ເປີດອະນຸສອນສະຖານທ່ານໜູຮັກພູມສະຫວັນຢູ່ນະຄອນຫຼວງວຽງຈັນ




   ໃນຕອນເຊົ້າມື້ນີ້ ວັນທີ 9 ເມສາ 2019, ໄດ້ຈັດພິທີເປີດອະນຸສອນສະຖານທ່ານໜູຮັກ ພູມສະຫວັນ ຂຶ້ນຢ່າງເປັນທາງການ, ທີ່ບ້ານສະພານທອງເໜືອ, ເມືອງສີສັດຕະນາກ ນະຄອນ ຫຼວງວຽງຈັນ. 



   ໃຫ້ກຽດເຂົ້າຮ່ວມພິທີດັ່ງກ່າວ ມີທ່ານ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ, ພ້ອມດ້ວຍບັນດາສະຫາຍກໍາມະການສູນການພັກ, ລັດຖະ ມົນຕີ, ຮອງລັດຖະມົນຕີ, ແລະ ອະດີດການນໍາຂັ້ນສູງພັກ-ລັດ, ກໍ່ຄື ບັນດາພະນັກງານອາວຸໂສບໍານານ, ແລະ ຄອບຄົວລູກຫຼານ, ອະດີດພະນັກງານຮັບໃຊ້ ໃກ້ຊິດ, ອະດີດເລຂາທ່ານ ໜູນຮັກ ພູມສະຫວັນ, ຜູ້ຕາງຫນ້າອົງການຈັດຕັ້ງກ່ຽວຂ້ອງ ແລະ ພະນັກ ງານຮັບຜິດຊອບພິພິທະພັນໄກສອນພົມວິຫານ.



    ອະນຸສອນສະຖານທ່ານ ໜູຮັກ ພູມສະຫວັນ ເປັນສະຖານທີ່ມູນມໍລະດົກອັນລໍ້າຄ່າຂອງຊາດ ແລະ ເປັນສະຖານທີ່ທ່ອງທ່ຽວທາງປະຫວັດສາດທີ່ມີຄວາມໝາຍສໍາຄັນ ເຊິ່ງຈະກາຍເປັນບ່ອນສຶກສາອົບຮົມທາງດ້ານການເມືອງ-ແນວຄິດ, ເປັນບ່ອນສຶກສາຄົ້ນຄວ້າຮໍ່າຮຽນຂອງພະນັກງານການນໍາຫຼັກແຫຼງ, ສະມາຊິກພັກ, ພະນັກງານ-ລັດຖະກອນ, ນັກຮຽນຮູ້, ນັກສຶກສາ ແລະ ປະຊາຊົນລາວບັນດາເຜົ່າຕະຫຼອດຮອດແຂກທັງພາຍໃນ ແລະ ຕ່າງປະເທດໄດ້ສຶກສາຮຽນຮູ້ ແລະ ເຊື່ອມຊຶມຢ່າງໜັກແໜ້ນ ແບບແຜນການດໍາລົງຊີວິດ, ລວມທັງແບບແຜນວິທີເຮັດວຽກ ແລະ ຄຸນສົມບັດສິນທໍາປະຕິວັດອັນໃສແຈ້ງຂອງທ່ານ ໜູຮັກ ພູມສະຫວັນ.



   ສະຖານທີ່ດັ່ງກ່າວຈະເປີດໃຫ້ແຂກເຂົ້າຢ້ຽມຊົມທຸກໆວັນອັງຄານ ຫາ ວັນອາທິດ ຕອນເຊົ້າເວລາ 8:00-12:00 ໂມງ ແລະ ຕອນບ່າຍ ເວລາ 13:00-16:00 ໂມງ.

ຂ່າວ;ພາບ: ຂັນທະວີ (ໜັງສືພິມວຽງຈັນໃໝ່)



Post a Comment

0 Comments