Header Ads

ເມືອງອຸທຸມພອນ ປາຖະກະຖາລະນຶກວັນສ້າງຕັ້ງກຳລັງປ້ອງກັນຄວາມສະຫງົບ ປະຊາຊົນ ລາວ ຄົບຮອບ 58 ປີ




 ໃນຕອນເຊົ້າຂອງວັນທີ 5 ເດືອນເມສາ ປີ2019 ນີ້ຄະນະພັກ, ອຳນາດການປົກຄອງເມືອງອຸ ທຸມພອນ, ກຳລັງປ້ອງກັນຊາດ-ປ້ອງກັນຄວາມສະຫງົບ, ຕາງໜ້າພະແນກການ, ກົມກອງ, ຫ້ອງການ ພະນັກງານ-ລັດຖະກອນ ໄດ້ນຳເອົາກະຕ່າດອກໄມ້ ເຂົ້າວາງຢູ່ທີ່ຫໍຜາສາດອານຸສອນ ປະທານ ໄກ ສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ເນຶ່ອງໃນໂອກາດວັນສ້າງຕັ້ງກຳ ລັງປ້ອງກັນຄວາມສະຫງົບ ຄົບຮອບ 58 ປີ ຫຼັງຈາກນັ້ນກໍ່ໄດ້ເຂົ້າຟັງປາຖະກະຖາລະນຶກວັນສ້າງຕັ້ງ ກຳລັງປ້ອງກັນຄວາມສະຫງົບ ຢູ່ທີ່ສະໂມສອນຂອງເມືອງດັ່ງກ່າວ.


 ໃຫ້ກຽດຂຶ້ນປາຖະກະຖາລະນຶກເຖິງມູນເຊື້ອວັນສຳຄັນດັ່ງກ່າວ ໂດຍແມ່ນ ທ່ານ ສົມສັກ ສີຊາ ນົນ ເລຂາຄະນະບໍລິຫານງານພັກເມືອງ ເຈົ້າເມືອງໆອຸທຸມພອນ ທັງເປັນປະທານປ້ອງກັນຊາດ-ປ້ອງ ກັນຄວາມສະຫງົບຂອງເມືອງ ເຊິ່ງໄດ້ຍົກໃຫ້ເຫັນການກໍາເນີດ ແລະເຕີບໃຫຍ່ຂະຫຍາຍຕົວຂອງກຳ ລັງປ້ອງກັນຄວາມສະຫງົບປະຊາຊົນ ຄົບຮອບ 58 ປີຄື: ວັນທີ 5 ເມສາ 1961 - 5 ເມສາ 2019 ພາຍໃຕ້ຄັນທຸງປະຕິວັດ ແລະການນຳພາຂອງພັກປະຊາຊົນປະຕິວັດລາວ ກຳລັງປ້ອງກັນຄວາມສະ ຫງົບໄດ້ກຳເນີດເກີດຂຶ້ນມາ ເພື່ອແບກຫາບພາລະກິດປະຕິວັດອັນໃຫຍ່ຫຼວງຂອງຊາດ ໂດຍສະເພາະແມ່ນໄດ້ຄຽງບ່າຄຽງໄລ່ກັບກອງທັບປະຊາຊົນລາວ ໃນການຕໍ່ສູ້ກູ້ຊາດອັນຍືດເຍື້ອຍາວນານ, ລະອິດລະອ້ຽວ, ຂ້ຽວຂາດ, ບໍ່ຍອມຈຳນົນຕໍ່ສັດຕູເດັດຂາດຈົນໄດ້ຮັບໄຊຊະນະຫຼາຍໆບັ້ນຮົບ 


