຸມສຸດຍອດການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 2 ຢູ່ຈີນ ເຊິ່ງການນຳສູງສຸດຂອງສອງພັກແລະສອງປະເທດຈະໄດ້ພົບປະກັນອີກເທື່ອໜຶ່ງ ເພື່ອເປີດກວ້າງການຮ່ວມມືຍຸດທະສາດຮອບດ້ານລະຫວ່າງສອງປະເທດ ແລະສ້າງປະຫວັດສາດໜ້າໃໝ່ແຫ່ງການສ້າງປະຊາຄົມຮ່ວມຊະຕາກຳລະຫວ່າງສອງປະເທດ.

No comments

Powered by Blogger.