Header Ads

ສກຂ ອັດຕະປື ຕີລາຄາວຽກງານກຳມະບານ ໄລຍະ 5 ປີ, ພ້ອມເລືອກຕັ້ງຄະນະບໍລິຫານງານຊຸດໃໝ່



ອັດຕະປື: ພະແນກສຶກສາທິການ ແລະ ກິລາແຂວງ ອັດຕະປື ( ສກຂ ອັດຕະປື) ໄດ້ຈັດກອງປະຊຸມໃຫຍ່ ຄັ້ງທີ I ຂອງສະພັນກຳມະ ບານ ເພື່ອຕີລາຄາຄືນຜົນງານການຈັດຕັ້ງວຽກງານທີ່ພົ້ນເດັ່ນແລະ ຂໍ້ຄົງຄ້າງ ແລະ ຍ້ອງຍໍກົມກອງ ແລະ ບຸກຄົນຜູ້ທີ່ມີຜົນງານດີເດັ່ນ ປະກອບສ່ວນເຂົ້າໃນ ວຽກງານກຳມະບານຕະຫລອດໄລຍະ 5 ຜ່ານມາ ( 2014-2019) ພ້ອມນີ້ ກໍ່ໄດ້ເລືອກຕັ້ງຄະນະບໍລິຫານງານ ສະຫະ ພັນກຳມະບານ ຊຸດໃໝ່



ກອງປະຊຸມດັ່ງກ່າວ ໄດ້ຈັດຂື້ນໃນຕອນບ່າຍຂອງວັນທີ 21 ພຶດສະພາ 2019 ນີ້ ທີ່ພະແນກສືກສາທິການ ແລະ ກິລາ ແຂວງ ໂດຍພາຍໃຕ້ການເປັນປະທານ ຂອງທ່ານ ຄຳພູນ ແກ້ວມາລາ ເລຂາຄະນະພັກຮາກຖານ ພະແນກສຶກສາທິການ ແລະ ກິລາແຂວງ, ຫົວໜ້າພະແນກສຶກສາທິການ ແລະ ກິລາ ແຂວງ ແລະ ການເປັນກຽດເຂົ້າຮ່ວມຂອງທ່ານ ພົງໄຊ ຈະເລີນສຸກ ຮອງປະທານ ສະຫະພັນກຳມະບານແຂວງ, ທ່ານ ພູທອນ ໄຊຍະແສງ ປະທານສະຫະພັນກໍາມະບານ ພະແນກ ສຶກສາທິການ ແລະ ກິລາແຂວງ, ຫົວໜ້າຂະແໜງບໍລິຫານ ພະແນກສຶກສາແຂວງ ມີຮອງປະທານ ສະຫະພັນກຳມະບານ ພະແນກສຶກສາ ພ້ອມດ້ວຍຄະນະ, ສະມາຊິກ ແລະ ແຂກທີ່ຖືກເຊີນເຂົ້າຮ່ວມ.







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


No comments

Powered by Blogger.