9 ເຄັດລັບການຕົງຕໍ່ເວລາສໍາລັບຄົົນທີ່ມັກຊ້າເປັນປະຈໍາ



ຄົນຫ້າວຫັນ ມາວຽກກ່ອນເວລາ ກັບຊ້າ ຫົວໜ້າຮັກແນ່ນອນ. ຖ້າໃຜເປັນຄົນເຊື່ອງຊ້າ ຂີ້ຄ້ານ ຕ້ອງແກ້ໄຂປັບປຸງ ແລະ ນໍາເອົາ ເຕັກນິກນີ້ໄປໄຊ້. ຖ້າບໍ່ໄດ້ຜົນ ຊິລ້ຽງເຝີ.

1. ໃຫ້ຄວາມສໍາຄັນກັບການຕົງຕໍ່ເວລາ:
ມາລາ ໂຈ ຟິເຊີ ນັກລາຍງານຂ່າວຍິງ ແຄລິໂຟເນຍ ກ່າວວ່າ ເຮົາກໍ່ພຽງແຕ່ຕັດສິນໃຈປະຕິບັດນັ້ນແຫລະ ລາວເຄີຍເປັນຄົນຫນຶ່ງທີ່ບໍ່ຕົງຕໍ່ເວລາ ແລະ ເກືອບຈະຕົກຍົນໄປບໍ່ທັນງານແຕ່ງດອງຂອງນ້ອງຊາຍໂຕເອງ ຖ້າຍົນບໍ່ລ້າຊ້າໄປກ່ອນ.

2. ຫລອກໂຕເອງ:
ຣູອີ ຣັລເລີ ຄາເຕີ ນັກຂຽນນີວຢອກກ່າວວ່າ ເຫດຜົນທີ່ໂຕເອງໄປເຖິງທີ່ຫມາຍກ່ອນເວລາທີ່ກໍາຫນົດສະເຫມີ ກໍ່ເປັນເພາະວ່າລາວຂຽນເວລານັດຫມາຍລົງໃນປະຕິທິນກ່ອນກໍາຫນົດ 15 ນາທີ ສະເຫມີນັ້ນເອງ.

3. ເນັ້ນສະເຫມີວ່າທຸກສິ່ງທຸກຢ່າງລ້ວນໃຊ້ເວລາບໍ່ວ່າຈະການຕຽມໂຕ ຫລື ການເດີນທາງ:
ຄົນສ່ວນໃຫຍ່ມັກບໍ່ຄ່ອຍເນັ້ນວ່າສິ່ງຕ່າງໆຕ້ອງໃຊ້ເວລາ ທັງການອາບນໍ້າ ແຕ່ງໂຕ ແລະ ອີກຫລາຍຢ່າງ ລອງຕື່ນມາແລ້ວຈັບເວລາທີ່ເຮົາໃຊ້ໄປທັງຫມົດໃນການຕຽມໂຕເບິ່ງ ເຮົາຈະຕ້ອງຕະລຶງແນ່ນອນ.

4. ຈັດເຄື່ອງໃຫ້ເປັນທີ່ເປັນທາງ:
ເຮົາຄວນເກັບເຄື່ອງຂອງເຮົາໃຫ້ເປັນທີ່ເປັນທາງ ບໍ່ວ່າຈະເປັນໂທລະສັບມືຖື ກະແຈລົດກ່ອນອອກຈາກບ້ານ ເຮົາຈະໄດ້ບໍ່ຕ້ອງມາເສຍເວລາກັບການຍ່າງຕະເວນຊອກມັນອີກ ເພາະຫລາຍຄົນກໍ່ເປັນແບບນັ້ນແທ້.

5. ກຽມໂຕໃຫ້ພ້ອມສະເຫມີ:
ກ່ອນເຖິງວັນນັດຫມາຍ ຫລື ກິດຈະກໍາອັນໃດກໍ່ຕາມ ເຮົາຄວນຕຽມເຄື່ອງຂອງທຸກຢ່າງທີ່ຕ້ອງໃຊ້ເຊັ່ນ: ແຜນການ ກໍາຫນົດເວລາ ຫລື ລາຍງານຕ່າງໆໄວ້ໃຫ້ຮຽບຮ້ອຍ.

6. ຄວນເລີ້ມອອກເດີນທາງກ່ອນເວລາ ໂດຍເພື່ອເວລາທີ່ຈະເກີດສິ່ງພິດພາດໄວ້ພ້ອມ:
ປັນຫາລົດຕິດ ແລະ ການຫລົງທາງ ເປັນປັນຫາທີ່ຄົມມັກປະສົບພົບເຈິຢູ່ສະເຫມີດັ່ງ ເທີລີ ເກຣິສ ກ່າວວ່າ ຖ້າເຮົາມີລູກ ຫລື ຕ້ອງເດີນທາງກັບເດັກນ້ອຍ ຈື່ໄວ້ເລີຍວ່າຄວນອອກຈາກບ້ານເຜື່ອເວລາໃນການເກີດຂໍ້ຜິດພາດໄວ້ຈັກ 3 ເລື້ອງໄວ້ເລີຍ.

