Header Ads

ປກສ ນະຄອນຫຼວງວຽງຈັນ ສັບຊ້ອນນາຍຕຳຫຼວດທີ່ຮຽນຈົບ-ໂຍກຍ້າຍມາ ເຂົ້າໃນກໍາລັງ

ປກສ ນະຄອນຫຼວງວຽງຈັນ ສັບຊ້ອນນາຍຕຳຫຼວດທີ່ຮຽນຈົບ-ໂຍກຍ້າຍມາ ເຂົ້າໃນກໍາລັງ


ໃນຕອນເຊົ້າຂອງວັນທີ 19 ເມສາ 2019 ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດພິທີປະກາດສັບຊ້ອນນາຍຕຳຫຼວດທີ່ສຳເລັດການສຶກສາວິຊາສະເພາະລະດັບປະລິນຍາຕີ ແລະ ໂຍກຍ້າຍມາຈາກກົມກອງອ້ອມຂ້າງ ແລະ ປກສ ແຂວງ ລວມທັງໝົດ 24 ສະຫາຍ, ຍິງ 8 ສະຫາຍ ໂດຍການເປັນປະທານຂອງ ພັທ ສຸກພະຈັນ ບຸດດາຄຳ ຫົວໜ້າຫ້ອງການເມືອງ ປກສ ນວ, ມີຫົວໜ້າ-ຮອງພະແນກ ແລະ ປກສ ເມືອງ 9 ເມືອງເຂົ້າຮ່ວມ.


ປກສ ນະຄອນຫຼວງວຽງຈັນ ສັບຊ້ອນນາຍຕຳຫຼວດທີ່ຮຽນຈົບ-ໂຍກຍ້າຍມາ ເຂົ້າໃນກໍາລັງ


ໃນພິທີ ພັທ ຄຳຈັນ ສີວົງສາ ຫົວໜ້າພະແນກຈັດຕັ້ງ-ພະນັກງານ ຫ້ອງການເມືອງ ປກສ ນວ ໄດ້ຂຶ້ນຜ່ານຂໍ້ຕົກລົງເລກທີ 153/ປກສ.ນວ, ລົງວັນທີ 12 ເມສາ 2019 ວ່າດ້ວຍການສັບຊ້ອນ ນາຍຕຳຫຼວດທີ່ສຳເລັດການສຶກສາຈາກວິທະຍາຄານສັນຕິບານປະຊາຊົນ ແລະ ວິທະຍາຄານຕຳຫຼວດປະຊາຊົນ ແລະ ຂໍ້ຕົກລົງໂຍກຍ້າຍ ແລະ ໜັງສືນຳສົ່ງ; ໃນນີ້ໄດ້ສັບຊ້ອນໃຫ້ຫ້ອງການເມືອງ 2 ສະຫາຍ, ຫ້ອງການກອງບັນຊາການ 2 ສະຫາຍ, ຫ້ອງສັນຕິບານ 2 ສະຫາຍ, ຫ້ອງ 504 ມີ 3 ສະຫາຍ, ປກສ ເມືອງໄຊທານີ 5 ສະຫາຍ, ປກສ ເມືອງສີໂຄດຕະບອງ 2 ສະຫາຍ, ປກສ ເມືອງນາຊາຍທອງ 2 ສະຫາຍ, ປກສ ເມືອງສັງທອງ , ປກສ ເມືອງຈັນທະບູລີ , ປກສ ເມືອງສີສັດຕະນາກ , ປກສ ເມືອງຫາດຊາຍຟອງ , ປກສ ເມືອງປາກງື່ມ , ປກສ ເມືອງໄຊເສດຖາເມືອງລະ 1 ສະຫາຍ.




ໃນຕອນທ້າຍພິທີ, ພັທ ສຸກພະຈັນ ຫົວໜ້າຫ້ອງການເມືອງ ປກສ ນວ ໄດ້ໃຫ້ທິດຊີ້ນຳຕໍ່ນາຍຕຳຫຼວດທີ່ຖຶກສັບຊ້ອນ ແລະ ທີ່ໂຍກຍ້າຍເຂົ້າມາໃໝ່ ຕ້ອງກຳໃຫ້ໄດ້ບັນດາສະພາບການທີ່ເກີດຂຶ້ນຢູ່ພາຍໃນ ນະຄອນຫຼວງວຽງຈັນ ກໍ່ຄືຄວາມບໍ່ສະຫງົບ, ຍົກສູງຄວາມຮັບຜິດຊອບ, ຈົ່ງປະຕິບັດໜ້າທີ່ຢ່າງໂປ່ງໃສ່, ມີສະຕິຕໍ່ການຈັດຕັ້ງ, ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ເປັນທີ່ເພີ່ງແກ່ປະຊາຊົນ ແລະ ຈົ່ງພ້ອມກັນຮັກສາຄວາມສາມັກຄີພາຍໃນໃຫ້ແໜ້ນແຟ້ນ.

ໂດຍ: ປກສ ນະຄອນຫຼວງວຽງຈັນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


No comments

Powered by Blogger.