Header Ads

ການສູບຢາເຮັດໃຫ້ສະມັດຕະພາບທາງເພດຫຼຸດລົງ ແມ່ນຄວາມຈິງຫຼືບໍ່?



ຈາກຜົນຂອງການວິໄຈໃນຜູ້ທີ່ເສື່ອມສະມັດຕະພາບທາງເພດນັ້ນພົບວ່າ ລັກສະນະທີ່ຄືກັນຂໍ້ໜຶ່ງຄື ສ່ວນໃຫຍ່ເປັນຜູ້ສູບຢາ ໂດຍສະເພາະຜູ້ທີ່ສູບໜັກໆ. ການວິໄຈພົບວ່າສາເຫດທີ່ສະມັດຕະພາບທາງເພດເສື່ອມ ແມ່ນເກີດມາຈາກເສັ້ນເລືອດແລະເສັ້ນປະສາດທີ່ຄວບຄຸມການແຂງໂຕຂອງອະໄວຍະວະເພດຊາຍເສື່ອມ.


ໃນຜູ້ທີ່ສູບຢາຍັງພົບວ່າໂຕອະສຸຈິມີການເຄື່ອນເໜັງຜິດປົກກະຕິຫຼາຍກວ່າໃນຜູ້ທີ່ບໍ່ສູບຢາ, ລວມທັງຈຳນວນອະສຸຈິກໍຫຼຸດລົງນຳອີກດ້ວຍ. ໃນຂະນະດຽວກັນ ການເຈັບປ່ວຍຂອງຜູ້ທີ່ສູບຢາກໍ່ເຮັດໃຫ້ເສື່ອມສະມັດຕະພາບທາງເພດເລື້ອຍໆ ເພາະພະຍາດທີ່ເກີດຂຶ້ນລ້ວນແຕ່ເປັນພະຍາດຊຳເຮື້ອທັງນັ້ນ, ຊຶ່ງເຮັດໃຫ້ເມື່ອຍຫອບ, ປິ່ນປົວບໍ່ຫາຍຂາດ ເຊັ່ນ: ພະຍາດຖົງລົມປອດໄຄ່ໂພງ, ພະຍາດຫົວໃຈຂາດເລືອດ, ມະເຮັງຂອງອະໄວຍະວະຕ່າງໆ ຄົນເຈັບສ່ວນໃຫຍ່ຈະມີຄວາມກັງວົນກັບພະຍາດທີ່ຕົນເປັນ ແລະ ມີຄົນເຈັບຫຼາຍໆກໍລະນີທີ່ເກີດອາການ ຫອບໃນຂະນະທີ່ມີເພດສຳພັນ ເຮັດໃຫ້ເກີດຄວາມຢ້ານກົວ ແລະ ບໍ່ກ້າທີ່ຈະມີເພດສຳພັນອີກ.

ໃນປະຈຸບັນນີ້ມີຫຼາຍປະເທດທີ່ພິມຄຳເຕືອນວ່າ “ຢາສູບເຮັດໃຫ້ສະມັດຕະພາບທາງເພດເສື່ອມ” ເທິງຊອງຢາສູບ

ເພີ່ມເຕີມ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com




No comments

Powered by Blogger.