Header Ads

ກອງປະຊຸມໃຫຍ່ຄັ້ງທີ່ I ໜວ່ຍພັກຫ້ອງການຊາວໝຸ່ມເມືອງຫົງສາ ແຂວງໄຊຍະບູລີ




     ກອງປະຊຸມໃຫຍ່ຄັ້ງທີ່ I ໜວ່ຍພັກຫ້ອງການຊາວໝຸ່ມເມືງຫົງສາ ແຂວງໄຊຍະບູລີ ໄດ້ຈັດຂື້ນ ໃນຕອນເຊົ້າຂອງວັນທີ 26 ເມສາ 2019ນີ້,ຢູ່ທີ່ຫ້ອງການດັ່ງກ່າວ, ໂດຍການເປັນປະທານ,ຂອງສະຫາຍ ໄກສອນ ນາລີອອມ ເລຂາໜວ່ຍພັກຫ້ອງການຊາວໝຸ່ມ, ວ່າການ ຄະນະບໍລິຫານງານຊາວໝຸ່ມເມືອງ ໃຫ້ກຽດເຂົ້າຮວ່ມຂອງສະຫາຍ ນາງດາວວິນ ລາດຊະກິດ ກໍາມະການປະຈໍາພັກເມືອງ ຮອງເຈົ້າເມືອງໆຫົງສາ ມີພະນັກງານຂອງເມືອງ, ຄະນະໜວ່ຍພັກ  ພ້ອມດວ້ຍສະມາຊີກພັກເຂົ້າຮ່ວມຢ່າງພ້ອມພຽງ. 

    ກອງປະຊຸມ   ສະຫາຍ ໄກສອນ ນາລີອອມ  ເລຂາໜວ່ຍພັກ ຫ້ອງການຊາວໝຸ່ມເມືອງ   ກໍ່ໄດ້ຂື້ນຜ່ານ ບົດລາຍງານການເມືອງທັງ ສອງພາກ, ຕີລາຄາການຈັດຕັ້ງປະຕິບັດວຽກງານແຕ່ປີ 2013  - 2018 ແລະ ທິດທາງແຜນການປີ 2019 – 2023   ຍົກໃຫ້ເຫັນເຖີງວຽກງານ ດ້ານດີ,ດ້ານອ່ອນ ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້  ທີ່ຈະພ້ອມກັນນໍາໄປຈັດປະຕິບັດໃນຕໍ່ໜ້າ    ໃນໄລຍະ 5 ປີຜ່ານມາ ໜວ່ຍພັກ ຫ້ອງການຊາວໝຸ່ມເມືອງ ໄດ້ຫັນເອົາແນວທາງ ແຜນນະໂຍບາຍຂອງພັກ,ມະຕິຄໍາສັ່ງຂອງຂັ້ນເທີງ ແລະ ເນື້ອໃນມະຕິໃຫຍ່ຂອງຕົນ ແລະ ລະບຽບຕ່າງໆຂອງລັດ ລົງມາເຜີຍແຜ່ເຊື່ອມຊືມໃຫ້ສະມາຊິກພັກໃຫ້ຮັບຮູ້ ແລະ ເຂົ້າໃຈ ຢ່າງເລີກເຊີ່ງ ຕໍ່ແນວທາງນະໂຍບາຍຂອງພັກເຮັດໃຫ້ ມີທັກສະນະຫຼັກໜັ້ນຊົນຊັ້ນ,ຈໍາແນກມິດ ແລະ ສັດຕູ້ຢ່າງຈະແຈ້ງ,ສະມາຊິກພັກ ແລະ ມະຫາຊົນຍັງຮັກສາໄດ້ຄວາມສາມັກຄີເປັນປຶກແຜ່ນ ແລະ ມີຄວາມຕື່ນຕົວເປັນເຈົ້າການປະຕິບັດໜ້າທີ່ ທີ່ໄດ້ຮັບການໝອບໝາຍໃຫ້ປະກົດຜົນເປັນຈິງ.ໜວ່ຍພັກຫ້ອງການຊາວໝຸ່ມເມືອງ ມີຄະນະພັກ 2 ສະຫາຍ,ຍິງ 1 ສະຫາຍ, ມີສະມາຊິກພັກ 9 ສະຫາຍ,ຍິງ 5 ສະຫາຍ,ໃນນີ້ມີສະມາຊິກພັກສໍາຮອງ 2 ສະຫາຍ,ຍິງ 2 ສະຫາຍ,ປະກອບມີ 5 ໜວ່ຍງານຄື:   ໜວ່ຍງານຫ້ອງການ,ໜ່ວຍງານອົບຮົມ,ໜ່ວຍງານເຍົາວະຊົນ - ອະນຸຊົນ,ໜວ່ຍງານຈັດຕັ້ງ - ກວດກາ ແລະ ໜວ່ຍງານຂະບວນການ ຜ່ານການກວດກາຕີລາຄາແຕ່ລະຫນ່ວຍງານໄດ້ປະເພດແຂງ,ຫ້ອງການໄດ້ປະເພດແຂງ, ແບ່ງປະເພດ ອົງການຈັດຕັ້ງມະຫາຊົນເປັນຕົ້ນແມ່ນອົງການຈັດຕັ້ງຊາວຫນຸ່ມ,ແມ່ຍິງແລະກຳມະບານ ໄດ້ປະເພດແຂງ,ແບ່ງປະເພດສະມາຊິກພັກ ໄດ້ປະເພດແຂງ ທຸກໆສະຫາຍ,ຕີລາຄາແບ່ງປະເພດຫນ່ວຍພັກຕາມ 2 ມາດຖານ,4 ເຂັ້ມແຂງ,5 ຮູ້ນໍາພາ,ໄດ້ປະເພດໜວ່ຍພັກ ເຂັ້ມແຂງ - ຮູ້ນໍາຮອບດ້ານ.



