Header Ads

ລົງມືຂ້າຢ່າງເລືອດເຢັນ ຄຽດແຄ້ນທີ່ຖືກຜູ້ເສຍຊີວິດຈັບໄປສຶກສາອົບຮົມ


ຈັບໄດ້ແລ້ວຄາດຕະກອນໂຫດຂ້າຕັດຄໍ, ສາເຫດຍ້ອນຖືກມີຄວາມຄຽດແຄ້ນທີ່ຖືກຜູ້ເສຍຊີວິດຈັບໄປສຶກສາອົບຮົມ

ຈາກເຫດການຄາດຕະກຳຂ້າຕັດຫົວສະເທືອນຂວັນຢູ່ແຂວງຫົວພັນຊ່ວງໄລຍະປີໃໝ່ລາວເຮົາຫວ່າງ 2-3 ມື້ທີ່ຜ່ານມານີ້ ທາງເຈົ້າໜ້າທີ່ກໍ່ລະດົມກຳລັງສືບຫາຄົ້ນຫາຈົນສາມາຈັບຕົວຜູ້ລົງມືກໍ່ເຫດໄດ້ ພ້ອມກັບຍອມສາລະພາບ ສາເຫດເກີດເພາະຄວາມອາຄາດແຄ້ນ




ຍ້ອນກັບໄປວັນທີ 16/04/2019 ເຫີດເຫດຄາດຕະກຳໂຫດ (ຂ້າຕັດຄໍ) ຢູ່ບ້ານບາວ ເມືອງຊຽງຄໍ້ ແຂວງຫົວພັນ ໂດຍຜູ້ເສຍຊີວິດນັ້ນເປັນຫົວໜ້າ ປກສ ບ້ານບາວ ຊື່ ທ. ວົງສຸກ ອາຍຸ 45 ປີ ແລະ ເປັນຄົນທີ່ອາໃສຢູ່ບ້ານທີ່ເກີດເຫດ

ສ່ວນຜູ້ກໍ່ເຫດ ຊື່ ທ. ຄຳ ອາຍຸ 29 ປີ ອາໃສຢູ່ບ້ານດຽວກັນກັບຜູ້ຖືກຄາດຕະກຳ ໂດຍຜ່ານມາທ້າວຄຳມີປະຫວັດພົບກັນກັບສິ່ງເສບຕິດຕັ້ງແຕ່ປີ 2011 ຖືກຄຸມຕົວເຂົ້າສູນດັດສ້າງຫຼາຍຄັ້ງ ແລະ ໃຫ້ໂອກາດມາຕະຫຼອດ ແຕ່ຜຸ້ກ່ຽວກໍ່ຍັງກັບຄືນພົວກັນກັບສິ່ງເສບຕິດຕະຫຼອດມາ ຈົນຜູ້ເປັນເມຍທົນບໍ່ໄດ້ກັບພຶດຕິກຳຈຶ່ງໄດ້ໜີຫ່າງ ແລະ ເກີດການຢ່າຮ້າງກັນ



ນອກຈາກນີ້ ທ. ຄຳ ຍັງໄດ້ຫຍຸ້ງກ່ຽວກັບສິ່ງທີ່ຜິດກົດໝາຍຫຼາຍລາຍການເຊັ່ນ ການລັກລອບຕັດໄມ້ຫວງຫ້າມ ຊື່ງຖກືທາງຫົວໜ້າ ປກສ ບ້ານບາວ (ທ. ວົງສຸກ ຜູ້ເສຍຊີວິດ) ຈັບກຸມ ແລະ ກັກຕົວຫຼາຍຄັ້ງ ພ້ອມກັບຢຶດຂອງກາງທີ່ເປັນໄມ້ລັກລອບຕັດມາ

ຈຶ່ງເປັນສາເຫດເຮັດໃຫ້ທ້າວຄຳເກີດຄວາມອາຄາດບາດໝາງ ແລະ ຫາໂອກາດກໍ່ເຫດ ຈົນໃນວັນທີ 16/04/2019 ເວລາ 13:00 ໂມງ ທ້າວ ຄໍາ ໄດ້ໄປໃສ່ມອງນົກ ຢູ່ຫ້ວຍດູກ ບ້ານບາວ ເມືອງຊຽງຄໍ້ ຈົນຮອດເວລາ 18:00 ໂມງ ໄດ້ກັບຄືນມາ.

ໃນລະຫວ່າງທາງຜູ້ກ່ຽວໄດ້ ເຫັນ ທ້າວ ວົງສຸກ ກໍາລັງເກືອປາຢູ່ໜອງ, ຈຶ່ງໄດ້ໂອກາດໃນການກໍ່ເຫດ ແລະ ເຮັດທຳທ່າຍ່າງໄປຫາ ທ້າວ ວົງສຸກ ໂອ້ລົມກັນປະມານ 20-30 ນາທີ ຈຶ່ງຊວນກັນກັບບ້ານ. 




ໃນຂະນະນັ້ນ, ທ້າວ ວົງສຸກ ກໍາລັງຕ່າວຫົວລົດຈັກ ສ່ວນ ທ້າວ ຄໍາ ຢືນຢູ່ດ້ານຫຼັງ ເມື່ອເຫັນ ທ້າວ ວົງສຸກ ບໍ່ທັນລະວັງຕົວ ຈຶ່ງໄດ້ຈັບພ້າທີ່ຖືມານຳ ຟັນເຂົ້າຄໍເບື້ອງຂວາ ຈໍານວນ 3 ຄັ້ງ ເຮັດໃຫ້ ທ້າວ ວົງສຸກໄດ້ຮ້ອງຂຶ້ນ 1 ຄັ້ງ ກ່ອນແລ້ວລົ້ມລົງພື້ນຈົນກ່ອນຂາດໃຈ

ດ້ວຍຄວາມອາຄາດຄຽດແຄ້ນທີ່ມີຕໍ່ຜູ້ຕາຍ ທ້າວ ຄຳ ຍັງເອົາພ້າຟັນຊໍ້າຈົນຄໍຂາດ ແລ້ວກັບຄືນເມືອເຮືອນ ແລ້ວ ຮີບອາບນ້ຳປ່ຽນເຄື່ອງເຂົ້ານອນ ເຮັດທຳທ່າແນບນຽນແບບ ຄືດັ່ງກັບບໍ່ມີເຫດການຫຍັງເກີດຂຶ້ນກັບຕົນ

ມາຮອດວັນທີ 17 ເມສາ 2019 ເຈົ້າໜ້າທີ່ ກອງບັນຊາການ ປກສ ເມືອງຊຽງຄໍ້ ແລະ ປກສ ແຂວງ ໄດ້ສືບສວນ ສອບສວນ ລົງເກັບກຳຂໍ້ມູນຈົນສາມາດນຳຫາຜູ້ກໍ່ເຫດໄດ້ ແລະ ເຂົ້າຈັບກຸມຕົວຜູ້ກ່ຽວໄປດໍາເນີນຄະດີຕາມກົດໝາຍ. 

ຂອບໃຈຂໍ້ມູນຈາກ: ນສພ ຄວາມສະຫງົບ

ແຫຼ່ງຂ່າວ https://www.lsecuritynews.com/29423?fbclid=IwAR2MJGjhbxTm5Ffjiazs6E91x_y4tCS-urk2QXX6-ckh-Lx0KPsmlDp7YlA

No comments

Powered by Blogger.