Header Ads

BROTHER ເປີດໂຕສິນຄ້າໃໝ່ຕອບໂຈດງານເອກະສານ ແລະການຫຍິບ




ບໍລິສັດ BROTHER COMMERCIAL (ປະເທດໄທ) ຈໍາກັດ ໄດ້ຊື່ວ່າເປັນຜູ້ນໍາດ້ານນະວັດຕະກໍາເຄື່ອງພິມ, ເຄື່ອງພິມເລເບວ, ສະແກນເນີ ແລະ ຈັກຫຍິບເຄື່ອງເອເລັກໂທຣນິກມາຫຼາຍປີ ແລະຍັງໄດ້ຮັບຄວາມນິຍົມຕໍ່ເນື່ອງປີ 2019 ນີ້ໄດ້ນຳເອົາສິນຄ້າກ່ຽວກັບເຄື່ອງປິນເຕີ້, ສະແກນເນີ້ ແລະຈັກຫຍິບມາບຸກຕະຫຼາດລາວຫວັງເພີ່ມຍອດຂາຍໃນອັດຕາທີ່ສູງຂຶ້ນ.



ທ່ານ ທີຣະວຸດ ສຸພະພັນພິນໂຍ ຜູ້ອໍານວຍການຝ່າຍຂາຍ ແລະ ການຕະຫຼາດ ບໍລິສັດ BROTHER COMMERCIAL (ປະເທດໄທ) ຈໍາກັດ ໄດ້ກ່າວໃນງານຖະແຫຼງຂ່າວຕໍ່ສື່ມວນຊົນໃນວັນທີ 20 ມີນາ 2019 ນີ້ວ່າ: BROTHER ໄດ້ນຳເອົາຜະລິດຕະພັນເຄື່ອງພີມມາຈໍາໜ່າຍຢູ່ລາວດົນກວ່າ 10 ປີແລ້ວເຫັນວ່າໄດ້ຮັບຄວາມນິຍົມຢ່າງຕໍ່ເນື່ອງ ສະແດງເຖິງຄວາມເຊື່ອໝັ້ນຂອງຜູ້ຊົມໃຊ້ໃນລາວຕໍ່ສິນຄ້າຂອງ BROTHER.




ຍິ່ງກ້າວສູ່ຍຸກທັນສະໄໝທີ່ເຄື່ອງຈັກສິນຄ້າທຸກຢ່າງຕ້ອງປັບໄປຕາມຄວາມສະດວກຂອງດີຈີຕອນ ຍິ່ງເປັນທີ່ສົນໃຈຂອງຜູ້ຊົມໃຊ້ ເຊິ່ງບໍລິສັດເຫັນວ່າລາວເປັນຕະຫຼາດໜຶ່ງທີ່ໜ້າສົນໃຈ ແລະຕ້ອງບຸກດ້ານການຕະຫຼາດໃຫ້ທົ່ວເຖິງກວ່າເກົ່າ ທັ້ງນີ້ກໍ່ເພື່ອສາມາດຮູ້ໄດ້ເຖິງຄວາມຕ້ອງການຂອງລູກຄ້າໂດຍແທ້ ພ້ອມດຽວກັນ BROTHER ຈະເອົາໃຈໃສ່ເພີ່ມຂຶ້ນໃນຂອດການບໍລິການຫຼັງການຂາຍໃຫ້ດີກວ່າເກົ່າ ໂດຍມາຮອດປະຈຸບັນບໍລິສັດ BROTHER ມີຕົວແທນຈໍາໜ່າຍ ແລະ ສູນບໍລິການຫຼັງການຂາຍຄົບວົງຈອນຢູ່ລາວ 5 ແຫ່ງຄື: ບໍລິສັດ ຈີໂຣ ຄໍໂປເຣຊັ່ນ, ເຄພລາຊາ, ບໍລິສັດ CS Intellect Lao, ເຄວິນ ຄອມພິວເຕີ ແລະ ສຸພາໄຊ ຄອມພິວເຕີ.




ທ່ານ ພົງພັນ ສຸຣະວັດຈະເລີນ ຜູ້ຈັດການອາວຸໂສຝ່າຍການຕະຫຼາດ ຂອງບໍລິສັດ BROTHER ກ່າວວ່າ: ເພື່ອເພີ່ມທາງເລືອກ ແລະສະໜອງສິນຄ້າທີ່ຫຼາກຫຼາຍຂຶ້ນໃນຕະຫຼາດລາວ ສະນັ້ນໃນຄັ້ງນີ້ທາງບໍລິສັດຈິ່ງນຳເອົາ ເຄື່ອງເລເຊີປຣີນເຕີ ແລະ ເລເຊີເມົາຕິຟັງຊັນ (ຂະໜາດນ້ອຍ-ກາງ-ໃຫຍ່) ເຊິ່ງສາມາດພິມໄດ້ນັບແຕ່ 8 - 50 ໃບ/ນາທີ; ເຄື່ອງອິງເຈັດ ຂະໜາດ A4 ຈໍານວນ 5 ລຸ້ນ ແລະ ຂະໜາດ A3 ຈໍານວນ 2 ລຸ້ນ; ເຄື່ອງສະແກນເນີ ມີທັງໝົດ 11 ລຸ້ນ (ຂະໜາດນ້ອຍ-ກາງ-ໃຫຍ່); ເຄື່ອງພິມສະຫຼາກ; ເຄື່ອງຈັກຫຍິບ (ຂະໜາດນ້ອຍ-ກາງ-ໃຫຍ່)ມາເປີດຕົວສູ່ມວນຊົນ ແລະຫວັງວ່າສິນຄ້າເລົ່ານັ້ນຈະໄດ້ສຽງຕອບຮັບທີ່ດີຈາກລູກຄ້າລາວ.

 ------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Powered by Blogger.