Header Ads

ເມືອງແກ່ນທ້າວ ມອບ-ຮັບ ໜ້າທີ່ລະຫວ່າງຫົວໜ້າຫ້ອງການ ຖວທ ຜູ້ເກົ່າ ແລະ ຜູ້ໃໝ່

ພິທີມອບ-ຮັບ ໜ້າທີ່ລະຫວ່າງຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວ ເມືອງແກ່ນທ້າວ ແຂວງໄຊຍະບູລີ ຜູ້ເກົ່າ ແລະ ຜູ້ໃໝ່ ໄດ້ຈັດຂື້ນຢ່າງເປັນທາງການໃນຕອນແລງຂອງວັນທີ 12 ມີນາ ປີ 2019 ນີ້,ຢູ່ທີ່ຫ້ອງການດັ່ງກ່າວ ໂດຍການເປັນກຽດເຂົ້າຮ່ວມຂອງທ່ານ ອຳຄາ ລັດສະໝີ ຮອງເລຂາພັກເມືອງ,ຮອງເຈົ້າເມືອງແກ່ນທ້າວ,ທັງເປັນຜູ້ຊີ້ນຳຂົງເຂດວັດທະນະທຳ-ສັງຄົມ,ທ່ານ ບຸນສົງ ລາດຊະວົງ ຄະນະປະຈຳພັກເມືອງ,ຫົວໜ້າຄະນະຈັດຕັ້ງເມືອງ,ທ່ານ ບົວລອງ ແກ້ວພິລາ ກຳມະການພັກເມືອງ,ຫົວໜ້າຫ້ອງການພາຍໃນເມືອງ,ມີຕາງໜ້າຫ້ອງວ່າການເມືອງ,ຫ້ອງການກວດກາລັດເມືອງ ແລະ ພະນັກງານລັດຖະກອນພາຍໃນຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງເຂົ້າຮ່ວມຢ່າງພ້ອມພຽງ.


ໂດຍປະຕິບັດຕາມຂໍ້ຕົກລົງຂອງທ່ານເຈົ້າແຂວງໄຊຍະບູລີ ສະບັບເລກທີ 37/ຈຂ.ຊຍ, ລົງວັນທີ 18 ມັງກອນ 2019 ວ່າດ້ວຍການແຕ່ງຕັ້ງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງແກ່ນທ້າວ ເຈົ້າແຂວງຕົກລົງແຕ່ງຕັ້ງທ່ານ ສົມຫວັງ ພຸດທະສັກ ກໍາມະການພັກເມືອງ, ຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງແກ່ນທ້າວ ໄປເປັນຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງແກ່ນທ້າວ ແລະ ຂໍ້ຕົກລົງຂອງທ່ານເຈົ້າເມືອງແກ່ນທ້າວ ສະບັບເລກທີ 219/ຈມ.ກທ, ລົງວັນທີ 7 ກຸມພາ 2019 ວ່າດ້ວຍການແຕ່ງຕັ້ງຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ

ໂດຍອີງຕາມຂໍ້ຕົກລົງຂອງທ່ານເຈົ້າແຂວງໄຊຍະບູລີ ສະບັບເລກທີ 1594/ຈຂ.ຊຍ,ວ່າດ້ວຍການແຕ່ງຕັ້ງ ແລະ ການເຄື່ອນໄຫວວຽກງານຂອງຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງ,ອີງຕາມ ໜັງສືແຈ້ງຕອບຂອງຫົວໜ້າຄະນະຈັດຕັ້ງແຂວງໄຊຍະບູລີ ສະບັບເລກທີ 032/ຄຈຂ.ຊຍ,ລົງວັນທີ 5 ກຸມພາ ປີ 2019 ແລະ ໜັງສືສະເໜີຂອງຫົວໜ້າຄະນະຈັດຕັ້ງເມືອງແກ່ນທ້າວ ສະບັບເລກທີ 18/ຄຈມ.ກທ,ລົງວັນທີ 6 ກຸມພາ ປີ 2019 ເຈົ້າເມືອງແກ່ນທ້າວ ຕົກລົງແຕ່ງຕັ້ງທ່ານ ບຸນລື່ນ ໄຊຍະພອນ ຮອງຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງຂຶ້ນເປັນຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງແກ່ນທ້າວ.


