Header Ads

ພິທີເປີດໂຕຜະລິດຕະພັນ BCEL Mastercard ຢ່າງເປັນທາງການ 



-------------------------------
ໃນຕອນບ່າຍຂອງວັນສຸກ ວັນທີ 05 ເມສາ 2019, ໄດ້ມີພິທີເປີດໂຕຜະລິດຕະພັນ BCEL Mastercard ຢ່າງເປັນທາງການ ຢູ່ທີ່ ໂຮງແຮມດອນຈັນ ພາເລດ ນະຄອນຫຼວງວຽງຈັນ ໃຫ້ກຽດເປີດພິທີໃນຄັ້ງນີ້ໂດຍ ທ່ານ ພູຂົງ ຈັນທະຈັກ ຜູ້ອຳນວຍການໃຫຍ່ ທຄຕລ ແລະ ທ່ານ ນາງ Winnine Wong ຫົວໜ້າພາກພື້ນອິນດູຈີນຂອງສູນ Mastercard ສາກົນ, ເປັນກຽດເຂົ້າຮ່ວມໂດຍ ທ່ານ ປອ ບຸນເຫຼືອ ສິນໄຊວໍຣະວົງ ປະທານສະພາບໍລິຫານ ທຄຕລ ແລະ ທ່ານ ສຸລິສັກ ທຳນຸວົງ ວ່າການຫົວໜ້າກົມຄຸ້ມຄອງລະບົບຊຳລະສະສາງ, ທະນາຄານແຫ່ງ ສປປ ລາວ ພ້ອມດ້ວຍບັນດາຄະນະກົມ, ຄະນະພະແນກທີ່ກ່ຽວຂ້ອງຈາກ ທະນາຄານແຫ່ງ ສປປ ລາວ, ບັນດາທະນາຄານທຸລະກິດລັດ, ບໍລິສັດໃນເຄືອ ທຄຕລ, ຄະນະອໍານວຍການ, ຄະນະພະແນກ, ສູນ ແລະ ສາຂາ ຕະຫຼອດຮອດພະນັກງານຂອງ ທຄຕລ ພາຍໃນນະຄອນຫຼວງວຽງຈັນ ພ້ອມດ້ວຍສື່ມວນຊົນຈາກຫຼາຍພາກສ່ວນກໍ່ໄດ້ເຂົ້າຮ່ວມຢ່າງພ້ອມພຽງ.




ໃນຍຸກປະຈຸບັນເທັກໂນໂລຢີໄດ້ມີການພັດທະນາຢ່າງບໍ່ຢຸດຢັ້ງ ເຊິ່ງໄດ້ເຂົ້າມາມີອິດທິພົນໃນການດໍາລົງຊີວິດຂອງຄົນໃນປະຈຸບັນ, ທຄຕລ ກໍ່ໄດ້ມີການນຳໃຊ້ຄວາມກ້າວໜ້າຂອງເທັກໂນໂລຢີເຂົ້າມາໝູນໃຊ້ໃນວຽກງານປັບປຸງການບໍລິການ ໃຫ້ມີຄວາມສະດວກ, ວ່ອງໄວ, ທັນສະໄໝ ບົນພື້ນຖານຄວາມປອດໄພ ແລະ ໄດ້ມາດຕະຖານສາກົນ.




ການເປີດໂຕນຳໃຊ້ຜະລິດຕະພັນ BCEL Mastercard ໃນຄັ້ງນີ້ແມ່ນເປັນອີກບາດກ້າວໜຶ່ງແຫ່ງການພັດທະນາຂອງ ທຄຕລ, ເຊິ່ງໄດ້ເປີດໃຫ້ບໍລິການ ຜະລິດຕະພັນບັດສາກົນ ທີ່ຖືໄດ້ວ່າເປັນອີກທາງເລືອກໜຶ່ງໃຫ້ແກ່ລູກຄ້າຂອງ ທຄຕລ ໄດ້ເລືອກນຳໃຊ້ຜະລິດຕະພັນບັດເຂົ້າໃນການຊຳລະສະສາງຄ່າສິນຄ້າ ແລະ ບໍລິການໄດ້ທົ່ວໂລກຢ່າງມີລະດັບ, ເພື່ອສາມາດເພີ່ມທາງເລືອກໃຫ້ລູກຄ້າໄດ້ຢ່າງຫຼາກຫຼາຍ ໃນການຊຳລະສະສາງຄ່າສິນຄ້າ ແລະ ບໍລິການ, ທຄຕລ ຈຶ່ງໄດ້ເປີດໃຫ້ບໍລິການບັດ BCEL Mastercard 02 ປະເພດທີ່ມີຄຸນລັກສະນະໂດດເດັ່ນແຕກຕ່າງກັນດັ່ງນີ້:



