Header Ads

ທ່ານ ປອ ຄໍາພຽມ ບົວລະພາ ຕ້ອນຮັບທ່ານ ເລວັນເຫງ້ຍ


 
      ໃນວັນທີ 1 ເມສາ 2019 ນີ້ ທ່ານ ປອ ຄໍາພຽມ ບົວລະພາ ຮອງເລຂາພັກແຂວງ, ປະທານສະມາຄົມມິດຕະພາບລາວ-ຫວຽດນາມ ແຂວງເຊກອງ ພ້ອມຄະນະ ໄດ້ຕ້ອນຮັບ ແລະຮ່ວມເຮັດວຽກກັບຄະນະສະມາຄົມມິດຕະພາບຫວຽດນາມ-ລາວ ແຂວງດັກລັກ ເຊິ່ງນໍາໂດຍ  ຂອງທ່ານ ເລວັນເຫງ້ຍ ຄະນະປະຈໍາພັກແຂວງ, ຫົວໜ້າຄະນະພາຍໃນຂັ້ນແຂວງ, ປະທານສະມາຄົມມິດຕະພາບຫວຽດນາມ-ລາວ ແຂວງດັກລັກ ພ້ອມຄະນະ ຢູ່ທີ່ໂຮງແຮມຫົງຄໍາແຂວງເຊກອງ.

     ທ່ານ ເລວັນເຫງ້ຍ ໄດ້ກ່າວວ່າ: ຈຸດປະສົງໃນການມາເຄື່ອນໄຫວເຮັດວຽກຂອງຄະນະຂອງສະມາຄົມມິດຕະພາບຫວຽດນາມ-ລາວ ແຂວງດັກລັກ ໃນຄັ້ງນີ້ ກໍເພື່ອຢ້ຽມຢາມ ແລະອວຍພອນປີໃໝ່ລາວ ພສ 2562 ໃຫ້ແກ່ຄະນະນໍາແຂວງເຊກອງ ກໍຄືຄະນະສະມາຄົມມິດຕະພາບລາວ-ຫວຽດນາມ ແຂວງເຊກອງ, ນອກນິີ້ ທ່ານຍັງກ່າວຕື່ມວ່າ: ສະມາຄົມຫວຽດນາມ-ລາວ ຍິນດີທີ່ຈະໃຫ້ການຊ່ວຍເຫຼືອສ້າງ ແລະພັດທະນາຊັບພະຍາກອນມະນຸດໃຫ້ແຂວງເຊກອງຕື່ມອີກ ໂດຍການໃຫ້ຄະນະສະມາຄົມມິດຕະພາບລາວ-ຫວຽດນາມ ຄັດເລືອກເອົານັກຮຽນ-ນັກສຶກສາ ທີ່ທຸກຍາກຂາດເຂີນ ໄປຮຽນຊັ້ນມັດທະຍົມສຶກສາຫຼືວິຊາຊີບ ຢູ່ ສສ ຫວຽດນາມ ເຊິ່ງການກິນຢູ່ ພັກເຊົາ ແມ່ນທາງ ສະມາຄົມມິດຕະພາບຫວຽດນາມ-ລາວ ແຂວງດັກລັກ ຈະເປັນຜູ້ຮັບຜິດຊອບທັງໝົດ, ນອກຈາກນີ້ ທາງສະມາຄົມພ້ອມທີ່ຈະຊ່ວຍໃນເລື່ອງການພັດທະນາດ້ານເສດຖະກິດ-ສັງຄົມຂອງແຂວງເຊກອງຕື່ມອີກ ທັງນີ້ ເພື່ອເປັນການຮັດແໜ້ນສາຍພົວພັນມິດຕະພາບລະຫວ່າງ ຫວຽດນາມ-ລາວ, ລາວຫວຽດນາມ ໂດຍສະເພາະແຂວງດັກລັກ ສສ ຫວຽດນາມ ແລະ ແຂວງເຊກອງ ສປປ ລາວ ໃຫ້ໝັ້ນຄົງທະນົງແກ່ນຂຶ້ນໄປເລື້ອຍໆ.




      ໃນໂອກາດນີ້ ທ່ານ ປອ ຄໍໍາພຽມ ບົວລະພາ ໄດ້ກ່າວຂອບໃຈ ທ່ານ ເລວັນເຫງ້ຍ ກໍຄືຄະນະສະມາຄົມມິດຕະພາບຫວຽດນາມ-ລາວ ແຂວງດັກລັກ ທີ່ມາຢ້ຽມຢາມ ໃນຄັ້ງນີ້ ພ້ອມນີ້ ຄະນະສະມາຄົມມິດຕະພາບລາວ-ຫວຽດນາມ ແຂວງເຊກອງ ຍັງໄດ້ຈັດພິທີບາສີສູ່ຂັວນ ແລະອວຍພອນປີໃໝ່ ເພື່ອເປັນສີລິມຸງຄຸນໃນຊີວິດສ່ວນຕົວ-ຄອບຄົວ, ໜ້າທີ່ວຽກງານ ໃຫ້ແກ່ຄະນະສະມາຄົມມິດຕະພາບຫວຽດນາມ-ລາວ ແຂວງດັກລັກຕື່ມອີກ

No comments

Powered by Blogger.