ເມືອງວັງວຽງເປີດຝຶກອົບຮົມກົດໝາຍໄລຍະສັ້ນ ໃຫ້ແກ່ເລຂາພັກບ້ານແລະການຈັດຕັ້ງບ້ານ ຊຸດທີ I

ໃນອາທິດຜ່ານມານີ້, ຢູ່ທີ່ຫ້ອງການບ້ານນາທອງ ເມືອງວັງວຽງ ແຂວງວຽງຈັນ, ໄດ້ເປີດຝຶກອົບຮົມກົດໝາຍໄລຍະສັ້ນໃຫ້ແກ່ເລຂາພັກບ້ານແລະການຈັດຕັ້ງບ້ານ ຊຸດທີ I ຂື້ນຢ່າງເປັນທາງການ,

ໂດຍການເປັນກຽດເຂົ້າຮ່ວມ ທ່ານ ກອງສີ ອຸດົມ ກຳມະການພັກແຂວງ ຫົວໜ້າພະແນກຍຸຕິທຳແຂວງວຽງຈັນ, ມີທ່ານ ຄໍາຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ, ມີທ່ານ ອຳພອນ ອຸໄທທິດ ກຳມະການພັກເມືອງ ຫົວຫນ້າກຸ່ມບ້ານນາລ້ອງກວ້າງ, ມີບັນດາທ່ານຫົວໜ້າ-ຄະນະຫ້ອງການ, ຂະແໜງການທີ່ກ້ຽວຂ້ອງ, ຫົວໜ້າໜ່ວຍງານ, ພະນັກງານວິຊາການຫ້ອງການຍຸດຕິທຳ, ນັກສຶກສາຈາກສະຖາບັນຍຸຕິທຳແຫ່ງຊາດ ແລະ ບຸກຄະລາກອນເຂົ້າຮ່ວມ.



ທ່ານ ອຸດາລອນ ໄຫຼໄຊຊະນະ ຫົວຫນ້າຫ້ອງການຍຸດຕິທໍາເມືອງວັງວຽງ ໄດ້ຂຶ້ນຜ່ານບົດລາຍງານວ່າ: ໂດຍປະຕິບັດຕາມບົດແນະນຳຂອງທ່ານຫົວໜ້າພະແນກຍຸຕິທຳແຂວງວຽງຈັນ ເລກທີ 1256/ຍທ, ລົງວັນທີ 10 ທັນວາ 2018 ກ່ຽວກັບການຈັດຕັ້ງ ແລະ ການເຄື່ອນໄຫວວຽກງານຍຸຕິທຳຮາກຖານປີ 2019.

ບຸກຄະກອນເຂົ້າຝຶກອົບຮົມກົດຫມາຍ 45 ວັນມີຈຳນວນ 54 ຄົນ,ຍິງ 9 ຄົນຈາກ 11 ບ້ານຂອງກຸ່ມບ້ານນາລ້ອງກວ້າງ. ພື້ນຖານທິດສະດີ 5 ວິຊາ ກົດໝາຍ 29 ວິຊາລວມທັງໝົດ 34 ວິຊາ, 22,5 ໜ່ວຍກິດ, 360 ຊົ່ວໂມງ ລວມ 55 ຊຸດ ເຊິ່ງຊຸດຝຶກອົບຮົມຄັ້ງນີ້ຈະເລີ່ມ ແຕ່ວັນທີ 6 ມີນາ 2019 ຫາ ວັນທີ 8 ພຶດສະພາ 2019.



ຕອນທ້າຍ, ທ່ານ ກອງສີ ອຸດົມ ຫົວໜ້າພະແນກຍຸຕິທຳແຂວງວຽງຈັນ ຍັງໄດ້ໃຫ້ກຽດໂອ້ລົມ ແລະທ່ານຍັງໄດ້ຮຽກຮ້ອງໃຫ້ ບຸກຄະລາກອນ ຈົ່ງພ້ອມກັນເອົາໃຈໃສ່ສຶກສາຮ່ຳຮຽນ ກົດໝາຍ 45 ວັນໃນຄັ້ງນີ້ໃຫ້ໄດ້ຮັບຜົນສຳເລັດ.

ຂ່າວ : ເມືອງວັງວຽງ ແຂວງວຽງຈັນ

Post a Comment

0 Comments