Header Ads

ພະນັກງານ ປກສ ນວ 69 ສະຫາຍ ໄດ້ຮັບການເລື່ອນຊັ້ນ 






ກອງບັນຊາການ ປກສ ນວ ໄດ້ຈັດພິທີປະກາດການເລື່ອນຊັ້ນໃຫ້ນາຍ ແລະ ຕຳຫຼວດ ຜູ້ທີ່ມີຜົນງານ ແລະ ມາດ ຖານ, ເງື່ອນໄຂຄົບຖ້ວນ ຈຳນວນ 69 ສະຫາຍ, ຍິງ 20 ສະຫາຍ. ຂຶ້ນໃນຕອນເຊົ້າມື້ນີ້ ທີ່ສະໂມສອນຊັ້ນ 4 ກອງບັນຊາການ ປກສ ນວ ໂດຍການໃຫ້ກຽດຂຶ້ນປະດັບຊັ້ນຂອງ ພັທ ສົມສັກ ປັນຍາສີ ຮອງຫົວໜ້າກອງບັນຊາການ ປກສ ນວ, ມີບັນດາຄະນະພັກ, ຄະນະບັນຊາຫ້ອງ, ກອງພັນ, ຄ້າຍຄຸມຂັງ-ດັດສ້າງ, ກອງບັນຊາການ ປກສ 9 ເມືອງ ແລະ ພະນັກງານ-ນັກຮົບທີ່ໄດ້ຮັບການເລື່ອນຊັ້ນເຂົ້າຮ່ວມ.



 ພັທ ສຸກພະຈັນ ບຸດດາຄຳ ຫົວໜ້າຫ້ອງການເມືອງ ກອງບັນຊາການ ປກສ ນວ ໄດ້ຂຶ້ນຜ່ານຂໍ້ຕົກລົງວ່າດ້ວຍການເລື່ອນຊັ້ນໃຫ້ນາຍຕຳຫຼວດ ກອງບັນຊາການ ປກສ ນະຄອນຫຼວງວຽງຈັນ ສະບັບເລກທີ 1101/ກມປກສ, ລົງວັນທີ 27 ມີນາ 2019; ໃນນີ້, ເລື່ອນຊັ້ນ ຮ້ອຍຕີ ຂຶ້ນ ຮ້ອຍໂທ 65 ສະຫາຍ, ຍິງ 20 ສະຫາຍ; ວາທີຮ້ອຍຕີ ຂຶ້ນ ຮ້ອຍຕີ 1 ສະຫາຍ, ຍິງ 1 ສະຫາຍ; ສິບເອກ ຂຶ້ນ ວາທີຮ້ອຍຕີ  2 ສະຫາຍ; ສິບໂທ ຂຶ້ນ ສິບເອກ 1 ສະຫາຍ.



 ໃນຕອນທ້າຍພິທິ, ພັທ ສົມສັກ ປັນຍາສີ ຮອງຫົວໜ້າກອງບັນຊາການ ປກສ ນວ ໄດ້ສະແດງຄວາມຍ້ອງຍໍຊົມເຊີຍນຳບັນດານາຍ ແລະ ພົນຕຳຫຼວດທີ່ໄດ້ຮັບການເລື່ອນຊັ້ນຄັ້ງນີ້ ທ່ານໄດ້ກ່າວອີກວ່າ: ບັນດາສະ ຫາຍທີ່ໄດ້ຮັບການເລື່ອນຊັ້ນ, ຈົ່ງກຽມຈິດກຽມໃຈຮັບໜ້າທີ່ໃໝ່ຫຼາຍຂຶ້ນກວ່າເກົ່າ. ເພາະການເລື່ອນຊັ້ນໝາຍເຖິງການທີ່ຈະໄດ້ຮັບໜ້າວຽກມາເພີ່ມຂຶ້ນ. ຊັ້ນໃຫຍ່ເທົ່າໃດຄວາມຮັບຜິດຊອບ ແລະ ໜ້າວຽກຈະຕ້ອງຫຼາຍຂຶ້ນເທົ່ານັ້ນ. 



ສະນັ້ນ, ບັນດາສະຫາຍ ຈົ່ງກຽມພ້ອມຮັບມືກັບໜ້າທີ່ທີ່ຕົນເອງຈະໄດ້ຮັບ ແລະ ເຮັດສຳເລັດທຸກໜ້າທີ່ວຽກງານ ທີ່ການຈັດຕັ້ງໄດ້ມອບໝາຍໃຫ້, ໃຫ້ສົມກັບຂັ້ນເທິງໄດ້ໄວ້ເນື້ອເຊື່ອໃຈ ແລະ ໄດ້ປະຕິບັດນະໂຍ ບາຍຕໍ່ບັນດາສະຫາຍ, ເພີ່ມທະວີຄວາມເປັນແບບຢ່າງໃນການປະຕິບັດລະບຽບວິໄນຂອງກຳລັງ ປກສ ວາງອອກຢ່າງເຂັ້ມງວດຫຼາຍຂຶ້ນກວ່າເກົ່າ.




No comments

Powered by Blogger.