Header Ads

ຮອງລັດທະມົນຕີກະຊວງ ປກຊ ຕ້ອນຮັບຫົວໜ້າການບິນກອງທັບເຮືອ ສ ຣັດເຊຍ


ຮອງລັດທະມົນຕີກະຊວງ ປກຊ ຕ້ອນຮັບຫົວໜ້າການບິນກອງທັບເຮືອ ສ ຣັດເຊຍ.

________________________________________

ໃນວັນທີ 2 ເມສາ 2019 ນີ້ ທ່ານ ພົນຕີ ແອສະໄໝ ເລືອງ ວັນໄຊ ຮອງລັດຖະມົນຕີກະຊວງ ປ້ອງກັນປະເທດແຫ່ງ ສປປ ລາວ ຕ້ອນຮັບການເຂົ້າຢ້ຽມ ຂໍ່ານັບຂອງຄະນະການບິນກອງ ທັບເຮືອແຫ່ງ ສ.ຣັດເຊຍ ເຊິ່ງ ນໍາໂດຍ ທ່ານ ພົນຈັດຕະວາ ໂກຊິນ ອີໂກຣີ ຫົວໜ້າການ ບິນກອງທັບເຮືອ ແຫ່ງ ສ.ຣັດ ເຊຍ ພ້ອມດ້ວຍຄະນະຢູ່ສະໂມ ສອນຫ້ອງວ່າການກະຊວງປ້ອງ ກັນປະເທດ ເນື່ອງໃນໂອກາດ ທີ່ຄະນະເດີນທາງມາເຮັດວຽກ ຢູ່ລາວ ໃນລະຫວ່າງວັນທີ 1-5 ເມສາ ນີ້. ໂອກາດນີ້ ທ່ານ ຮອງລັດຖະ ມົນຕີກະຊວງປ້ອງກັນປະເທດ ແຫ່ງ ສປປ ລາວ ກໍໄດ້ສະແດງຄວາມຍິນດີຕ້ອນຮັບອັນອົບອຸ່ນ ເຕັມໄປດ້ວຍໄມ້ຕີຈິດມິດຕະພາບ ແລະ ຕີລາຄາສູງຕໍ່ ທ່ານ ພົນຈັດ ຕະວາ ໂກຊິນ ອີໂກຣີ ພ້ອມດ້ວຍ ຄະນະທີ່ໄດ້ເດີນທາງມາຢ້ຽມ ຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ເຊິ່ງຈະເປັນການປະ ກອບສ່ວນເສີມສ້າງສາຍພົວພັນ ການຮ່ວມມືລະຫວ່າງສອງຊາດ, ສອງກອງທັບລາວ-ຣັດເຊຍ ທີ່ມີມາແຕ່ດົນນານໄດ້ຮັບການ ເສີມຂະຫຍາຍຢ່າງບໍ່ຢຸດຢັ້ງ. 


ທ່ານ ພົນຈັດຕະວາ ໂກຊິນ ອີໂກຣີ ກໍໄດ້ສະແດງຄວາມຂອບ ໃຈຕໍ່ສະຫາຍ ຮອງລັດຖະມົນຕີກະ ຊວງປ້ອງ ກັນປະເທດ ແຫ່ງ ສປປ ລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນເຕັມໄປດ້ວຍໄມຕີຈິດມິດຕະພາບ, ພ້ອມທັງໄດ້ກ່າວລາຍ ງານເຖິງຈຸດປະສົງຂອງການ ເດີນມາຢ້ຽມຢາມຂອງຄະນະໃນ ຄັ້ງນີ້ ແລະ ໄດ້ລາຍງານສະພາບ ຂອງການພົບປະສອງຝ່າຍລະ ຫວ່າງຄະນະຜູ້ແທນຝ່າຍລາວ ແລະ ຝ່າຍຣັດເຊຍ ທັງນີ້ກໍເພື່ອ ສືບຕໍ່ຈັດຕັ້ງຜັນຂະຫຍາຍໝາກ ຜົນການພົວພັນຮ່ວມມືຂອງສອງ ກອງທັບໃຫ້ປະກົດຜົນເປັນຈິງ.

cr:Lao people's Army News

No comments

Powered by Blogger.