 1. BCEL Word Mastercard ແມ່ນບັດເຄຼດິດມາດສ໌ເຕີຄາດ ທີ່ເໝາະສົມສຳລັບລູກຄ້າທີ່ມັກການເດີນທາງ ແລະ ການໃຊ້ຈ່າຍຢ່າງມີລະດັບ ດ້ວຍຕາໜ່າງການບໍລິການ ແລະ ສິດທິພິເສດທີ່ຄວບຄຸມ ແລະ ເປັນທີ່ຍອມຮັບຂອງຜູ້ຖືບັດໃນທົ່ວໂລກຂອງ Mastercard, ລູກຄ້າຈະໄດ້ຮັບຄວາມສະດວກສະບາຍ, ວ່ອງໄວ ແລະ ປອດໄພໃນການນຳໃຊ້ບັດ. ລູກຄ້າສາມາດນຳໃຊ້ບັດເພື່ອຖອນເງິນສົດ, ຊຳລະຄ່າສິນຄ້າ-ບໍລິການຢູ່ຕາມຮ້ານຄ້າທັງພາຍໃນ ແລະ ຕ່າງປະເທດ, ຊຳລະຄ່າສິນຄ້າ ແລະ ບໍລິການຜ່ານເວັບໄຊທ໌ຕ່າງໆທີ່ມີສັນຍາລັກຮັບບັດ Mastercard ພ້ອມທັງໄດ້ຮັບປະສົບການໃນການຊໍາລະຢ່າງມີລະດັບ ແລະ ສິດທິພິເສດທີ່ເໜືອກວ່າ.



2. BCEL Prepaid Mastercard ແມ່ນບັດເດບິດມາດສ໌ເຕີຄາດແບບຕື່ມເງິນ ທີ່ ທຄຕລ ໄດ້ຮ່ວມມືກັບສູນບັດສາກົນ Mastercard ອອກໃຫ້ລູກຄ້າໃນ ສປປ ລາວ. ລູກຄ້າພຽງແຕ່ລົງທະບຽນສະໝັກນຳໃຊ້, ຕື່ມເງິນ ແລະ ກໍ່ສາມາດນຳໃຊ້ໄດ້ທັງຊຳລະຄ່າສິນຄ້າ-ບໍລິການຕາມຮ້ານຄ້າ, ຊື້ຂາຍອອນລາຍ ຫຼື ຖອນເງິນສົດຈາກຕູ້ ATM. ໂດຍແບ່ງອອກເປັນ 3 ປະເພດຍ່ອຍຄື:




1️⃣ BCEL Virtual Prepaid Mastercard ບັດຕື່ມເງິນແບບສະເໝືອນຈິງ: ເປັນບັດທີ່ຈະອອກໃຫ້ພຽງແຕ່ຂໍ້ມູນບັດທີ່ນຳໃຊ້ສະເພາະລາຍການຊື້-ຂາຍອອນລາຍ ເຊິ່ງຈະສະແດງຜ່ານທາງ BCEL One ແທນການອອກບັດຕົວຈິງ. ເໝາະສົມສຳລັບລູກຄ້າທີ່ນຳໃຊ້ບັດເພື່ອຊຳລະຄ່າສິນຄ້າ-ບໍລິການຜ່ານເວັບໄຊທ໌ ຫຼື E-Commerce. ພຽງແຕ່ລູກຄ້າມີ BCEL One ລູກຄ້າກໍ່ສາມາດຂໍສະໝັກນຳໃຊ້ບໍລິການບັດດັ່ງກ່າວຜ່ານເທິງມືຖືໄດ້ດ້ວຍຕົນເອງ.



