Header Ads

ຄະນະນຳແຂວງສະຫວັນນະເຂດ ແລະ ແຂວງອຸດົມໄຊແລກປ່ຽນບົດຮຽນໃນການພັດທະນາໃນດ້ານຕ່າງໆຮ່ວມກັນ

ຄະນະການນຳຂອງ ແຂວງອຸດົມໄຊ ເຊິ່ງນຳໂດຍ ທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລ ຂາພັກແຂວງ ເຈົ້າແຂວງອຸ ດົມໄຊ ພ້ອມຄະນະໄດ້ເຂົ້າ ຮ່ວມກອງປະຊຸມພົບປະແລກ ປ່ຽນຖອດຖອນບົດຮຽນໃນ ການພັດທະນາເສດຖະກິດ- ສັງຄົມກັບຄະນະການນຳຂອງແຂວງສະຫວັນນະເຂດ ໂດຍ ມີທ່ານ ສັນຕິພາບ ພົມວິຫານ ກຳມະການສູນກາງພັກ ເລ ຂາພັກແຂວງ ເຈົ້າແຂວງສະ ຫວັນນະເຂດ ໃຫ້ກຽດຕ້ອນ ຮັບ ແລະເຂົ້າຮ່ວມກອງປະຊຸມ ພົບປະແລກປ່ຽນໃນຄັ້ງນີ້.



ໃນວາລະປະຊຸມ, ທ່ານ ເຈົ້າແຂວງສະຫວັນນະເຂດ ແມ່ນໄດ້ລາຍງານທີ່ຕັ້ງແລະ ສະພາບການພັດທະນາເສດ ຖະກິດ-ສັງຄົມຂອງແຂວງ ສະຫວັນນະເຂດ ໂດຍຫຍໍ້ໃຫ້ ກັບຄະນະການນຳຈາກແຂວງ ອຸດົມໄຊໄດ້ຮັບຊາບ, ໃນນີ້ແມ່ນ ເວົ້າເຖິງສະພາບການລົງທຶນ ໃນເຂດເສດຖະກິດພິເສດສະ ຫວັນ-ເຊໂນ, ການປູກພືດກະ ສິກຳທີ່ສົ່ງຂາຍຕ່າງປະເທດ ໂດຍສະເພາະແມ່ນການສົ່ງ ອອກເຂົ້າໄປຂາຍທີ່ປະເທດ ສປ ຈີນ ປີໜຶ່ງມີຈຳນວນຫຼາຍ ພັນໂຕນ ແລະໄດ້ລາຍງານ ຄວາມຄືບໜ້າໃນການລຶບລ້າງ ບ້ານທຸກຍາກ ແລະຄອບຄົວ ທຸກຍາກໃນທົ່ວແຂວງ. ຈາກ ນັ້ນ, ທ່ານ ຄຳພັນ ເຜີຍຍະວົງກໍ່ ໄດ້ກ່າວຈຸດປະສົງຂອງການແລກປ່ຽນບົດຮຽນກັບແຂວງ ສະຫວັນນະເຂດໃນຄັ້ງນີ້ວ່າ: ເພື່ອທົບທວນຄືນ ຂໍ້ສະດວກ ແລະຂໍ້ຫຍຸ້ງຍາກໃນການພັດ ທະນາເສດຖະກິດ-ສັງຄົມຢູ່ ແຂວງ ສະຫວັນນະເຂດ ແລະ ນຳມາປຽບທຽບເຖິງບົດຮຽນ ທີ່ອາດປັບໃຊ້ເຂົ້າໃນການພັດ ທະນາເສດຖະກິດ-ສັງຄົມຢູ່ ແຂວງອຸດົມໄຊ, ບັນຫາການ ກະກຽມຄວາມພ້ອມໃນການ ດຳເນີນກອງປະຊຸມ 3 ຂັ້ນ ແລະສຶກສາຮ່ວມກັນໃນການ ວາງທິດທາງແຜນການໃນ ການພັດທະນາແຂວງຂອງຕົນ ໃນຕໍ່ໜ້າ. ຈາກນັ້ນ, ຄະນະການ ນຳຂອງແຂວງ ອຸດົມໄຊກໍ່ໄດ້ ໄປຢ້ຽມຢາມໂຮງງານນ້ຳດື່ມ ໂລມາຄຳ ໂດຍໄດ້ຮັບການ ຕ້ອນ ຮັບເປັນຢ່າງດີຈາກ ທ່ານ ເກຍ ອູ໊ສິດທິເດດ ເຈົ້າຂອງໂຮງ ງານ ໂດຍທ່ານໄດ້ລາຍງານສະ ພາບການດຳເນີນທຸລະກິດໃນ ການຜິດນ້ຳດື່ມ-ນ້ຳກ້ອນ ຂອງ ໂຮງງານແຫ່ງນີ້ນັບແຕ່ມື້ ສ້າງຕັ້ງຈົນຮອດປະຈຸບັນ ໂດຍ ໄດ້ມີການຂະຫຍາຍໃຫ້ເຕີບ ໃຫຍ່ຂຶ້ນໄປເລື້ອຍໆ, ຕໍ່ມາຄະນະຜູ້ແທນຈາກແຂວງອຸດົມໄຊກໍ່ໄດ້ໄປຢ້ຽມຢາມເຂດເສດຖະກິດພິເສດ ສະຫວັນ-ເຊໂນຈຸດ C ໂດຍມີຜູ້ບໍລິຫານບໍສັດສະ ຫວັນປັກ(SAVAN PARK) ໃຫ້ການຕ້ອນຮັບ ແລະນຳສະ ເໜີບົດຮຽນຕົວຈິງໃນການດຳເນີນການໃນເຂດເສດຖະກິດພິ ເສດຢູ່ແຂວງສະຫວັນນະເຂດ ທີ່ອາດຈະເປັນບົດຮຽນນຳໄປຈັດຕັ້ງປະຕິບັດໃຫ້ແທດເໝາະ ຖ້າຫາກວ່າແຂວງອຸດົມໄຊຈະມີເຂດເສດຖະກິດພິເສດໃນອະນາຄົດອັນໃກ້./.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

No comments

Powered by Blogger.