8 ຂໍ້ເສຍຂອງການນອນບໍ່ພໍທີ່ເຮົາຄວນຮູ້ໄວ້



ການນອນກໍ່ຄືການ ສາກແບັດ ນັ້ນເອງ! ຖ້າເຮົານອນບໍ່ພຽງພໍ ກໍ່ຈະເຮັດໃຫ້ອິດເມື່ອຍອ່ອນເພຍ ແລະ ບໍ່ສົດຊື່ນ ບໍ່ຫ້າວຫັນ. ຍິ່ງເຮົາອຶດຫຼັບອຶດນອນ ປະຈໍາອາດມີຜົນກະທົບດັ່ງນີ້:

1. ອາດເຮັດໃຫ້ເກີດອຸບັດຕິເຫດໄດ້.
2. ປະສິດທິພາບການເຮັດວຽກຂອງສະຫມອງຫຼຸດລົງບໍ່ຄ່ອຍມີສະມາທິ ຂະບວນການແກ້ປັນຫາຫຼຸດລົງ ເຊິ່ງສິ່ງເຫລົ່ານີ້ສົ່ງຜົນໃຫ້ປະສິດທິພາບໃນການຮຽນຮູ້ ແລະ ຄວາມຈໍາຫຼຸດໜ້ອຍລົງໄປພ້ອມ.
3. ຫາກມີພາວະການນອນຜິດປົກະຕິ ແລະ ການມີຄວາມຄຽດຊຳເຮື້ອ ອາດນໍາໄປສູ່ຄວາມສ່ຽງໃນການເກີດໂລກຕ່າງໆເຊັ່ນ: ໂລກຫົວໃຈ, ໂລກຫົວໃຈວາຍກະທັນຫັນ, ໂລກຫົວໃຈລົ້ມເຫລວ, ໂລກຫົວໃຈເຕັ້ນຜິດຈັງຫວະ ຄວາມດັນເລືອດສູງ, ໂລກລອດເລືອດສະຫມອງ, ໂລກເບົາຫວານ ເປັນຕົ້ນ.
4. ອາດເຮັດໃຫ້ຄວາມຕ້ອງການທາງເພດຫຼຸດລົງໄປພ້ອມ.
5. ສາມາດສົ່ງເສີມໃຫ້ເກີດການຊຶມເສົ້າເພີ່ມຂື້ນໃນຄົນທີ່ນອນບໍ່ພໍ ຫລື ມີຄວາມຜິດປົກະຕິໃນເລື້ອງການນອນຫລັບ. 
6. ຜີວພັນບໍ່ສົດໃສ ມີຮີ້ວຮອຍບາງໆ ແລະ ຮອຍຄໍ້າຮອບດວງຕາໄດ້.
7. ນໍ້າຫນັກໂຕເພີ້ມຂື້ນ.
8. ການນອນບໍ່ພໍມີຜົນຕໍ່ຄວາມສາມາດໃນການຕີຄວາມສະຖານະການຕ່າງໆ ລວມໄປເຖິງຄວາມສາມາດໃນການຕັດສິນໃຈໄດ້.
* ເທັກນິກການນອນຫລັບຢ່າງມີປະສິດທິພາບ:
- ກໍານົດຕາຕະລາງເຂົ້ານອນ ແລະ ຕື່ນນອນເວລາດຽວກັນທຸກໆມື້ຕິດຕໍ່ກັນ 28 ມື້ ຮ່າງກາຍຈະສ້າງລະບົບໂມງຊີວິດຂອງໂຕເຮົາເອງຂື້ນມາໃຫມ່ ຈະຕື່ນໄດ້ເອງຢ່າງສົດຊື່ນ.
- ຈັດຫ້ອງນອນໃຫ້ໂລ່ງ ອາດກາດລະບາຍໄດ້ດີ ຮ່າງກາຍທີ່ໄດ້ຮັບອ໊ອກຊີເຈັນບໍ່ພຽງພໍ ຈະເຮັດໃຫ້ສະຫມອງເຊື່ອງຊຶມ ແລະ ງ້ວງນອນຕະຫລອດເວລາ.
- ອອກກໍາລັງກາຍ ນັ່ງສະມາທິ ສ້າງອ໊ອກຊີເຈັນໃນເລືອດໃຫ້ຫລາຍຂື້ນ ແລະ ຍັງເຮັດໃຫ້ຮ່າງກາຍແອັກທີບອີກດ້ວຍ.
- ງົດອາຫານ junk food, ນໍ້າອັດລົມ, ແປ້ງຂັດຂາວ, ເບເກີລີ ເຊິ່ງເຮັດໃຫ້ນໍ້າຕານໃນເລືອດບໍ່ປົກະຕິ ຮ່າງກາຍຄຸມບໍ່ໄດ້ ເຮັດໃຫ້ງ້ວງນອນ ເມື່ອຍ ຕອນທີ່ລະດັບນໍ້າຕານຕົກ.
- ກ່ອນເຂົ້ານອນ 4 ຊົ່ວໂມງຄວນງົດອາຫານຫນັກໆ.

Post a Comment

0 Comments