Header Ads

ກອງປະຊຸມຄົບຄະນະບໍລິຫານງານຊາວໝຸ່ມເມືອງແກ້ວອຸດົມຄັ້ງທີ 04 ສະໃໝທີ VII




ແຂວງວຽງຈັນ: ໃນວັນທີ 08 ພຶດສະພາ 2019 ຜ່ານມານີ້ເມືອງແກ້ວອຸດົມໄດ້ໄຂກອງປະຊຸມຄົບຄະນະບໍລິຫານງານຊາວໝຸ່ມຄັ້ງທີ04 ສະໃໝທີ VII ຂື້ນຢູ່ທີ່ສະໂມສອນຂອງເມືອງແກ້ວອຸດົມ. ໂດຍການເປັນປະທານຂອງທ່ານນາງ ພູທອງ ພົມແສນອຸດົມ ເລຂາຊາວໝຸ່ມເມືອງແກ້ວອຸດົມ. ເປັນກຽດເຂົ້າຮ່ວມຂອງທ່ານນາງ ບົວໄລ ອຸດົມ ຄະນະປະຈຳພັກເມືອງປະທານແນວລາວສ້າງຊາດເມືອງທັງເປັນຜູ້ຊີ້ນຳອົງການຈັດຕັ້ງມະຫາຊົນເມືອງແກ້ວອຸດົມ,ມີບັນດາຄະນະບໍລິຫານງານຊາວໝຸ່ມ,ມີເລຂາໝ່ວຍຊາວໝຸ່ມຮາກຖານອ້ອມຂ້າງເມືອງພ້ອມດ້ວຍສະມາຊິກຊາວໝຸ່ມພາຍໃນເມືອງແກ້ວອຸດົມເຂົ້າຮ່ວມ.



ໃນກອງປະຊຸມທ່ານນາງ ພູທອງ ພົມແສນອຸດົມ ເລຂາຊາວໝຸ່ມເມືອງແກ້ວອຸດົມໄດ້ຂື້ນຜ່ານບົດລາຍງານການເມືອງໃນໄລຍະຜ່ານມາ ແລະ ວາງທິດທາງແຜນການໃນຕໍ່ໝ້າໂດຍທ່ານໄດ້ໃຫ້ຮູ້ວ່າໃນໄລຍະຜ່ານມາຄະນະບໍລິຫານງານຊາວໝຸ່ມເມືອງແກ້ວອຸດົມແຕ່ລະຂັ້ນໄດ້ຖືເອົາວຽກງານສຶກສາອົບຮົມການເມືອງ - ແນວຄິດເປັນໝ້າທີ່ຕົ້ນຕໍແນໃສ່ສ້າງຄົນລຸ້ນໝຸ່ມໃຫ້ມີຄວາມໝັກແໝ້ນທາງດ້ານການເມືອງແນວຄິດ, ມີແນວຄິດຮັກຊາດ ,ຮັກບ້ານເກີດເມືອງນອນ, ມີສະຕິເປັນເຈົ້າຕົນເອງກາຍເປັນຜູ້ສືບທອດພາລະກິດທີ່ດີຂອງພັກມີສະຕິລະວັງຕົວຕໍ່ກົນອຸບາຍ ,ຫັນປ່ຽນໂດຍສັນຕິຂອງສັດຕູ ແລະ ກຸ່ມຄົນບໍ່ຫວັງດີທີ່ຫວັງມ້າງເພທຳລາຍປະເທດຊາດກໍ່ຄືຊາວໝຸ່ມ - ໄວໝຸ່ມ, ເຍົາວະຊົນໂດຍຜ່ານຫຼາຍວິທີຫຼາຍຮູບຫຼາຍສີເຊັ່ນຈັດຕັ້ງຮໍ່າຮຽນມະຕິຄຳສັ່ງຂອງພັກ, ກົດໝາຍຂອງລັດ,ກົດລະບຽບຂອງຊາວໝູ່ມາ, ປະຖາກະຖາເລົ່າມູນເຊື້ອວັນສ້າງຕັ້ງຊາວໝຸ່ມ , ວັນຄ້າຍວັນເກີດປະທານໄກສອນພົມວິຫານ,ວັນສ້າງຕັ້ງເຍົາວະຊົນທັນວາແລະວັນສະຄັນຂອງຊາດ,ຂອງພັກ,ຂອງກອງທັບ,ຂອງຊາວໝຸ່ມໄດ້ 07 ຄັ້ງ,ມີຜູ້ເຂົ້າຮ່ວມທັງໜົດ 500 ກ່ວາຄົນ,ຍີງ 200 ກ່ວາຄົນ,