    ໃນກອງປະຊຸມຄັ້ງນີ້:    ຜູ່ເຂົ້າຮວ່ມໄດ້ໃຊ້ສິດປະຊາທິປະໄຕ ຖືກຕ້ອງ ແລະ ສອດຄອ່ງກັບມາດຖານເງື່ອນໄຂທີ່ໄດ້ກໍານົດໄວ້, ເລືອກເອົາ ຄະນະພັກຊຸດໃໝ່,ກອງປະຊຸມໄດ້ເປັນເອກະສັນກັນ ເລືອກເອົາ ສະຫາຍ  ໄກສອນ ນາລີອອມ ເປັນເລຂາໜວ່ຍພັກ,ເລືອກເອົາ ສະຫາຍ ນາງ ຄໍາຮຸ່ງຈັນທະລັງສີ,ເປັນຮອງເລຂາໜວ່ຍພັກ ທັງເປັນປະທານກວດກາ,ກອງປະຊຸມຍັງໄດ້ເລືອກເອົາ ຜູ່ແທນສົມບູນ ແລະ ຜູ້ແທນສຳຮອງ ໄປຮວ່ມກອງປະຊຸມໃຫ່ຍຂອງເມືອງ, ພ້ອມນັ້ນຄະນະໜວ່ຍພັກ ຫ້ອງການຊາວໝຸ່ມເມືອງ,ອົງການຈັດຕັ້ງມະຫາຊົນແລະ ແຕ່ລະໜວ່ຍງານຍັງໄດ້ພ້ອມກັນຈັບມືແຂ່ງຂັນກັບໜວ່ຍພັກອື່ນໆ.

        ໃນຕອນທ້າຍກອງປະຊຸມ  ສະຫາຍ ນາງ ດາວວິນ ລາດຊະກິດ ກໍາມະການປະຈໍາພັກເມືອງ ຮອງເຈົ້າເມືອງໆຫົງສາ ກໍ່ໄດ້ໃຫ້ກຽດໂອ້ລົມ ເຊີ່ງກ່ອນອື່ນໝົດ ສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍ ທີ່ທາງຫນ່ວຍພັກ,ທີ່ຍາດມາໄດ້ໃນໄລຍະ 5 ປີ ຜ່ານມາ ແລະ ພ້ອມທັງເໜັ້ນໜັກໃຫ້ຄະນະພັກຊຸດໃໝ່   ຈົ່ງພ້ອມກັນສືບຕໍ່ເອົາໃຈໃສ່ ຈັດຕັ້ງປະຕິັບັດ ບັນດາໜ້າວຽກທີ່ຍັງຄົງຄ້າງ ແລະ ເຮັດວຽກງານແບບລວມສູນ ປະຊາທິປະໄຕ ເປັນຫມູ່ຄະນະ ເຊີດຊູສະຕິປັນຍາ ແລະ ຄວາມຮັບຜິດຊອບການເມືອງຂອງຕົນ ໃຫ້ສູງຂື້ນເລື້ອຍໆ ເພືອ່ເຮັດໃຫ້ວຽກງານແຕ່ລະດ້ານມີການຫັນປຽ່ນໃໝ່ຢ່າງຕັ້ງໜ້າ,ໃຫ້ມີຜົນສໍາເລັດຍິ່ງໃຫ່ຍກວ່າເກົ່າ. 
                                                                                          ພາບ-ຂ່າວ: ບຸນປອນ

No comments

Powered by Blogger.