ເຈົ້າໜ້າທີ່ ຈາລະຈອນແຂວງອັດຕະປື ກຽມຄວາມພ້ອມຮັກສາລະບຽບການສັນຈອນໃນໄລຍະບຸນປີໃໜ່ລາວ



ທ່ານ ຮ້ອຍເອກ ບົວໄລ ປານຄຳ ຮອງຫົວໜ້າກອງຄະດີອຸປະຕິເຫດແຂວງອັດຕະປື ໄດ້ໃຫ້ສຳພາດຕໍ່ສື່ມວນຊົນໃນວັນທີ 4 ເມສານີ້ວ່າ: ເນື່ອງໃນໂອກາດບຸນປີໃໜ່ລາວປີ ພສ 2562 ທີ່ຈະມາເຖິງ ທາງກອງຄະດີອຸປະຕິເຫດກອງບັນບັນຊາການປ້ອງກັນຄວາມສະຫງົບ ແຂວງອັດຕະປື,ໄດ້ສຸມໃສ່ວຽກງານໂຄສະນາເປັນຫັລກຕາມສຳນັກງານ,ອົງການ,ໂຮງຈັກ,ໂຮງງານ,ໂຮງຮຽນ ແລະສະຖານທີ່ອື່ນໆ 

ທ່ານ ຮ້ອຍເອກ ບົວໄລ ປານຄຳ ຮອງຫົວໜ້າກອງຄະດີອຸປະຕິເຫດກອງບນຊາການປ້ອງກັນຄວາມສະຫງົບ ແຂວງອັດຕະປື ຍັງໄດ້ກ່າວວ່າ: ໃນປີ 2018 ຜ່ານມາຊ່ວງໄລຍະບຸນປີໄໝ່ລາວ ມີອຸປະຕິເຫດເກີດຂື້ນ 10 ລາຍ,ເສຍຊິວິດ 1 ລາຍ,ທ່ານຍັງໄດ້ກ່າວຕື່ມວ່າ ບຸນປີໄໝ່ລາວປີນີ້ ແມ່ເນັ້ນນໃສ່ເມືອງທີ່ມີຄວາມສ່ຽງການເກີດອຸບັດຕິເຫດ ເປັນຕົ້ນ: ເມືອງເທດສະບານ ເມືອງສາມັກຄີໄຊ ແລະເມືອງໄຊເສດຖາ.ສໍາລັບມາດຕະການຈັດຕັ້ງປະຕິບັດແມ່ນຈະເລີ່ມແຕ່ວັນທີ 12-18 ເມສາ 2019,ສ່ວນມາດຕະກາທີ່ເດັດຂາດຕໍ່ຜູ້ລະເມີດ ແມ່ນສຸມໃສ່ຜູ້ຂັບຂີ້ທີ່ມືນເມົາແມ່ນຈະໄດ້ໃຊ້ມາດຕະການທີ່ເດັດຂາດກວ່າທຸກປີ,ສ່ວນຈຸດທີ່ມີຄວາມສ່ຽງໃນການເກີດອຸບັດຕິເຫດນັ້ນແມ່ນຈະໄດ້ວາງກຳລັງລົງໃສ່ແຕ່ລະຈຸດ,ພ້ອມຈັດວາງກໍາລັງລົງເຄື່ອນໄຫວຕັກເຕືອນມວນຊົນທີ່ຫຼີ້ນໍ້າໃນຂອບເຂດທາງຫຼວງ,ທາງຊອຍບໍ່ໃຫ້ຫຼີ້ນແບບຊະຊາຍ ແລະບໍ່ຖືກຕາມລະບຽບການ. ສຳລັບມາດຕະການປີນີ້ແມ່ນເຂັ້ມງວດກວ່າປີຜ່ານມາໂດຍສະເພາະຕໍ່ຜູ້ທີ່ດື່ມສິ່ງມຶນເມົາແລ້ວຂັບຂີ່ ທັງນີ້ກໍ່ເພື່ອປະຕິບັດຕາມດຳລັດ ແລະແຈ້ງການຂອງກະຊວງປ້ອງກັນຄວາມສະຫງົບ.



    ທ່ານຮ້ອຍເອກ ບົວໄລ ປານຄຳ ຍັງໄດ້ຮຽກຮ້ອງໃຫ້ບັນດານັກຂັບຂີ່ກໍ່ຄືຜູ້ໃຊ້ລົດໃຊ້ຖະໜົນ,ມີສະຕິໃນການຂັບພາຫະນະ,ເອົາໃຈໃສ່ປະຕິບັດລະບຽບການສັນຈອນ,ເດັດຂາດໃນເວລາມືນເມົາບໍ່ໃຫ້ຂັບຂີ່ພາຫະນະດ້ວຍເອງ ເນື່ອງຈາກມີຄວາມສຽງຫຼາຍທີ່ຈະເກີດອຸປະຕິເຫດ,ພ້ອມຮຽກຮ້ອງທຸກໆທ່ານຈົ່ງໃຫ້ຄວາມຮ່ວມມື ແລະປະກອບສ່ວນໃນການຈັດຕັ້ງປະຕິບັດໂຄງການຂັບຂີ່ປອດໄພຕາມທ້ອງຖະໜົນຫລວງໃນໄລຍະປີໃໜ່ລາວໃຫ້ໄດ້ຮັບໜາກຜົນ
ຂ່າວ: ມະນີວອນ

Post a Comment

0 Comments