ຈັດຕັ້ງການໂຄສະນາເຜີຍແຜ່ບັນດາເນື້ອໃນຄຳສອນ,ຂໍ້ແຂ່ງຂັນ 04 ບຸກຂອງຊາວໝຸ່ມ - ເຍົາວະຊົນລວມ 11 ຄັ້ງ,ມີຜູ້ເຂົ້າຮ່ວມ 982 ເທື່ອຄົນ,ຍີງ 464 ເທືອຄົນ,ລົງໂຄສະນາເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນຊາວໝຸ່ມແຂວງວຽງຈັນລວມ 06 ຄັ້ງ,ມີຜູ້ເຂົ້າຮ່ວມທັງໝົດ 700 ກ່ວາຄົນ,ຍີງ 200 ກ່ວາຄົນ. ທົ່ວເມືອງມີຊາວໝຸ່ມ-ໄວໝຸ່ມທັງໝົດ1.986 ຄົນ,ຍີງ 939 ຄົນ,ມີສຳມາຊິກຊາວໝຸ່ມປະຊາຊົນປະຕິວັດລາວ 1047 ຄົນ,ຍີງ 430 ຄົນ. ຜ່ານມາໄດ້ລົງຊຸກຍູ້ວຽກງານປັບປຸງການຈັດຕັ້ງເຍົາວະຊົນ-ອານຸຊົນຢູ່ໂຮງຮຽນມີ 26 ໂຮງຮຽນທົ່ວເມືອງທີ່ມີອົງການຈັດຕັ້ງເຍົາວະຊົນ-ອານຸຊົນສຳເລັດແລະປະເມີນກອງເຍົາວະຊົນນຳໝ້າ 03 ດີ 04 ຮູ້ຢູ່ 26 ໂຮງຮຽນຈົນໄດ້ປະກາດຮັບຮອງເປັນກອງນຳໝ້າຮອບທີໝື່ງໄດ້ 19 ກອງນຳໜ້າ.



ນອກນັ້ນຄະນະຊາວໝຸ່ມສຳມາຊິກຊາວໝຸ່ມ - ໄວໝຸ່ມບັນດາເຜົ່າໃນທົ່ວເມືອງມີຄວາມຕັ້ງໝ້າປະກອບສ່ວນເຂົ້າໃນການຊຸກຍູ້ ແລະ ສົ່ງເສີມການຜະລິດແກ້ໄຂຊີວິດການເປັນຢູ່ເທື່ອລະກ້າວ,ຊາວໝຸ່ມໄດ້ເອົາໃຈໃສ່ບຸກໝ້າບືນຕົວໃນການສ້າງສາເສດຖະກິດຄອບຄົວຂອງຕົນເອງ,ເພິ່ງຕົນເອງ ,ກຸ້ມຕົນເອງ ,ສ້າງຄວາມເຂັ້ມແຂງດ້ວຍຕົນເອງໂດຍຕິດພັນກັບແນວທາງຂອງພັກຊື່ງສະແດງອອກໃນວຽກງານດ້ານຕ່າງໆເປັນຕົ້ນ:ທາງດ້ານຫັດຖະກຳຕໍ່າຫູກ,ປູກຝັງ - ລ້ຽງສັດ,ຈັກສານ,ຄ້າຂາຍ ແລະ ອື່ນໆ.



ໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກທ່ານນາງບົວໄລອຸດົມປະທານແນວລາວສ້າງຊາດຜູ້ຊີ້ນຳອົງການຈັດຕັ້ງມະຫາຊົນເມືອງແກ້ວອຸດົມອີກດ້ວຍ.

ຂ່າວ: ສຸກັນ ມ. ແກ້ວອຸດົມ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


No comments

Powered by Blogger.