Header Ads

9 ວິທີ! ຈັດໂຕະເຮັດວຽກຢູ່ເຮືອນແນວໃດ? ໃຫ້ເກີດໄອເດຍ


1. ໃຫ້ຝາຫ້ອງມີສ່ວນຮ່ວມໃນການເຮັດວຽກ:
ບໍ່ວ່າຈະເປັນຕາຕະລາງການນັດຫມາຍ ເຈ້ຍບັນທຶກ ເອກະສານທີ່ໃຊ້ເປັນປະຈໍາ ຫລື ແມ້ແຕ່ກະດານຂາວນ້ອຍໆ ຫາມຸມງາມໆ ແລ້ວຈັດການເອົາໄວ້ວ່າຢາກຈະຈັດອັນໃດແດ່, ເອົາໄວ້ບ່ອນໃດ ແລະ ລົງມືເຮັດເລີຍ. ມັນບໍ່ພຽງແຕ່ຈະຊ່ວຍຈັດລະບຽບໂຕະເຮັດວຽກໄດ້ເທົ່ານັ້ນ, ຍັງເຮັດໃຫ້ໂຕະທີ່ຮົກເຮື້ອຂອງເຮົາ ເບິ່ງສະອາດຂື້ນ ແລະ ເພີ້ມພື້ນທີ່ໃຊ້ສອຍໄດ້ອີກດ້ວຍ

2. ລອງເອົາຕົ້ນໄມ້ມາວາງໄວ້ໃກ້ໆ:
ການເອົາຕົ້ນໄມ້ມາວາງໄວ້ໃກ້ໆໂຕະເຮັດວຽກຂອງເຮົານັ້ນ ມີປະໂຫຍດຫລາຍໆເພາະນອກຈາກຈະຊ່ວຍປັບບັນຍາກາດໃນການເຮັດວຽກໃຫ້ສົດຊື່ນຂື້ນແລ້ວ ຍັງຊ່ວຍລຸດຜ່ອນຄວາມຄຽດ ແລະ ເພີ່ມປະສິດທິພາບໃນການເຮັດວຽກໄດ້ອີກດ້ວຍ. ຖ້າໃຜບໍ່ຄ່ອຍມີເວລາເບິ່ງແຍງຕົ້ນໄມ້ ແນະນໍາໃຫ້ລອງຫາຕົ້ນໄມ້ທີ່ປູກງ່າຍ ແລະ ບໍ່ຕ້ອງຫົດນໍ້າທຸກມື້ມາ ວາງໄວ້ເທິງໂຕະເຮັດວຽກຂອງເຮົາ.

3. ຊັ້ນວາງເຄື່ອງຮູບຊົງແປກໆ ຫລື ສີສັນສົດໃສ:
ເພີ່ມຄວາມຫນ້າສົນໃຈໃຫ້ໂຕະເຮັດວຽກ ດ້ວຍການປ່ຽນຊັ້ນວາງເຄື່ອງແບບເກົ່າແບບເດີມ ໃຫ້ເບິ່ງແປກຕາ ຫລື ສີສັນສົດໃສມາວາງແດ່ກໍ່ດີ, ເພາະວ່າຈະເຮັດໃຫ້ໂຕະເຮັດວຽກຂອງເຮົາບໍ່ເບິ່ງຄືວ່າຊໍ້າຊາກອັນເກົ່າຈົນເກີນໄປ. ການປັບປ່ຽນຈັດວາງ ໃກ້ງາມຂຶ້ນ ກໍ່ຈະເຮັດໃຫ້ບັນຍາກາດບ່ອນເຮັດວຽກ ຄັກກວ່າເກົ່າ.

4. ສີສັນໃຫ້ລົງຕົວ:
ການເລືອກສີສັນໃຫ້ເຂົ້າກັນ ນອກຈາກຈະຊ່ວຍໃຫ້ພື້ນທີ່ເຮັດວຽກຂອງເຮົາເບິ່ງສວຍງາມແລ້ວ ຍັງຊ່ວຍໃນການເລືອກເຟີນີເຈີໄດ້ງ່າຍຂື້ນ. ເຮົາອາດຈະເຄີຍສັງເກດເຫັນວ່າສິ່ງຂອງຫລາຍສິ່ງ ຫລາຍໆສີພໍເອົາມາລວມໆກັນເທິງໂຕະເຮັດວຽກແລ້ວ ເຮັດໃຫ້ໂຕະເຮົາເບິ່ງຮົກ ລອງເລືອກສີໃຫ້ໄປໃນທິດທາງດຽວກັນເບິ່ງ ແລ້ວຈະຮູ້ສຶກວ່າໂຕະຂອງເຮົານັ້ນ ສະອາດ ແລະ ເປັນຕານັ່ງກວ່າເກົ່າ. ແບບວ່າມັນບໍ່ຫຼາຍສີເກີນໄປ. 

