Header Ads

ອາຫານ 5 ຢ່າງ ທີ່ບໍ່ຄວນກິນກ່ອນຂື້ນຍົນ



1. ສະຫລັດຜັກສົດ ແລະ ອາຫານສົດອື່ນໆ:

ເຖິງແມ່ນວ່າສາຍເຮວຕີ້ຈະມັກທາງສະຫລັດ ແຕ່ຕ້ອງຂໍສະແດງຄວາມເສຍໃຈນໍາຖ້າຈະບອກວ່າສະຫລັດຜັກສົດ ບໍ່ໄດ້ປອດໄພຕໍ່ຮ່າງກາຍຂອງເຮົາ 100%ຢ່າງທີ່ຄິດ ໃນຜັກສົດທີ່ບໍ່ໄດ້ຜ່ານຄວາມຮ້ອນ ອາດພົບແບ໊ດທີເລຍທີ່ເຮັດໃຫ້ເຮົາປ່ວຍ ຫລື ມີອາການຖອກທ້ອງໄດ້ ໂດຍສະເພາະຜັກສະຫລັດທີ່ບໍ່ສົດແທ້ ເກັບຄ້າງຄືນ ຊອຍປະໄວ້ເປັນເວລາດົນ ຫລື ລ້າງບໍ່ສະອາດ ດັ່ງນັ້ນໃນກໍລະນີນີ້ ກິນຜັກທີ່ປຸງສຸກຈະປອດໄພຕໍ່ສຸກຂະພາບດີກວ່າ


2. ຊີ້ນດິບ:

ເນື້ອດິບໃນທີ່ນີ້ລວມຕັ້ງແຕ່ປາດິບ, ກຸ້ງດິບ, ປາມຶກດິບ, ເນື້ອສະເຕັກດິບ, ຫອຍລວກເຄິ່ງສຸກເຄິ່ງດິບ ແລະ ເນື້ອສັດດິບອື່ນໆ ເພາະຢ່າງທີ່ເຮົາຮູ້ກັນດີວ່າຊີ້ນດິບໆສ່ຽງກັບແບ໊ດທີເລຍ ແລະ ພະຍາດ ແລະ ສ່ວນໃຫ່ຍທີ່ເຮົາຖອກທ້ອງກັນກໍ່ມັກມາຈາກເຊື້ອໂລກທີ່ມາກັບຊີ້ນສັດດິບໆເຫລົ່ານີ້ແຫລະ ແຕ່ຊີ້ນສະເຕັກແບບມີດຽມແຮທີ່ສີບົວຫນ້ອຍຫນຶ່ງ ຍັງພໍໄດ້ຢູ່ ຂໍແຕ່ບໍ່ດິບແດງ ເຫັນເລືອດກໍ່ເປັນພໍ


3. ອາຫານທີ່ປະໄວ້ດົນ:

ອາຫານທຸກຊະນິດທີ່ມີການເຮັດໄວ້ເປັນໄລຍະເວລາຫນຶ່ງເຊັ່ນ: ຂອງກິນທີ່ເຮັດເອົາໄວ້ຕັ້ງແຕ່ເຊົ້າ ແລະ ບໍ່ໄດ້ຢູ່ໃນສະພາບທີ່ອຸ່ນຮ້ອນ, ອາຫານທີ່ຈືນທີ່ກອງໄວ້ເປັນພູເຂົາຈົນເຢັນແຂງ ອາຫານເຫລົ່ານີ້ມີຄວາມສ່ຽງຫລາຍຢ່າງ ບໍ່ວ່າຈະເປັນສັດເລັກນ້ອຍນ້ອຍເຊັ່ນ: ແມງວັນ, ຫນູ, ແມງສາບ ທີ່ອາດມາສໍາຜັດ ມາກິນອາຫານໄດ້ ຫາກຮ້ານອາຫານບໍ່ໄດ້ດູແລຄວາມສະອາດທົ່ວເຖິງພໍ ຫລື ເຊື້ອແບ໊ດທີເລຍທີ່ອາດກໍ່ໂຕຂື້ນຈາກການລວກອາຫານຖີ້ມໄວ້ດົນຫລາຍຊົ່ວໂມງ ເຂົ້າໃຈວ່າກ່ອນຂື້ນຍົນອາດຈະເລັ່ງລີບ ເລີຍແວ່ເຂົ້າຮ້ານອັນໃດກໍ່ໄດ້ທີ່ເສີບອາຫານໄດ້ໄວໆ ແຕ່ການກິນອາຫານປຸງສຸກຮ້ອນໆ ນອກຈາກຈະປອດໄພຕໍ່ສຸກຂະພາບຫລາຍກວ່າແລ້ວ ຍັງລົດຊາດດີກວ່າອີກດ້ວຍ


