Header Ads

ຈາລະຈອນ ຫຼວງນໍ້າທາມີຄວາມພ້ອມ ແລະ ວາງ​ມາດຕາການ ການໃຊ້ລົດ-ໃຊ້ຖະໜົນຊວງໄລຍະຫຼີ້ນບຸນກຸດສົງການປີໃໝ່ລາວ


ພະແນກຕໍາຫຼວດຈະລາຈອນ ປກສ ແຂວງຫຼວງນໍ້າທາມີຄວາມພ້ອມ ແລະ ວາງ​ມາດຕາການ ການໃຊ້ລົດ-ໃຊ້ຖະໜົນຊວງໄລຍະຫຼີ້ນບຸນກຸດສົງການປີໃໝ່ລາວ ພ​ສ 2562

ທ່ານພັນໂທລາດສະຫວາງ ປຣະຈິດທຳ ຫົວໜ້າ​ພະແນກ​ຕຳຫຼວດ​ຈະລາຈອນ ປກສ ແຂວງຫຼວງນໍ້າທາໄດ້ສຳພາດວ່າ: ທາງ​ພະແນກ​ຈະລາຈອນ ປກສ ແຂວງມີການວາງແຜນກະກຽມຈຸກຳລັງເພື່ອເຂົ້າປະຈຳປ້ອມແຕ່ລະຈຸດປະກອບມີ 2 ຈຸ​ໃຫຍ່,ແບ່ງເປັນ 4 ຈຸດ​ແຕ່ລະ​ຈຸດ ມີ 8 ສະຫາຍເຊີງມີຈຳນວນກຳລັງທັງໝົດ 32 ສະຫາຍຕໍ່ວັນໃນນີ້ປະກອບມີອາສາສະໝັກມາຈາກໂຮງຮຽນ ມສ ເທດສະບານ​ແຂວງ​ຈຳນວນໜຶ່ງ,ໄດ້​ກະກຽມ​ທາງດ້ານ​ງົບປະມານ,ພາຫະນະ,ອອກແຈ້ງການກ່ຽວກັບການສັນຈອນສົ່ງໃຫ້ແຕ່ລະບ້ານພາຍໃນແຂວງຊ່ວຍໂຄສະນາໃຫ້ປະຊາຊົນເຂົ້າໃຈລະບຽບການໃຊ້ລົດ-ໃຊ້ຖະໜົນເພື່ອບໍ່ໃຫ້ອຸປະຕິເຫດເກີດຂຶ້ນ ແລະ ທ່ານຍັງໃຫ້ຮູ້ຕື່ມວ່າ: ໃນໄລຍະຫຼີ້ນບຸນກຸດສົງການປີຜ່ານມາທົ່ວແຂງຫຼວງນໍ້າທາມີອຸປະຕິເຫດເກີດຂຶ​້​ນ 16 ລາຍ ເສຍ​ຊິວິດ 1 ຄົນ. 




ຈາກນັ້ນທ່ານຍັງໄດ້ຮຽກຮ້ອງໃຫ້ພະນັກງານທະຫານຕຳຫຼວດ,ແມ່ຄ້າ​ຊາວ​ຂາຍ,ນັກຮຽນ-ນັກສຶກສາຕະຫຼອດຮອດປະຊາຊົນບັນດາເຜົ່າຊາວແຂວງຫຼວງນໍ້າທາຈົ່ງເອົາໃຈໃສ່ປະຕິບັດກົດລະບຽບການສັນຈອນ,ກວດກາສະພາບເຕັກນິກລົດ,ເອກະສານ,ໃບຂັບຂີ່,ເພື່ອລີກລ້ຽງໃນການເກີດອຸປະຕິເຫດ ແລະ ສະດວກຕໍ່ເຈົ້າໜ້າທີປະຕິບັດງານ,ເມົາບໍ່ຄວນຂັບຂີ່ຍານພະຫະນະທຸກຊະນິດ,ໃຫ້ສິດເຊີງກັນແລະກັນ,ປະຕີບັດຕາມປ້າຍສັນຍານ ແລະ ເຄື່ອງໝາຍໃຫ້ເຂັ້ມງວດ......

ພາບແລະຂ່າວ  ບຸນ​ຈັນ ອ​ີ​ນ​ດວງ​ລື.

No comments

Powered by Blogger.