ພາຍຫຼັງໄດ້ກຳ ເນີດເກີດຂຶ້ນມາແລ້ວ ກຳລັງປ້ອງກັນຄວາມສະຫງົບປະຊາຊົນ ໄດ້ຮີບຮ້ອນປັບປຸງ-ກໍ່ສ້າງຕົນເອງໃຫ້ ເຂັ້ມແຂງໃນທຸກໆດ້ານ ໂດຍສືບຕໍ່ມູນເຊື້ອກຳລັງສັນຕິລາດ ກຳລັງປ້ອງກັນຄວາມສະຫງົບໄດ້ປະກອບ ສ່ວນອັນສຳຄັນເຂົ້າໃນການປະຕິວັດຊາດ ກຳລັງປ້ອງກັນຄວາມສະຫງົບປະຊາຊົນລາວ ແມ່ນກຳລັງ ປະກອບອາວຸດຂອງພັກ ທີ່ໄດ້ສືບທອດມູນເຊື້ອອັນພິລະອາດຫານບໍ່ຍອມຈຳນົນ, ຍາມໃດກໍ່ເດັດດ່ຽວ ໜຽວແໜັ້ນ ມີຄວາມອາດຫານບໍ່ຫວັ່ນໄຫວ, ບໍ່ຄອນແຄນຕໍ່ຂໍ້ຫຍຸງຍາກນາໆປະການ, ມີໄຫວພິບເພື່ອ ຕີເອົາຊະນະສັດຕູ ຍິ່ງສູ້ຮົບກໍ່ຍິ່ງເຕີບໃຫ່ຍເຂັ້ມແຂງ, ຍິ່ງສູ້ຮົບກໍ່ຍິ່ງມີໄຊຊະນະເປັນກ້າວໆມາ ສາມາດ ຕີເອົາຊະນະຈັກກະພັດ ແລະປົດປ່ອຍປະເທດຊາດ ໄດ້ຢ່າງສົມບູນໃນປີ 1975 ພ້ອມທັງສະຖາປານາປະເທດລາວເປັນປະເທດສາທາລະນະລັດ ປະຊາທິປະໄຕ ປະຊາຊົນລາວ ຈາກນັ້ນກຳລັງປ້ອງກັນ ຄວາມສະຫງົບປະຊາຊົນ ຍັງໄດ້ສືບຕໍ່ພາລະກິດປົກປັກຮັກສາ ແລະສ້າງສາພັດທະນາປະເທດຊາດໃຫ້ ຈະເລີນກ້າວໜ້າ ພ້ອມທັງສ້າງຕັ້ງກະຊວງພາຍໃນ ແລະສະຫວັດດີການສັງຄົມ-ສົງເຄາະເຖິງປີ1979 ວຽກງານສະຫວັດດີການສັງຄົມ-ສົງເຄາະ ໄດ້ແຍກອອກຈາກກະຊວງພາຍໃນ, ໃນເດືອນເມສາ 2002 ໄດ້ປ່ຽນຈາກກະຊວງພາຍໃນ ມາເປັນກະຊວງປ້ອງກັນຄວາມສະຫງົບ ຈົນມາເຖິງປະຈຸບັນນີ້ ພ້ອມນັ້ນ ກໍ່ໄດ້ຍົກໃຫ້ເຫັນບາງສະພາບການພົ້ນເດັ່ນທີ່ເປັນຜົນງານຂອງກຳລັງປ້ອງກັນຄວາມສະຫງົບເມືອງອຸ ທຸມພອນ ໃນໜຶ່ງປີຜ່ານມາແມ່ນໄດ້ເອົາໃຈໃສ່ຕິດຕາມເປົ້າໝາຍ ທີ່ມີການເຄື່ອນໄຫວກໍ່ຄວາມບໍ່ສະ ຫງົບ ແລະແກ້ໄຂປະກົດການຫຍໍ້ທໍ້ໃນສັງຄົມໄດ້ທັນເຫດການ ອັນໄດ້ເຮັດໃຫ້ພຶ້ນທີ່ເມືອງອຸທຸມພອນ ມີຄວາມສະຫົງບ, ມີຄວາມເປັນລະບຽບຮຽບຮ້ອຍດີ.

ພາບ - ຂ່າວ: ພອນປະເສີດ ແຜນພັກດີ

No comments

Powered by Blogger.