ຈະລາຈອນເມືອງຫາດຊາຍຟອງ ເຂັ້ມງວດປະຕິບັດໜ້າທີ່ ເພື່ອຄວາມເປັນລະບຽບ-ປອດໄພບຸນປີໃໝ່ລາວ



.................................
ພັຕ ແສງເພັດ ຊະນະມີໄຊ ຮອງຫົວໜ້າພະແນກຕຳຫຼວດ ຜູ້ຊີ້ນຳວຽກງານຈະລາຈອນ ກອງບັນຊາການ ປກສ ເມືອງຫາດຊາຍຟອງ ໃຫ້ສຳພາດໃນວັນທີ 14 ເມສາ 2019 ວ່າ:ເພື່ອຮັບປະກັນໃຫ້ສະພາບການຈະລາຈອນຢູ່ເຂດເມືອງຫາດຊາຍຟອງ ມີຄວາມເປັນລະບຽບຮຽບຮ້ອຍ ແລະ ຮັບປະກັນຄວາມປອດໄພຂອງຜູ້ໄຊລົດ-ໃຊ້ຖະໜົນໄລຍະສະຫຼອງບຸນປີໃໝ່ລາວ, ດັ່ງນັ້ນທາງຄະນະຮັບຜິດຊອບຈຶ່ງໄດ້ຕັ້ງດ່ານກວດກາ ຢູ່ຈຸດຕໍ່ໜ້າສວນວັດທະນະທຳ ( ຖະໜົນທ່າເດື່ອ ) ໂດຍປະຕິບັດໜ້າທີ່ ທີ່ໄດ້ຮັບມອບໝາບຢ່າງເຂັ້ມງວດ.




ການປະຕິບັດໜ້າທີ່ແມ່ນໄດ້ເລີ່ມຕັ້ງຈຸດກວດກາແຕ່ວັນທີ 13 ເມສາ 2019 ໂດຍສຸມໃສ່ການກວດກາທາດເຫຼົ້າ, ກວດກາເອກະສານລົດ, ປະຈຳການຄອຍເຫດ ( ແກ້ໄຂອຸບັດຕິເຫດ, ອັກຄີໄພ ) ພ້ອມທັງຖືໂອກາດນີ້ສຶກສາອົບຮົມຜູ້ໃຊ້ລົດ, ໃຊ້ຖະໜົນມີສະຕິຕໍ່ການຂັບຂີ່, ເປັນເຈົ້າການຮັບຮູ້ວ່າເມົາບໍ່ໍຂັບ ເພາະຖ້າຫາກພົບນັກຂັບຂີ່ຄົນໃດຫາກຜ່ານການກວດກາທາດເຫຼົ້າແລ້ວພົບວ່າ ມີຄ່າຂອງທາດແອວກໍຮໍເກີນກວ່າມາດຕະຖານ ກໍຄື 0,24 ມິນລີລິດ ທາງເຈົ້າໜ້າທີ່ຈະໃຊ້ວິທີການປະສານຫາຍາດພີ່ນ້ອງໃຫ້ມາຮັບໂຕຢູ່ຈຸດກວດ, ກັກຕົວໄວ້ຈຸດກວດຈົນກວ່າຈະຊວ່າງເມົາໃຫ້ກັບຄືນເມືອບ້ານ.

ໂອກາດນີ້, ພັຕ ແສງເພັດ ຊະນະມີໄຊ ຮຽກຮ້ອງມາຍັງຜູ້ໃຊ້ລົດ-ໃຊ້ຖະໜົນໃຫ້ມີສະຕິໃນເວລາຂັບຂີ່, ໂດຍສະເພະາແມ່ນເມົາບໍ່ຂັບ ເພື່ອຫຼຸດຜ່ອນອຸບັດຕິທີ່ອາດຈະເກີດຂຶ້ນ; ພ້ອມນີ້ທ່ານໃດທີ່ອອກໄປສະຫຼອງຢູ່ບ່ອນອື່ນໂດຍທີ່ບໍ່ມີຄົນເຝົ້າບ້ານກໍໃຫ້ມີສະຕິມອດໄຟຕ່າງໆ ເພື່ອສະກັດກັ້ນບັນຫາອັກຄີໄພທີ່ອາດຈະເກີດຂຶ້ນອັນສ້າງຜົນເສຍຕໍ່ຊັບສິນຂອງທ່ານ.
.......................
ຂ່າວ:ບຸນເຫຼືອ

Post a Comment

0 Comments