Header Ads

ຄະນະນຳ ມະຫາວິທະຍາໄລຮົງດຶກ ສສ ຫວຽດນາມ ພົບປະຫາລື ຮ່ວມ ສກຂ ຫຼວງພະບາງ ດ້ານການກໍ່ສ້າງຊັບພະຍາກອນມະນຸດ



    ເພື່ອເປັນການສືບຕໍ່ສາຍພົວພັນອັນສະນິດແໜ້ນລະຫວ່າງ ສາທາລະນະລັດ ສັງຄົມນິຍົມ(ສສ) ຫວຽດ ແລະ ສາທາລະນະລັດ ປະຊາທິປະໄຕ ປະຊາຊົນລາວ( ສປປ ລາວ) ໂດຍສະເພາະ ມະຫາວິທະຍາໄລຮົງດຶກ  ແລະ ພະແນກສຶກສາທິການ ແລະ ກິລາແຂວງ ຫຼວງພະບາງ ໃນການກໍ່ສ້າງຊັບພະຍາກອນມະນຸດຮ່ວມກັນ,  ການຢ້ຽມຢາມພົບປະດັ່ງກ່າວໄດ້ມີຂື້ນ ໃນຕອນແລງຂອງວັນທີ 26 ມີນາ ຜ່ານມາ ເຊິ່ງນໍາທີມໂດຍ ທ່ານ ມາຍວັນໄບ ຜູ້ອຳນວຍການ ມະຫາວິທະຍາໄລຮົງດຶກ ສສ ຫວຽດນາມ ແລະ ໃຫ້ກຽດຕ້ອນຮັບຂອງທ່ານ ເອິງ ລໍສະຫວັນ ຫົວໜ້າ ພະແນກສຶກສາທິການ ແລະ ກິລາແຂວງ ຫຼວງຫຼວງພະບາງພ້ອມດ້ວຍ ຫົວໜ້າ-ຮອງຫົວໜ້າຂະແໜງ ທີ່ກ່ຽວຂ້ອງທັງສອງຝ່າຍເຂົ້າຮ່ວມ.



     ໃນການພົບປະຄັ້ງນີ້ ທ່ານມາຍວັນໄບ ໄດ້ລາຍງານ ສະພາບຈຸດພິເສດ ທີ່ຕັ້ງຂອງມະຫາວິທະຍາໄລ, ສະພາບການສຶກສາ, ການໃຫ້ທຶນ ການຊ່ວຍເຫຼືອແກ່ນັກສຶກສາລາວໃນໄລຍະຜ່ານມາ, ຂັ້ນຕອນການສິດສອນຂອງແຕ່ລະສາຂາພາກວິຊາຢູ່ທີ່ສະຖາ ບັນດັ່ງກ່າວ, ພ້ອມດຽວກັນນີ້ ທ່ານຍັງໄດ້ ສະເໜີທຶນ ແລະ ງົບປະມານສໍາລັບຄ່າ ຮໍ່າຮຽນ ທີ່ພັກເຊົ່າໃຫ້ກັບທາງພະແນກສຶກສາທິການ ແລະ ກິລາແຂວງຫຼວງພະບາງໄດ້ຮັບຊາບ, ຈາກນັ້ນທ່ານ ເອິງ ລໍສະຫວັນ ໄດ້ມີຄຳຫັນແລກປ່ຽນ ໃນຫຼາຍໆດ້ານເປັນຕົ້ນ ແມ່ນການແນະນຳ,ຊັກຖາມລາຍລະອຽດກ່ຽວກັບການສະໜັກເຂົ້າຮຽນ,ຄ່າໃຊ້ຈ່າຍ,ການຄຸ້ມຄອງ,ລະບຽບການ ຂອງຮໍ່່່່າຮຽນຂອງນັກສຶກສາລາວ  ຄະນະດຽວກັນທັງສອງຝ່າຍໄດ້ຕົກລົງເຫັນດີເປັນເອກະພາບທີ່ຈະເຊັນເອັມໂອຢູ່ຮ່ວມມືກໍ່ສ້າງຊັບພະຍາກອນມະນຸດຂອງແຂວງຫຼວງພະບາງ.



ໂອກາດນີ້  ທ່ານ ມາຍວັນໄບ ກໍ່ໄດ້ສະແດງຄວາມຂອບອົກຂອບໃຈ ທີ່ທາງ ຄະນະນໍາ ພະແນກສຶກສາທິການ ແລະ ກິລາແຂວງ ຫຼວງພະບາງ ໄດ້ໃຫ້ການຕ້ອນຮັບຢ່າງອົບອຸ່ນ,ໃຫ້ຄວາມສະດວກໃນການຮ່ວມມືໃນທຸກໆດ້ານພ້ອມທັງເຊື້ອເຊີນທາງຄະນະນໍາພະແນກສຶກສາທິການ ແລະ ກິລາແຂວງຫຼວງພະບາງໄປຢ້ຽມຢາມພົບປະກັບນັກສຶກສາຄູອາຈານຂອງມະຫາວິທະຍາໄລດັ່ງກ່າວ.
ໂດຍ: ແຈັກກີ້ ສກຂ ຫຼວງພະບາງ.

No comments

Powered by Blogger.