Header Ads

ກອງປະຊຸມໃຫຍ່ຄັ້ງທີ II ຂອງໜ່ວຍພັກສານປະຊາຊົນເຂດ III ເມືອງຫົງສາ 


ກອງປະຊຸມໃຫຍ່ຄັ້ງທີ II
ຂອງໜ່ວຍພັກສານປະຊາຊົນເຂດ III ເມືອງຫົງສາ ແຂວງໄຊຍະບູລີ ໄດ້ສຳເລັດລົງຢ່າງເປັນທາງການ

 ສຳເລັດ​ກອງປະຊຸມໃຫຍ່ ຄັ້ງທີ II, ຂອງໜ່ວຍພັກສານປະຊາຊົນເຂດ III ເມືອງຫົງສາ ແຂວງໄຊຍະບູລີ ເຊິ່ງ​ໄດ້ຈັດຂື້ນໃນຕອນບ່າຍຂອງວັນທີ 4 ເມສາ 2019 ຢູ່ທີ່ຫ້ອງປະຊຸມຂອງຕົນ, ໂດຍການເປັນປະທານຂອງ ສະຫາຍ ສົມໄວ ຈັນທະຜາລີ ປະທານສານປະຊາຊົນເຂດ III, ໃຫ້ກຽດເຂົ້າຮ່ວມຂອງ ສະຫາຍ ສົມສີ ພົມມະຈັນ ຮອງເລຂາພັກເມືອງ ປະທານກວດກາພັກ-ລັດ ເມືອງຫົງສາ, ມີຄະນະໜ່ວຍພັກ, ສະມາຊິກພັກ, ພະນັກງານຂອງເມືອງ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.



 ໃນວາລະກອງປະຊຸມ ສະຫາຍ ສົມໄວ ຈັນທະຜາລີ ເລຂາໜ່ວຍພັກ ປະທານກອງປະຊຸມກໍ່່ໄດ້ກ່າວເປີດກອງປຊຸມໜ່ວຍພັກຂອງຕົນຂື້ນຢ່າງເປັນທາງການ ພ້ອມທັງຜ່ານຮ່າງບົດລາຍງານການເມືອງ ແລະ ທິດທາງແຜນການໃນຕໍ່ໜ້າ, ສານປະຊາຊົນເຂດ III ເມືອງຫົງສາ ເປັນໜ່ວຍພັກໜຶ່ງ ເຊິ່ງມີພາລະບົດບາດການນໍາພາຂອງຕົນໂດຍກົງ ໂດຍຂື້ນກັບຄະນະພັກອົງການປົກຄອງເມືອງຫົງສາ ແລະ ສານປະຊາຊົນແຂວງໄຊຍະບູລີ, ມີໜ້າທີ່ພິຈາລະນາແກ້ໄຂ, ໄກ່ເກັ່ຍ, ຕັດສິນຄະດີເປັນຕົ້ນແມ່ນຄະດີແພ່ງ, ອາຍາ ແລະ ຄະດີແຮງງານເປັນຕົ້ນ ຕາມຂອບເຂດສິດອຳນາດທີ່ໄດ້ກຳນົດໄວ້ໃນກົດໝາຍວ່າດ້ວຍສານປະຊາຊົນ ແລະ ໜ້າທີ່ອື່ນໆຕາມການມອບໝາຍຂອງສາຍຕັ້ງ ແລະ ສາຍຂວາງ, ພາຍໃນໜ່ວຍພັກມີຄະນະໜ່ວຍພັກ 3 ສະຫາຍ, ມີສະມາຊິກພັກ 14 ສະຫາຍ, ຍິງ 3 ສະຫາຍ, ສໍາຮອງ 2 ສະຫາຍ, ຍິງ 1 ສະຫາຍ, ໄດ້ນໍາພາການຈັດຕັ້ງປະຕິບັດວິຊາສະເພາະພາຍໃນຂອບເຂດຄວາມຮັບຜິດຊອບ 4 ເມືອງເໜືອຄື: ເມືອງຫົງສາ, ເມືອງເງິນ, ເມືອງຊຽງຮ່ອນ ແລະ ເມືອງຄອບ, ໃນໂລຍະຜ່ານມາໄດ້ແກ້ໄຂຂໍ້ຂັດແຍ່ງ ແລະ ປະຕິບັດຕາມຫຼັກວິຊາການ ຕາມລະບຽບຂອງພັກ, ກົດໝາຍຂອງລັດວາງອອກຢ່າງເຂັ້ມງວດ.