4. ອາຫານລົດຈັດ:

ແນ່ນອນວ່າອາຫານລົດຈັດເປັນທີ່ເລື່ອງລືກັນດີຢູ່ແລ້ວວ່າເປັນໂຕທີ່ເຮັດໃຫ້ເຮົາເກີດອາການຖອກທ້ອງ ຫລື ເສາະທ້ອງໄດ້ ໂດຍສະເພາະຢ່າງຍິ່ງລົດເຜັດ ຈະເຮັດໃຫ້ກະເພາະອາຫານລະຄາຍເຄືອງ ນອກຈາກຈະມີຄວາມສ່ຽງທີ່ເຮັດໃຫ້ເຈັບທ້ອງຈົນຕ້ອງແລ່ນຫາຢາມາກິນໃຫ້ວຸ້ນແລ້ວ ຫາກມີອາການຖອກທ້ອງຂື້ນມາ ຫ້ອງນໍ້າເທິງຍົນກໍ່ເບິ່ງຈະບໍ່ແມ່ນໂຕເລືອກທີ່ ດີແນ່ນອນ


5. ອາຫານແປກໆ ທີ່ບໍ່ເຄີຍກິນ:

ຊ້ວງເວລາບໍ່ທໍ່ໃດຊົ່ວໂມງກ່ອນຂື້ນຍົນ ບໍ່ແມ່ນຊ້ວງເວລາແຫ່ງການສວມບົດບາດເປັນນັກຊິມອາຫານຊັ້ນເລີດ ທີ່ອອກຕາມຫາຮ້ານອາຫານໃຫມ່ໆ ເມນູໃຫມ່ໆ ມາກິນພໍປານໃດ ເພາະເຮົາບໍ່ສາມາດຮູ້ໄດ້ແທ້ໆວ່າຮ້ານອາຫານ ແລະ ເມນູເຫລົ່ານັ້ນມີສ່ວນປະສົມຂອງອັນແດ່ ເຮົາຈະແພ້ຫລືບໍ່ ເຮົາຈະກິນໄດ້ບໍ່ ເກັບຊ້ວງເວລາລອງຊິມເມນູໃຫມ່ໆເອົາໄວ້ຕອນໄປທ່ຽວຕ່າງປະເພດຈະດີກວ່າ ທັງນີ້ອາຫານທີ່ປອດໄພທີ່ສຸດທີ່ເຮົາຄວນກິນກ່ອນຂື້ນຍົນ ຄືອາຫານງ່າຍໆທີ່ເຮົາເຄີຍກິນຢູ່ເປັນປະຈໍາ ປຸງສຸກ ແລະ ລົດບໍ່ຈັດ ຈະເປັນເຂົ້າຜັດຫມູຮ້ານປະຈໍາ ເຂົ້າລາດຫນ້າກາດນາຫມູກອບ ຫລື ເຝີ ທີ່ບໍ່ປຸງເຜັດກໍ່ໄດ້ ແລະ ຢ່າລືມຕຽມຢາທີ່ຈໍາເປັນໄປພ້ອມ ເພາະບໍ່ວ່າເຮົາຈະຕຽມໂຕດີຂະຫນາດໃດ ກໍ່ອາດເກີດເຫດບໍ່ຄາດຝັນໄດ້ທຸກເມື່ອ

ໂດຍ > ສຸຣິດທິເດດ ບຸດດາວົງ

No comments

Powered by Blogger.