Header Ads

ໜ້າເປັນຫ່ວງ! 3 ເດືອນຕົ້ນປີ 2019 ຄົນເສຍຊິວິດ 315 ຄົນ ຈາກອຸບັດຕິເຫດ



ກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງ ປກສ ສະຫຼຸບວ່າ: ໃນໄຕມາດ  I ຫຼື 3 ເດືອນ ປີ 2019 ທົ່ວປະເທດ ມີອຸບັດຕິເຫດທາງຖະໜົນເກີດຂຶ້ນທັງໝົດ 1.776 ຄັ້ງ, ພາຫະນະເປ່ເພເລັກໜ້ອຍ 1.554 ຄັນ, ສົມຄວນ 1.538 ຄັນ, ໃຊ້ການບໍ່ໄດ້ 102 ຄັນ, ຄົນໄດ້ຮັບບາດເຈັບເລັກໜ້ອຍ 1.329 ຄົນ, ສົມຄວນ 1.124 ຄົນ, ສາຫັດ 406 ຄົນ ແລະ ເສຍຊີວິດ 315 ຄົນ ຍິງ 70 ຄົນ.

ນະຄອນຫຼວງວຽງຈັນ 340 ຄັ້ງ ເສຍຊີວິດ 60 ຄົນ, ຈໍາປາສັກ ເສຍຊີວິດ 33 ຄົນ, ໄຊຍະບູລີ, ວຽງຈັນ ແລະ ສະຫວັນນະເຂດ ແຂວງລະ 30 ຄົນ, ຫຼວງພະບາງ 20 ຄົນ, ບໍ່ແກ້ວ 18 ຄົນ, ສາລະວັນ 17 ຄົນ, ບໍລິຄໍາໄຊ ແລະ ອັດຕະປື ແຂວງລະ 11 ຄົນ, ອຸດົມໄຊ ແລະ ເຊກອງ ແຂວງລະ 10 ຄົນ, ຫຼວງນໍ້າທາ 9 ຄົນ, ຫົວພັນ, ຊຽງຂວາງ ແລະ ຄໍາມ່ວນ ແຂວງລະ 7 ຄົນ, ຜົ້ງສາລີ 3 ຄົນ ແລະ ໄຊສົມບູນ 2 ຄົນ.

  ໃນນີ້ ຜູ້ຂັບຂີ່ເສຍຊີວິດ 169 ຄົນ ຍິງ 40 ຄົນ, ຜູ້ໂດຍສານເສຍຊີວິດ 127 ຄົນ ຍິງ 20 ຄົນ, ຄົນຍ່າງ 19 ຄົນ ຍິງ 10 ຄົນ; ເຊິ່ງສາເຫດເກີດຈາກດື່ມສິ່ງມືນເມົາ,  ຄວາມໄວ, ຊິງບໍ່ຮັບປະກັນ, ປ່ຽນທິດທາງ ແລະອື່ນໆ.
.

No comments

Powered by Blogger.