 ຜົນການຕີລາຄາແບ່ງປະເພດສະມາຊິກພັກ ຜ່ານການກວດກາຕີລາຄາແບ່ງປະເພດສະມາຊິກພັກໄດ້ປະເພດແຂງ 14 ສະຫາຍ, ຍິງ 3 ສະຫາຍ, ຕີລາແບ່ງປະເພດອົງການຈັດຕັ້ງມະຫາຊົນໄດ້ປະເພດແຂງ ທຸກອົງການຈັດຕັ້ງ, ຕີລາຄາແບ່ງປະເພດໜ່ວຍພັກຕາມ 2 ມາດຖານ ແລະ 9 ເນື້ອໃນ ໄດ້ປະເພດໜ່ວຍພັກ ເຂັ້ມແຂງ-ຮູ້ນຳພາຮອບດ້ານ, ຈາກນັ້ນຄະນະພັກຊຸດເກົ່າກໍ່ໄດ້ຂື້ນກ່າວລາໜ້າທີ່ ແລະ ຮັບຟັງການຜ່ານມາດຖານເງື່ອນໄຂຕໍ່ຜູ້ທີ່ຈະສະໝັກເປັນຄະນະພັກຊຸດໃໝ່ ໂດຍມີຜູ້ສະມັກ 5 ສະຫາຍ ເລືອກເອົາ 3 ສະຫາຍ, ຜູ້ແທນໃຊ້ສິດປະຊາທິປະໄຕປ່ອນບັດເລືອກຕັ້ງໃຫ້ ສະຫາຍ ສົມໄວ ຈັນທະຜາລີ ເປັນເລຂາໜ່ວຍພັກອີກສະໄໝໜຶ່ງ, ສະຫາຍ ສາຄອນ ຈັນທະລາດ ເປັນຮອງເລຂາ ທັງເປັນປະທານກວດກາໜ່ວຍພັກ ແລະ ສະຫາຍ ຫຸມແພງ ສີທະປັນຍາ ເປັນຄະນະ ເປັນຮອງປະທານກວດກາໜ່ວຍພັກ.
 ໃນໂອກາດນີ້ ຄະນະພັກຊຸດໃໝ່ກໍ່ໄດ້ຂື້ນກ່າວຮັບໜ້າທີ່ ແລະ ໄດ້ຜ່ານຂໍ້ແຂ່ງຂັນຮັກຊາດ ແລະ ພັດທະນາ ພ້ອມທັງຈັບມືແຂ່ງຂັນກັບໜ່ວຍພັກອື່ນ ຕາດມາດຖາດເງື່ອນໄຂລວມສູນ ປະຊາທິປະໄຕ, ຈາກນັ້ນໃນກອງປະຊຸມຍັງໄດ້ເປັນປະຊາມະຕິຮັບຮອງເອົາຜູ່ແທນສົມບູນ-ສຳຮອງໄປຮ່ວມກອງປະຊຸມໃຫຍ່ອົງຄະນະພັກເມືອງຫົງສາຕື່ມອີກ.



 ໃນຕອນທ້າຍຂອງກອງປະຊຸມກໍ່ໄດ້ຮັບຟັງການໂອ້ລົມ ແລະ ມີຄຳເຫັນຕໍ່ກອງປະຊຸມ ຈາກ ສະຫາຍ ສົມສີພົມມະຈັນ ຮອງເລຂາພັກເມືອງ ປະທານກວດກາພັກ-ລັດເມືອງຫົງສາຕື່ມອີກ.

ຂ່າວ: ສົມປອງ ປະເສີດກຸນ

No comments

Powered by Blogger.