Header Ads

ງານປະກວດ ສິລະປະວັນນະຄະດີ ຂອງໂຮງຮຽນ ມສ ບ້ານທອງ



ໃນຄ່ຳຄືນຂອງວັນທີ່ 28 ມີນາ 2019 ນີ້ ຢູ່ທີ່ເດີນໂຮງຮຽນ ມສ ບ້ານທອງ ເມືອງເງິນ ແຂວງ ໄຊຍະບູລີ ໄດ້ຈັດງານປະກວດ ສິລະປະວັນນະຄະດີ ຂື້ນ, ເຂົ້າຮ່ວມເປັນກຽດ ມີ ທ່ານບຸນຈັນ ແສນສະຫວັດ ຄະນະປະຈຳພັກເມືອງ ປະທານກວດກາພັກເມືອງ , ມີເລຂາຄະນະພັກຮາກຖານ, ຄະນະອຳນວຍການ, ຄູ-ອາຈານ, ປະທານສະມາຄົມພໍ່ແມ່ນັກຮຽນ, ນັກທຸລະກິດຜູ້ປະກອບການ, ພໍ່ແມ່ປະຊາຊົນ, ແລະ ນ້ອງນັກຮຽນເຂົ້າຮ່ວມຢ່າງຫຼວງຫຼາຍ.



 ທ່ານ ບຸນທໍາ ແກ້ວມະນີ  ອໍານວຍການ ໂຮງຮຽນມັດທະຍົມສົມບູນບ້ານທອງ ໃນນາມປະທານການຈັດງານປະກວດສິລະປະວັນນະຄະດີ ໃນຄັ້ງນີ້ ກໍ່ໃຫ້ກຽດຂື້ນກ່າວເປີດງານ ຢ່າງເປັນທາງການ ຈຸດປະສົງເພື່ອເປັນການເປີດໂອກາດໃຫ້ນ້ອງໆນັກຮຽນ ໄດ້ສະແດງຄວາມສາມາດ ແລະ ພອນສະຫວັນຂອງຕົນເອງ, ເພື່ອເສີມສ້າງ ແລະ ປູກຈິດສຳນຶກ ໃຫ້ແກ່ນັກຮຽນ, ຮັກຄວາມມ່ວນຊື່ນ, ຮັກຄວາມຈົບງາມ, ມີຄວາມສາມັກຄີ, ພ້ອມທັງເປັນການອານຸລັກຮັກສາວັດທະນະທຳ ຮີດຄອງປະເພນີອັນດີງາມຂອງຊາດລາວເຮົາ ໄວ້ຢູ່ຄູ່ກັບຄົນລາວຕະຫຼອດໄປ , ເພື່ອເປັນການເສີມສ້າງຂະບວນການຮຽນການສອນໃຫ້ເປັນຂະບວນຟົດຟື້ນ ໄປຕາມ 3 ລັກສະນະ, 5 ຫຼັກມູນຂອງການສຶກສາ ອີກຢ່າງໜຶ່ງກໍ່ເພື່ອເປັນການຊອກຫາແຫຼ່ງທືນເພື່ອມາຊື້ອຸປະກອນການຮຽນ-ການສອນ ແລະ ພັດທະນາໂຮງຮຽນອີກດ້ວຍ.



ງານປະກວດສິລະປະວັນນະຄະດີ ໂຮງຮຽນ ມສ ບ້ານທອງ ໃນຄັ້ງນີ້ເຊີ່ງມີ ຊັ້ນມ1 ຮອດຊັ້ນ ມ 7  ມີ 26 ລາຍການ ໃນນີ້ ບົດຟ້ອນ 13 ລາຍການ ຮ້ອງເພງ 13  ລາຍການ, ສຳລັບຜົນການແຂ່ງຂັນ ທີ່1 ບົດຟ້ອນຊັ້ນມໍຕົ້ນ ໄດ້ແກ່ ຫ້ອງ ມ 4/2, ຊັ້ນ ມໍ ປາຍໄດ້ແກ່ ຫ້ອງ ມ 6/1, ສຳລັບຜົນການແຂ່ງຂັນຮ້ອງເພງ ທີ່ 1 ໄດ້ແກ່ ທ້າວ ດາ ແຄນວິໄລຄຳ ຕົວແທນຈາກຫ້ອງ ມ7

ຕອນທ້າຍ ທາງຄະນະປະທານກໍ່ໄດ້ມອບຂອງຂັວນລາງວັນໃຫ້ນັກສິລະປະອີກດ້ວຍ
ໂດຍ: ອິນແປງ ແຫວນຄຳ







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

No comments

Powered by Blogger.