Header Ads

ສະຫະພັນແມ່ຍິງ ບ້ານ ດອນປ່າໄລ່ ສໍາເລັດການປ່ອນບັດເລືອກຕັ້ງເອົາຄະນະສະຫະພັນແມ່ຍິງບ້ານຂອງຕົນ




ສະຫວັນນະເຂດ: ໃນວັນທີ 22 ພຶດສະພາ 2019 ນີ້; ຢູ່ທີ່ບ້ານ ດອນປ່າໄລ່ ທີ່ຂຶ້ນກັບເມືອງ ອາດສະພັງທອງ ແຂວງ ສະຫວັນນະເຂດ ສະຫະພັນແມ່ຍິງບ້ານ ດອນປ້າໄລ່ ໄດ້ສໍາເລັດການປ່ອນບັດເລືອກຕັ້ງເອົາຄະນະ ສະຫະພັນແມ່ຍິງບ້ານຂອງຕົນ.ໂດຍພາຍໃຕ້ການເຂົ້າຮ່ວມເປັນປະທານຂອງສະຫາຍນາງ ສົມຫວາງ ໄຊຍະວົງສິນ ກໍາມະການພັກເມືອງ ປະທານສະຫະພັນແມ່ຍິງ ເມືອງ ອາດສະພັງທອງ, ເລຂາພັກບ້ານ, ນາຍບ້ານ ແລະ ຕະຫຼອດຮອດສະມາຊິກສະຫະພັນແມ່ຍິງບ້ານຜູ້ທີ່ມີສິດປ່ອນບັດເຂົ້າຮ່ວມຢ່າງພ້ອມພຽງ.




ໃນການປ່ອນບັດເລືອກຕັ້ງຄະນະສະຫະພັນແມ່ຍິງບ້ານດອນປ່າໄລ່ ໃນຄັ້ງນີ້; ກໍ່ໄດ້ຮັບຟັງການລາຍງານບົດສະຫຼຸບຕີລາຄາການເຄື່ອນໄຫວນໍາພາໃນໄລຍະຊຸມປີທີ່ຜ່ານມາເຫັນວ່າມີລາຍຜົນງານທີ່ໂດດເດັ່ນເປັນຕົ້ນກໍ່ແມ່ນວຽກງານສຶກສາອົບຮົມການເມືອງ - ນໍາພາແນວຄິດສະແດງອອກຄືໄດ້ເຂົ້າຮ່ວມການເຜີຍແຜ່ເອກະສານສໍາຄັນຂຂອງອົງການຈັດຕັ້ງຂັ້ນຕ່າງໆໄດ້ 5 ຄັ້ງ, ມີແມ່ຍິງເຂົ້າຮ່ວມ 186 ຄົນ, ເອື້ອຍນ້ອງແມ່ຍິງພາຍໃນບ້ານມີຫຼັກໝັ້ນການເມືອງເຊິ່ງສະແດງອອກໃນການປະຕິບັດແນວທາງນະໂຍບາຍຂອງພັກ - ລັດ ແລະ ການຈັດຕັ້ງບ້ານ, ການປະຕິບັດວຽກງານຕ່າງໆພາຍໃນບ້ານບັນດາເອື້ອຍນ້ອງແມ່ຍິງກໍ່ໄດ້ພ້ອມພຽງກັນ ແລະ ສາມະຄີປອງກອງເຊິ່ງກັນ ແລະ ກັນ ແລະ ເຮັດສໍາເລັດທຸກວຽກງານ.



ສໍາຫຼັບການປ່ອນບັດເລືອກຕັ້ງເອົາຄະນະສະຫະພັນແມ່ຍິງບ້ານ ດອນປ່າໄລ່ປະທານ ໃນຄັ້ງນີ້; ບັນດາສະມາຊິກສະຫະພັນແມ່ຍິງພາຍໃນບ້ານ ກໍ່ໄດ້ໃຊ້ສິດປະຊາທິປະໄຕຂອງຕົນປ່ອນບັດເລືອກຕັ້ງຢ່າງເຕັມສ່ວນ. ຜ່ານການປ່ອນເລືອກຕັ້ງຜົນປະກົດວ່າ ສະຫາຍນາງ ສະຫວັດໄຊ ໂພທິສານ ໄດ້ເປັນປະທານສະຫະພັນແມ່ຍິງບ້ານດອນປ່າໄລ່ ຊຸດໃໝ່.ໂດຍໄດ້ຮັບຄວາມໄວ້ເນື້ອເຊື່ອໃຈຈາກບັນດາສະມາສະມາຊິກພາຍໃນບ້ານຂອງຕົນ.ມາໃນໂອກາດດ່ຽວກັນນີ້; ກອງປະຊຸມຄັ້ງປະຖົມລຶກລົງປະຊາມະຕິເລືອກເອົາສະຫາຍນາງ ວອນມະນີ ພັນທິລາດ ເປັນປະທານພ້ອມທັງເປັນປະທານກວດກາ ສະຫະພັນແມ່ຍິງບ້ານ ແລະ ເລືອກເອົາ ສະຫາຍນາງ ບຸນຍົງ ບົວຊະແກ້ວເປັນກໍາມະການຕື່ມອີກດ້ວຍ.



ເພື່ອເຮັດພິທີມີຄວາມໝາຍ ແລະ ຄວາມສໍາຄັນຂຶ້ນຕື່ມໃນຕອນທ້າຍຂອງພິທີ ສະຫາຍນາງ ນາງ ສົມຫວາງ ໄຊຍະວົງສິນ ກໍາມະການພັກເມືອງ ປະທານສະຫະພັນແມ່ຍິງ ເມືອງ ອາດສະພັງທອງ ກໍ່ໃຫ້ກຽດໂອ່ລົມຕໍ່ພິທີຢ່າງມີຄວາມໝາຍໜັກແໜ້ນໂດຍສະຫາຍໄດ້ເນັ້ນໃສ່ກ່ຽວກັບບັນຫາທາງດ້ານວຽກງານການເມືອງແນວຄິດພາຍໃນສະຫະພັນແມ່ຍິງບ້ານດັ່ງກ່າວໃຫ້ພ້ອມກັນຈັດຕັ້ງປະຕິບັດ ໃຫ້ປະກົດຜົນເປັນຈິງໄປເທື່ອລະກ້າວ.

ພາບຂ່າວ: ສາຍສະໝຸດ ສິມພະລີວົງ
ນັກຂ່າວເມືອງ: ອາດສະພັງທອງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


No comments

Powered by Blogger.