2️⃣ BCEL MyWay Prepaid Mastercard ບັດຕື່ມເງິນແບບທີ່ສາມາດພິມຮູບຂອງຕົນເອງໃສ່ໜ້າບັດໄດ້: ນອກຈາກບັດສະ ເໝືອນຈິງ ຫຼື BCEL Virtual Prepaid Mastercard ແລ້ວ, ຖ້າລູກຄ້າບໍ່ຕ້ອງການນຳໃຊ້ບັດສະເພາະແຕ່ເພື່ອຊື້-ຂາຍອອນລາຍ ລູກຄ້າຍັງສາມາດຂໍສະໝັກນຳໃຊ້ບັດ MyWay Mastercard ທີ່ເພີ່ມຟັງຊັ້ນໃຫ້ລູກຄ້າສາມາດເລືອກຮູບທີ່ຕົນເອງມັກໃສ່ເທິງໜ້າບັດໄດ້. ລູກຄ້າສາມາດສ້າງບັດຕື່ມເງິນ Mastercard ໃນຮູບແບບທີ່ສະແດງເຖິງເອກະລັກ ຫຼື ຕົວຕົນຂອງຕົນເອງ ແລະ ບໍ່ຄືໃຜ. ແຕ່ຍັງຄົງຮັກສາໄວ້ຄຸນນະສົມບັດການນໍາໃຊ້ທີ່ທ່ານຈະປະທັບໃຈ ແລະ ຄຸ້ມຄ່າທຸກລາຍການເຄື່ອນໄຫວ ເຊັ່ນ: ຊຳລະສິນຄ້າ-ບໍລິການຢູ່ຕາມຮ້ານຄ້າ, ເວັບໄຊທ໌ ຫຼື ຖອນເງິນສົດ ຕາມຈຸດທີ່ມີສັນຍາລັກຮັບບັດ Mastercard.


3️⃣ BCEL Standard Prepaid Mastercard ບັດຕື່ມເງິນແບບທົ່ວໄປ : ແມ່ນບັດຕື່ມເງິນມາສເຕີຄາດທີ່ມີແບບໜ້າບັດເປັນໃນແບບທີ່ ທະນາຄານກຳນົດໃຫ້. ລູກຄ້າບໍ່ສາມາດເລືອກຮູບໜ້າບັດໄດ້ຄືກັບບັດ MyWay. ແຕ່ລູກຄ້າກໍ່ສາມາດຂໍສະໝັກນຳໃຊ້ໄດ້ເຊັ່ນກັນ ຖ້າຫາກລູກຄ້າຕ້ອງການອອກເປັນບັດທີ່ສາມາດນຳໄປຊຳລະຄ່າສິນຄ້າ-ບໍລິການກັບຮ້ານຄ້າ ຫຼື ຖອນເງິນສົດຈາກຕູ້ ATM ຕາມຈຸດທີ່ມີສັນຍາລັກຮັບບັດ Mastercard.




ໃນຍຸກແຫ່ງການພັດທະນາທີ່ເທັກໂນໂລຢີມີຄວາມກ້າວໜ້າສູງ, ທຄຕລ ຈະສືບຕໍ່ພັດທະນາຜະລິດຕະພັນຢ່າງບໍ່ຢຸດຢັ້ງ ໂດຍທຸກຜະລິດຕະພັນ ທຄຕລ ແມ່ນເນັ້ນຄວາມທັນສະໄໝ, ສະດວກສະບາຍ, ມີຄວາມປອດໄພ ກວດສອບໄດ້ ແລະ ໄດ້ມາດຕະຖານສາກົນ ເພື່ອຕອບສະໜອງຄວາມຕ້ອງການຂອງລູກຄ້າໃນການໃຊ້ບໍລິການ ບົນພື້ນຖານຄວາມຮັບຜິດຊອບສູງຕໍ່ສັງຄົມ, ເພື່ອໃຫ້ລູກຄ້າ ແລະ ສັງຄົມໄດ້ຮັບປະໂຫຍດສູງສຸດ.





BCEL MASTERCARD
ວ່ອງໄວ, ປອດໄພ, ໃຊ້ຈ່າຍສະດວກ

#BCELBank
--------------------------
ທະນາຄານການຄ້າຕ່າງປະເທດລາວ ມະຫາຊົນ
ທັນສະໄໝ ວ່ອງໄວ ໝັ້ນໃຈ
👉 ສອບຖາມຂໍ້ມູນເພີ່ມຕື່ມ:
📞 1555
🇫 BCEL BANK
🌐 www.bcel.com.la



No comments

Powered by Blogger.