7. ຄວນເຮັດໃຫ້ການມາຊ້າເປັນເລື້ອງຫນ້າລະອາຍ:
ເອສເດນ ຄານາຮານ ເຄີຍກ່າວວ່າ ລາວມັກຈະເຮັດໃຫ້ມັນເປັນເລື້ອງຫນ້າໂມໂຫ ຫລື ຫງຸດຫງິດສະເຫມີ ເວລາທີ່ຄົນອື່ນມາຊ້າ ເພື່ອໃຫ້ໂຕລາວເອງບໍ່ກ້າທີ່ຈະຊ້າແບບນັ້ນ.

8. ຖາມໂຕເອງວ່າເປັນຫຍັງເຮົາຈຶ່ງມາຊ້າສະເຫມີ:
ນັກຈິດຕະຍິທະຍາກ່າວວ່າ ການມາຊ້າສະທ້ອນໃຫ້ເຫັນປັນຫາຫລາຍຢ່າງ ບໍ່ວ່າຈະເປັນສະມາທິສັ້ນ ການສະແຫວງຫາຄວາມຕື່ນເຕັ້ນ ແລະ ຊີວິດການເຮັດວຽກທີ່ບໍ່ມີຄວາມສຸກ ການເຂົ້າໃຈຕົ້ນຕໍສາເຫດຂອງການມາຊ້າອາດນໍາໄປສູ່ການປ່ຽນແປງໂຕເອງຫລາຍດ້ານເພື່ອຫຼຸດນິໃສດັ່ງກ່າວ ສໍາລັບ ເມລິຊາ ບິລເມນ ປັນຫາຫລັກເລີຍກໍ່ຄື ການກັງວົນກັບສິ່ງທີ່ຕ້ອງເຮັດ ລາວມັກຈະຢໍ້າຄິດຢໍ້າເຮັດເຖິງສິ່ງທີ່ຕ້ອງເຮັດກ່ອນອອກຈາກບ້ານ ເຊິ່ງມັນກໍ່ນໍາໄປສູ່ເຄັດລັບທີ່ລາວມັກຫລາຍທີ່ສຸດໃນຂໍ້ຕໍ່ໄປ.

9. ລໍາດັບຄວາມສໍາຄັນຂອງສິ່ງທີ່ຕ້ອງເຮັດ:
ແທນທີ່ຈະມົວມາເຮັດສິ່ງຕ່າງໆໃນນາທີສຸດທ້າຍ ກ່ອນອອກໄປກໍ່ໃສກໍ່ຕາມເຮົາຄວນວາງແຜນ ແລະ ຈັດລໍາດັບເຮັດສິ່ງຕ່າງໆລ່ວງຫນ້າ ພະຍາຍາມອອກເດີນທາງກ່ອນເວລາ ຫລື ຄ່ອຍມາເຮັດສິ່ງທີ່ບໍ່ຈໍາເປັນຕອນທີ່ເຮົາຮອດບ່ອນທີ່ຕ້ອງການແລ້ວເຊັ່ນ: ຕອບແຊັດ, ຕອບອີເມວ ຫລື ລົມໂທລະສັບ ເຊິ່ງສິ່ງທີ່ມີຜົນແທ້ຈິງ ບໍ່ແມ່ນພຽງແຕ່ຄໍາແນະນໍາຈາກການປຶກສາຄົນອື່ນໆເທົ່ານັ້ນ ແຕ່ກັບເປັນຄວາມລະອາຍໃຈຕໍ່ການມາຊ້າທີ່ເກີດຂື້ນໃນໃຈຂອງເຮົາເອງ ການຕົງຕໍ່ເວລາເປັນສິ່ງທີ່ສໍາຄັນຫລາຍໃນການຂັບເຄື່ອນສັງຄົມຢ່າງມີປະສິດທິພາບ ເຮນລີ ມິນເລີ ຫມູ່ຂອງລາວກ່າວນອກຈາກນີ້ ເຄນນິສ ໂຟລີ ຜູ້ເບິ່ງວ່າການມາຊ້າຄືເປັນການຜິດຄໍາສັນຍາ ກໍ່ກ່າວທໍານອງດຽວກັນວ່າ ລາວຢາກໃຫ້ທຸກຄົນຮູ້ຈັກລາວໃນຖານະຄົນໆຫນຶ່ງທີ່ເຊື່ອຖືໄດ້ເຊັ່ນກັນ.

Post a Comment

0 Comments