Header Ads

ລາຍງານສະພາບການຟື້ນຟູເມືອງສະໜາມໄຊ

ໃນຕອນເຊົ້າຂອງວັນທີ 5 ມີນາ 2019 ທີ່ສຳນັກງານນາຍົກລັດຖະມົນຕີ, ຄະນະກຳມະການສະເພາະກິດແກ້ໄຂໄພພິບັດ ລະດັບຊາດ ໄດ້ຈັດກອງປະຊຸມຕີລາຄາ ສະພາບການແກ້ໄຂໄພພິບັດ ແລະ ຟື້ນຟູຊີວິດການເປັນຢູ່ຂອງປະຊາຊົນ ເມືອງສະໜາມໄຊ, ແຂວງອັດຕະປື ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ປະທານຄະນະກຳມະ ການສະເພາະກິດ ແກ້ໄຂໄພພິບັດລະດັບຊາດ.




ກອງປະຊຸມຄັ້ງນີ້ ໄດ້ຮັບຟັງລາຍງານຄວາມຄືບໜ້າ ກ່ຽວກັບການຈັດຕັ້ງປະຕິບັດວຽກງານ ການແກ້ໄຂໄພພິບັດ ແລະ ຟື້ນຟູພາຍຫຼັງໄພພິບັດ ຢູ່ເມືອງສະໜາມໄຊ, ແຂວງອັດຕະປື ຈາກທ່ານ ສົມສະນິດ ສຸວັນນະລາດ, ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ຫົວໜ້າຫົວໜ້າໜ່ວຍງານປະສານງານ, ຄະນະກຳມະການສະເພາະກິດແກ້ໄຂໄພ ພິບັດລະດັບຊາດ, ຊຶ່ງເຫັນວ່າ:





ມາຮອດປະຈຸບັນ ໄດ້ສຳເລັດການຍົກຍ້າຍປະຊາຊົນ ອອກຈາກເຕັ້ນ ໄປຢູ່ເຮືອນພັກຊົ່ວຄາວ ສຳເລັດ 100%; ການບຸກເບີກເນື້ອທີ່ປຸກສ້າງທີ່ພັກຖາວອນເກືອບ 300 ເຮັກຕາ ສຳເລັດ 100%, ຊຶ່ງກຳລັງຕັດແຜນຜັງ ແລະ ຕາຜ້າ; ການບຸກເບີກເນື້ອທີ່ທໍາການຜະລິດ ຈຳນວນ 2.140 ເຮັກຕາ ສຳເລັດແລ້ວ 33%; ການປະເມີນຜົນກະທົບ ແລະ ມູນຄ່າການເສຍຫາຍ ທາງດ້ານເສດຖະກິດ-ສັງຄົມ ແລະ ສິ່ງແວດລ້ອມ ເຫັນວ່າ ຜົນເສຍຫາຍດ້ານເສດຖະກິດຕໍ່ຄົວເຮືອນ ໃນຈຳນວນ 19 ບ້ານ ທີ່ຖືກຜົນກະທົບ ມີມູນຄ່າຄວາມເສຍຫາຍ ປະມານ 220 ຕື້ກີບ, ຜົນເສຍຫາຍດ້ານພື້ນຖານໂຄງລ່າງ ປະມານ 130 ຕື້ກີບ, ຜົນເສຍຫາຍ ຂອງພາກທຸລະກິດ ແລະ ຜູ້ປະກອບການ ປະມານ 124 ຕື້ກີບ,





ສ່ວນການວັດ ແທກຂະໜາດເຮືອນ, ທີ່ດິນປຸກສ້າງ ແລະ ທີ່ດິນກະສິກໍາ ຢູ່ບັນດາບ້ານ ທີ່ຖືກຜົນກະທົບໜັກ ແມ່ນສໍາເລັດ 80%.ຫຼັງຈາກນັ້ນ, ຜູ້ເຂົ້າຮ່ວມກອງປະຊຸມ ໄດ້ຜັດປ່ຽນກັນປະກອບຄຳຄິດເຫັນ ຕໍ່ການຈັດຕັ້ງປະຕິບັດວຽກງານ ທີ່ຕິດພັນກັບຂອບເຂດ ແລະ ຄວາມຮັບຜິດຊອບ ຂອງຂະແໜງການຕົນ, ພ້ອມທັງ ສະເໜີບາງທິດທາງແຜນການ ໃນຈັດຕັ້ງປະຕິບັດວຽກງານໃນຕໍ່ໜ້າ ລວມທັງ ຄຳສະເໜີປັບປຸງແກ້ໄຂວຽກງານຈຳນວນໜຶ່ງ ທີ່ຍັງຄົງຄ້າງ, ມີຄວາມຊັກຊ້າ, ບໍ່ເປັນໄປຕາມແຜນ ແລະ ລະບຽບການທີ່ກຳນົດໄວ້.




ໃນໂອກາດດຽວກັນ, ທ່ານຮອງນາຍົກລັດຖະມົນຕີ ກໍ່ໄດ້ມີຄຳຖາມເຈາະຈີ້ມຕື່ມ ຕໍ່ບາງບັນຫາ ເປັນຕົ້ນ ແບບເຮື່ອນທີ່ຈະປຸກສ້າງໃຫ້ປະຊາຊົນຢູ່ຖາວອນ, ການຄຸ້ມຄອງ-ນຳໃຊ້ງົບປະມານ ເຂົ້າໃນໂຄງການຕ່າງໆ, ການບໍລິຫານວຽກງານ ແລະ ອື່ນໆ, ແຜນການພັດທະນາ ແລະ ຟື້ນຟູດ້ານຕ່າງໆ ໂດຍສະເພາະແມ່ນການຈັດສັນອາຊີບໃຫ້ປະຊາຊົນ, ການປະເມີນຜົນເສຍຫາຍ, ການຊົດເຊີຍຜົນເສຍຫາຍ, ການປະສານງານ ແລະ ເຮັດວຽກຮ່ວມກັບພາກສ່ວນຕ່າງໆ ທັງສູນກາງ, ທ່ອງຖິ່ນ ແລະ ບໍລິສັດ ທີ່ກ່ຽວຂ້ອງ.




