Header Ads

ງານປະກວດ ສິລະປະວັນນະຄະດີ ແລະ ປະກວດສື່ການຮຽນການສອນຂອງໂຮງຮຽນ ມສ ເມືອງເງິນ

ໃນຄ່ຳຄືນຂອງວັນທີ່ 14 ມີນາ 2019 ນີ້ ຢູ່ທີ່ເດີນໂຮງຮຽນ ມສ ເມືອງ ເມືອງເງິນ ແຂວງ ໄຊຍະບູລີ ໄດ້ຈັດງານປະກວດ ສິລະປະວັນນະຄະດີ ແລະ ປະກວດສື່ການຮຽນການສອນຂອງໂຮງຮຽນ ມສ ເມືອງເງິນ ຂື້ນຢ່າງເປັນທາງການ, ເຂົ້າຮ່ວມເປັນກຽດ ມີ ທ່ານ ຊູລິສິດ ຄຳພູວົງ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາ ເມືອງ , ມີຄະນະອຳນວຍການ, ຄູ-ອາຈານ, ປະທານສະມາຄົມພໍ່ແມ່ນັກຮຽນ, ນັກທຸລະກິດຜູ້ປະກອບການ, ພໍ່ແມ່ປະຊາຊົນ, ແລະ ນ້ອງນັກຮຽນເຂົ້າຮ່ວມຢ່າງຫຼວງຫຼາຍ.



ທ່ານ ຄາມ ປັນຍາວົງ ອໍານວຍການ ໂຮງຮຽນມັດທະຍົມສົມບູນ ເມືອງເງິນ ໃນນາມປະທານການຈັດງານປະກວດສິລະປະວັນນະຄະດີ ແລະ ປະກວດສື່ການຮຽນການສອນ ໃນຄັ້ງນີ້ ກໍ່ໃຫ້ກຽດຂື້ນກ່າວເປີດງານຢ່າງເປັນທາງການ ເພື່ອເປັນການອານຸລັກຮັກສາວັດທະນະທຳຮີດຄອງປະເພນີຂອງຊາດ ຂອງເຜົ່າ ໄວ້ຄູ່ກັບຄົນລາວຕະຫຼອດໄປ , ເພື່ອເປັນການເສີມສ້າງຂະບວນການຮຽນການສອນໄປຕາມ 3 ລັກສະນະ, 5 ຫຼັກມູນຂອງການສຶກສາ ອີກຢ່າງໜຶ່ງກໍ່ເພື່ອເປັນການຊອກຫາແຫຼ່ງທືນເພື່ອມາຊື້ອຸປະກອນການຮຽນ-ການສອນ ແລະ ພັດທະນາໂຮງຮຽນ. ແລະ ເພື່ອເປັນການທົດສອບຄວາມຮູ້ຄວາມສາມາດຂອງນ້ອງນັກຮຽນ ໃນການປະດິດສື່ການຮຽນການສອນ ເພື່ອນຳໃຊ້ເຂົ້າໃນຊິວີດປະຈຳວັນ.



ງານປະກວດສິລະປະວັນນະຄະດີ ແລະ ປະກວດສື່ການຮຽນການສອນ ໂຮງຮຽນ ມສ ເມືອງເງິນ ໃນຄັ້ງນີ້ເຊີ່ງມີ ຊັ້ນມ1 ຮອດຊັ້ນ ມ 7 ມີ 28 ລາຍການ ໃນນີ້ ບົດຟ້ອນ 15 ລາຍການ ຮ້ອງເພງ 8 ລາຍການ, ລະຄອນ 5 ແລະ ສື່ການຮຽນການສອນ ຈໍານວນ 7 ຊັ້ນຮຽນ : ສຳລັບຜົນການແຂ່ງຂັນ ທີ່1 ບົດຟ້ອນຊັ້ນມໍຕົ້ນ ໄດ້ແກ່ ຫ້ອງ ມ 1/1, ຊັ້ນ ມໍ ປາຍໄດ້ແກ່ ຫ້ອງ ມ7/1, ສຳລັບຜົນການແຂ່ງຂັນຮ້ອງເພງ ທີ່ 1 ຊັ້ນ ມ ຕົ້ນ ໄດ້ແກ່ ຫ້ອງ ມ 4 , ທີ່1 ຊັ້ນ ມໍປາຍໄດ້ແກ່ ມ 7 ແລະຜົນປະກວດສື່ການຮຽນການສອນຊັ້ນ ມ ຕົ້ນ ໄດ້ແກ່ ຫ້ອງ ມ 1, ຊັ້ນ ມ ປາຍ ໄດ້ແກ່ ຫ້ອງ ມ 7.







ຕອນທ້າຍ ທາງຄະນະປະທານກໍ່ໄດ້ມອບຂອງຂັວນລາງວັນໃຫ້ນັກສິລະປະອີກດ້ວຍ

ໂດຍ: ອິນແປງ ແຫວນຄຳ

1 comment

m.2 slot under gpu said...

There are 5 unit bet maximum in joker123 is the best casino.
ROULETTE The online casino games offer two types of roulette-
American and European union. If this is basically the
old Black jack you are looking for? https://www.muzeumzamoyskich.pl/skins/kozlowka/redirect.php?url=http://918kiss.party/downloads/5136-download-lpe88

Powered by Blogger.