5. ແສງສະຫວ່າງນັ້ນກໍ່ສໍາຄັນເຊັ່ນກັນ:
ຢ່າເດັດຂາດເລີຍ ຢ່າເຮັດວຽກໃນບ່ອນແສງສະຫວ່າງບໍ່ພຽງພໍ ເພາະຈະເຮັດໃຫ້ມີສິ່ງທີ່ບໍ່ພຶງປະສົງຕາມມາອີກພຽບ ທັງສາຍຕາຈະເສຍ ເຈັບຫົວ ປວດຕາ ແລະ ອື່ນໆ ອີກຫລາຍຢ່າງ ລອງຫາມຸມເຮັດວຽກທີ່ແສງສ່ອງມາເຖິງ ນອກຈາກຈະຊ່ວຍໃຫ້ເຮົາເຮັດວຽກໄດ້ເຕັມທີ່ແລ້ວ ຍັງຊ່ວຍປະຢັດໄຟໄດ້ອີກດ້ວຍ ຫລື ຖ້າໃຜທີ່ມີມຸມທີ່ເຫມາະ ກໍ່ໃຫ້ຫາບ່ອນທີ່ມີແສງສະຫວ່າງພຽງພໍໃນການເຮັດວຽກກໍ່ໃຊ້ໄດ້ແລ້ວ

6. ໃຊ້ພື້ນທີ່ໃຫ້ເກີດປະໂຫຍດ:
ນອກຈາກຈະໄດ້ເຮັດວຽກໃນມຸມສ່ວນໂຕແລ້ວ ຍັງໃຊ້ສອຍພື້ນທີ່ຂອງເຮືອນໄດ້ເກີດປະໂຫຍດອີກດ້ວຍ ລອງຈັດຫ້ອງກ້ອງຂັ້ນໃດຂອງເຮົາໃຫມ່ ເຮົາອາດຈະໄດ້ມຸມໃຫມ່ໝເພີ່ມຂື້ນ

7. ຈັດຫມວດຫມູ່:
ລອງຈັດຫມວດຫມູ່ອຸປະກອນເທິງໂຕະເຮັດວຽກຂອງເຮົາ ໂດຍການຫາກ່່ອງໃສ່ເຄື່ອງທີ່ມີປ່ອງນ້ອຍໆ ເອົາໄວ້ແບ່ງຍ່ອຍ ມາໃສ່ໃນລີ້ນຊັກລອງເບິ່ງ ຊ່ວຍຈັດລະບຽບໂຕະເຮັດວຽກຂອງເຮົາໄດ້ດີຫລາຍໆ.

8. ເລືອກໃຊ້ໂຕະຟັງຊັນ:
ເຮືອນໃດມີພື້ນທີ່ບໍ່ພຽງພໍໃຫ້ວາງໂຕະເຮັດວຽກແລ້ວ ລອງຫາໂຕະຟັງຊັນມາໃຊ້ກໍ່ໄດ້ .ນອກຈາກຈະໃຊ້ວຽກໄດ້ຫລາກຫລາຍແລ້ວ ຍັງສະດວກ ແລະ ປະຢັດເນື້ອທີ່ຈັດເກັບເຄື່ອງຂອງໄດ້ຫລາຍເລີຍ ໂຕະຟັງຊັນກໍ່ມີຫລາຍຂະຫນາດ ແລະ ຫລາຍຟັງຊັນການໃຊ້ວຽກ ລອງເລືອກໃຫ້ເຫມາະກັບແນວທາງການເຮັດວຽກຂອງເຮົາໄດ້

9. ຢ່າເຮັດວຽກເທິງບ່ອນນອນ:
ການເຮັດວຽກເທິງບ່ອນນອນ ນອກຈາກຈະເຮັດໃຫ້ເຮົາເຮັດວຽກບໍ່ຖະຫນັດແລ້ວ ອາດຈະເຮັດໃຫ້ເຮົາປວດຫລັງໄດ້ອີກດ້ວຍ ລອງຫາໂຕະເຮັດວຽກຫນ່ວຍນ້ອຍໆມາວາງໄວ້ໄກ້ໆບ່ອນນອນດີກວ່າ ຖ້າເຮັດວຽກແລ້ວເກີດອາການງ້ວງນອນກໍ່ຄ່ອຍໆຂື້ນໄປເທິງບ່ອນໄດ້ງ່າຍໆ

No comments

Powered by Blogger.