ໃນພິທີ ທ່ານ ສົມຫວັງ ພຸດທະສັກ ຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວຜູ້ເກົ່າ ໄດ້ຜ່ານບົດບັນທຶກການມອບວຽກຢ່າງເປັນທາງການ,ຈາກນັ້ນທັງສອງທ່ານໄດ້ຮ່ວມກັນເຊັນບົດບັນທຶກດັ່ງກ່າວ ໂດຍຊ່ອງໜ້າທ່ານ ອຳຄາ ລັດສະໝີ ຮອງເລຂາພັກເມືອງ,ຮອງເຈົ້າເມືອງແກ່ນທ້າວ,ທ່ານ ບຸນສົງ ລາດຊະວົງ ຄະນະປະຈຳພັກເມືອງ,ຫົວໜ້າຄະນະຈັດຕັ້ງເມືອງ,ມີກຳມະການພັກເມືອງ,ຫົວໜ້າ,ຮອງຫົວໜ້າຫ້ອງການ ແລະ ພະນັກງານພາຍໃນຫ້ອງການດັ່ງກ່າວ ແລະ ເພື່ອເປັນທິດໃນການເຄື່ອນໄຫວວຽກງານ ຖວທ ໃນຕໍ່ໜ້ານັ້ນ,ທ່ານ ອຳຄາ ລັດສະໝີ ຮອງເລຂາພັກເມືອງ,ຮອງເຈົ້າເມືອງແກ່ນທ້າວ ຍັງໄດ້ໃຫ້ກຽດໂອ້ລົມຕໍ່ພິທີເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຜົນງານທີ່ທາງຫົວໜ້າຫ້ອງການ ຖວທ ຜູ້ເກົ່າຍາດມາໄດ້ຕະລອດໄລຍະການຊີ້ນຳໆພາຜ່ານມາ ພ້ອມນີ້ ທ່ານຍັງໄດ້ຍົກໃຫ້ເຫັນຄວາມຈຳເປັນໃນການໂຍກຍ້າຍພະນັກງານ ໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ວຽກງານ ເພື່ອສືບຕໍ່ປັບປຸງຂະແໜງການ ວຽກງານທີ່ຮັບຜິດຊອບໃໝ່ ໂດຍນຳເອົາບົດຮຽນທີ່ປະສົບຜົນສຳເລັດແລ້ວໄປນຳໃຊ້ຕໍ່ໄປ.


ພ້ອມນີ້ ທ່ານຍັງໄດ້ຮຽກຮ້ອງໃຫ້ຫົວໜ້າຫ້ອງການ ຖວທ ຄົນໃໝ່ ໄດ້ສືບຕໍ່ວຽກງານຕາມແຜນການທີ່ກຳນົດໄວ້,ຕັ້ງໜ້າເຝິກຝົນຫຼໍໍ່ຫຼອມຕົນເອງ,ຊອກຮູ້ຮໍ່າຮຽນເອົາບົດຮຽນການຊີ້ນຳໆພາ ໂດຍຜ່ານຂະບວນການວຽກງານຕົວຈິງ,ປະຕິບັດໜ້າທີ່ຕາມພາລະບົດບາດ ຕິດພັນກັບວຽກງານວິຊາສະເພາະ,ປັບປຸງບາງວຽກງານ ໄປພ້ອມໆກັບການປົກປັກຮັກສາວັດຖຸອຸປະກອນ,ສຳນັກງານ-ອົງການ,ເສີມຂະຫຍາຍຫົວຄິດປະດິດສ້າງ,ເຕົ້າໂຮມຄວາມສາມັກຄີ ແລະ ປະຕິບັດນະໂຍບາຍໄປຄຽງຄູ່ກັບຜົນສຳເລັດການຈັດຕັ້ງປະຕິບັດໜ້າທີ່ວຽກງານຂອງພະນັກງານ-ລັດຖະກອນ ທັງນີ້ ແນໃສ່ເພື່ອເຮັດໃຫ້ວຽກງານຖະແຫຼງຂ່າວ,ວັດທະນະທຳ ແລະ ທ່ອງທ່ຽວມີໃບໜ້າອັນໃໝ່ ເຮັດໜ້າທີ່ເປັນປາກກະບອກສຽງຂອງອົງຄະນະພັກເມືອງໃຫ້ນັບມື້ນັບດີຂື້ນໄປເລື້ອຍໆ.

1 comment

Jim said...

It is appropriate time to make some plans for the longer term and it's time to be happy.

I have learn this submit and if I may I wish to recommend you some interesting things or tips.
Perhaps you could write next articles relating to this article.
I desire to read more issues approximately it!
I need to to thank you for this very good read!! I absolutely loved every
little bit of it. I have got you bookmarked to check out new stuff you It
is perfect time to make some plans for the future and it is time to be happy.
I have read this post and if I could I want to suggest you some interesting things or tips.
Perhaps you could write next articles referring to this article.
I want to read more things about it! http://dell.com/

Powered by Blogger.