ໃນຕອນທ້າຍ, ທ່ານຮອງນາຍົກລັດຖະມົນຕີ ໄດ້ເນັ້ນໜັກໃຫ້ພາກສ່ວນ ແລະ ຂະແໜງການທີ່ກ່ຽວຂ້ອງ ເອົາໃຈໃສ່ຕື່ມ ຕໍ່ບັນຫາສຳຄັນຈຳນວນໜຶ່ງ ເພື່ອເຮັດໃຫ້ການຈັດຕັ້ງປະຕິບັດວຽກງານໃນຕໍ່ໜ້າ ມີຜົນສຳເລັດ ແລະ ໄດ້ຮັບປະສິດທິຜົນສູງ ເປັນຕົ້ນ ຈັດຕັ້ງປະຕິບັດລະບຽບການນຳໃຊ້ເງິນງົບປະມານ ໃຫ້ຖືກຕ້ອງຕາມເປົ້າໝາຍ ແລະ ລະບຽບການຢ່າງເຂັ້ມງວດ ບົນພື້ນຖານຂໍ້ມູນລວມສູນ, ປະຢັດມັດທະຍັດ ແລະ ມີປະສິດທິຜົນສູງ; ສືບຕໍ່ຈັດຕັ້ງປະຕິບັດແຈ້ງການເລກທີ 200/ຫສນຍ ແລະ 290/ຫສນຍ ໃຫ້ມີຜົນສໍາເລັດ ;ສືບຕໍ່ສ້າງແຜນການເຄື່ອນໄຫວ ແລະ ແຜນກິດຈະກຳຂອງແຕ່ລະຄະນະໃຫ້ສຳເລັດ ແລະ ສາມາດຈັດຕັ້ງປະຕິບັດໄດ້; ສືບຕໍ່ສ້າງແຜນປະເມີນຜົນ, ຟື້ນຟູ ແລະ ຈັດສັນອາຊີບໃຫ້ເປັນລະບົບ, ຕໍ່ເນື່ອງ ແລະ ສອດຄ່ອງກັບເງື່ອນໄຂທ່າແຮງຕົວຈິງ;





ສືບຕໍ່ກະກຽມຈັດຕັ້ງປະຕິບັດ ບັນດາໂຄງການຮີບດ່ວນ ແລະ ໃຫ້ໄດ້ເລີ່ມຈັດຕັ້ງປະຕິບັດ ໂດຍສັງລວມ ບັນຊີໂຄງການ, ຫົວໜ່ວຍລາຄາ, ບໍລິມາດວຽກ, ມູນຄ່າໂຄງການ, ເອກະສານລະອຽດ ເພື່ອສະເໜີລັດຖະບານ ອະນຸມັດ ແລະ ບໍລິສັດ ພິຈາລະນາຮັບຮອງເອົາຫົວໜ່ວຍລາຄາ ແລະ ມູນຄ່າໂຄງການ; ສືບຕໍ່ລົງຊຸກຍູ້ຊ່ວຍເຫຼືອ, ປຸກລະດົມ, ຕິດຕາມ ແລະ ເບິ່ງແຍງ ຊີວິດການເປັນຢູ່ ຂອງປະຊາຊົນ ທີ່ໄດ້ຮັບຜົນກະທົບ ຢ່າງເປັນປົກກະຕິ ແລະ ຕໍ່ເນື່ອງ; ສືບຕໍ່ປະເມີນໂຄງການ ທີ່ໄດ້ປະຕິບັດມາແລ້ວ ໃຫ້ສຳເລັດໂດຍໄວ; ເອົາໃຈໃສ່ເຮັດວຽກໂຄສະນາເຜີຍແຜ່ ກ່ຽວກັບການແກ້ໄຂໄພພິບັດ ແລະ ຟື້ນຟູຊີວິດການເປັນຢູ່ ຂອງປະຊາຊົນ ເມືອງສະໜາມໄຊ ໃຫ້ສັງຄົມໄດ້ຮັບຮູ້ຢ່າງກວ້າງ ແລະ ເຂົ້າໃຈຢ່າງຖືກຕ້ອງ ຕໍ່ກັບສະພາບຄວາມເປັນຈິງ ແລະ ຄວາມພະຍາຍາມຂອງທຸກພາກສ່ວນ ໃນການແກ້ໄຂບັນຫາດັ່ງກ່າວ ທັງໄລຍະຜ່ານມາ ແລະ ໃນອະນາຄົດ.

2 comments

sky777 casino said...

This is done to help boost the overall appearance.
Do not stress yourself anymore thinking what gift to provide to pals and family.
Do save your time on small details or little vocals. http://sky777.fun/index.php/15-sky77

xprogaming live casino said...

There are many membership scripts available a person can install to run your membership site.
If you want to to create your downline, following these six simple steps will
place you on on your path. http://kevinknightrealtor.com/__media__/js/netsoltrademark.php?d=scr888.group%2Fother-games-download%2F2494-download-ace333

Powered by Blogger.