Header Ads

ຊປປ ລາວ ຖືເອົາວັນທີ 14 ເມສາ ເປັນວັນເຕົ້າໂຮມຂອງຊາວໜຸ່ມ-ເຍົາວະຊົນ





       ຂປລ. ເນື່ອງໃນໂອກາດວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 64 ປີ ( 14 ເມສາ 1955 – 14 ເມສາ 2019 ) ນີ້ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ (ຊປປ ລາວ) ໄດ້ຖະແຫລງຂ່າວຕໍ່ສື່ມວນຊົນ ໃນວັນທີ 2 ເມສາ 2019 ທີ່ສູນກາງຊາວໜຸ່ມປະຊາຊົນປະຕິວັດລາວ ເພື່ອໃຫ້ຮູ້ເຖິງຄວາມໝາຍ ແລະ ຄວາມສຳຄັນຂອງວັນດັ່ງກ່າວນີ້ວ່າ: ວັນທີ 14 ເມສາ ເປັນວັນສ້າງຕັ້ງຊາວໜຸ່ມປະຊາຊົນ ປະຕິວັນລາວ 


ເປັນວັນສຳຄັນຍິ່ງເພື່ອລະນຶກເຖິງມູນເຊື້ອ ແລະ ຄຸນງາມຄວາມດີຂອງຄົນຮຸ່ນກ່ອນທີ່ໄດອຸທິດເລືອດເນື້ອ ຂອງຕົນໃຫ້ແກ່ປະເທດຊາດ ໂດຍຖືເອົາວັນທີ 14 ເມສາ ເປັນວັນເຕົ້າໂຮມຂອງຊາວໜຸ່ມ-ເຍົາວະຊົນ ແລະ ອານຸຊົນບັນດາເຜົ່າ ເປັນວັນແຫ່ງການຮຽນຮູ້, ກໍ່ສ້າງ ແລະ ພັດທະນາຕົນເອງໃຫ້ມີຄຸນສົມບັດສິນທໍາປະຕິວັດ, ມີຄວາມຮູ້ ຄວາມສາມາດ ແລະ ມີຄວາມກ້າວໜ້າ  ແລະ ໃຫ້ມີຄວາມກ້າວໜ້າ ໃຫ້ສົມກັບວ່າ ຊາວໜຸ່ມເປັນແຂນຂວາຂອງພັກ, ເປັນກະດູກສັນຫລັງຂອງປະເທດຊາດ.

No comments

Powered by Blogger.