Header Ads

ເມືອງໄຊພູທອງ ມອບ-ຮັບ ວຽກການແຈ້ງຂຶ້ນທະບຽນ ແລະ ຄຸ້ມຄອງວິສາຫະກິດ



ຫວ່າງບໍ່ດົນມານີ້ ທີ່ຫ້ອງປະຊຸມຊັ້ນສອງຂອງຫ້ອງວ່າການເມືອງໄຊພູທອງ ໄດ້ເປີດກອງປະຊຸມ ມອບ-ຮັບ ວຽກການແຈ້ງຂຶ້ນທະບຽນ ແລະ ຄຸ້ມຄອງວິສາຫະກິດ ລະຫ່ວາງ ພະແນກອຸດສະຫະກຳ- ການຄ້າແຂວງ ກັບ ຫ້ອງການອຸດສະຫະກຳ- ການຄ້່າເມືອງໂດຍການເປັນປະທານ ຂອງ ທ່ານ ແສງສະຫວັນ ອະນຸສິນ ຄະນະປະຈໍາພັກເມືອງ ຮອງເຈົ້າເມືອງໄຊພູທອງ ແລະ ທ່ານ ໂພສີສ້ອຍ ກຸກິລາດ ຮອງຫົວໜ້າພະແນກອຸດສາຫະກໍາ-ການຄ້າແຂວງ ໂດຍມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ,ຈາກຂະແໜງການອ້ອມຂ້າງ ແລະ ນັກທຸລະກິດອອ້ມຂ້າງເມືອງເຂົ້າຮ່ວມ ເປັນສັກຂີພະຍານ.



ທ່ານ ໂພສີສ້ອຍ ກຸກິລາດ ໄດ້ແນະນໍາ ຂໍ້ຕົກລົງ ສະບັບເລກທີ 0023/ອຄ.ກທຄວ ພ້ອມດ້ວຍນິຕິກໍາອື່ນໆກ່ຽວຂ້ອງ ກັບການແຈ້ງຂຶ້ນທະບຽນວິສາຫະກິດ ໃຫ້ເຈົ້າໜ້າທີ່ທະບຽນວິສາຫະກິດ, ໃຫ້ສັງຄົມໃນຂອບເຂດເມືອງ ໄຊພູທອງໃຫ້ທົ່ວເຖິງ ແລະ ເຂົ້າໃຈລາຍລະອຽດຈະແຈ້ງ. ປະສານສົມທົບກັບບັນດາຂະແໜງການ ຢູ່ໃນເມືອງຕົນ ເພື່ອສ້າງຄວາມເຂົ້າໃຈກ່ຽວກັບການແຈ້ງຂຶ້ນທະບຽນວິສາຫະກິດ ໃນຮູບແບບໃໝ່ ຕາມທີ່ກໍານົດໃນ ຂໍ້ຕົກລົງສະບັບເລກທີ 0023/ອຄ.ກທຄວ ເພື່ອເຮັດໃຫ້ເຂົ້າໃຈເປັນ ເອກະພາບກັນ ແລະ ສາມາດຈັດຕັ້ງປະຕິບັດໄດ້ຢ່າງມີປະສິດທິຜົນສູງ ເຊັ່ນວຽກງານບໍລິການຂື້ນທະບຽນວິສາຫະກິດ, ວຽກຄຸ້ມຄອງວິສາຫະກິດ, ວຽກງານສົ່ງເສີມບັນຍາກາດລົງທຶນທົ່ວໄປ, ຫົວໜ່ວຍວິສາຫະກິດທີ່ໄດ້ມອບໃຫ້ເມືອງຄຸ້ມຄອງ.



ພະແນກ ອຸດສາຫະກໍາ-ການຄ້າແຂວງ ໄດ້ມອບບັນດາຫົວໜ່ວຍວິສາຫະກິດ ໃຫ້ແກ່ຫ້ອງການອຸດສາຫະກໍາ-ການຄ້າເມືອງ ເປັນຜູ້ຄຸ້ມຄອງມີທັງໝົດ ຈໍານວນ 286 ຫົວໜ່ວຍ, ໃນນັ້ນ ຂຶ້ນໃໜ່ມີ 150 ຫົວໜ່ວຍ ແລະ ດັດແກ້ 136 ຫົວໜ່ວຍ, ມີມູນຄ່າການລົງທຶນ 71 ຕື້ 799 ກວ່າກີບ ສໍາລັບການອອກໃບທະບຽນວິສາຫະກິດແມ່ນໃຫ້ປະຕິບັດຕາມການອະນຸຍາດຂອງຫ້ອງການທີ່ກ່ຽວຂ້ອງຂັ້ນເມືອງອອກອະນຸຍາດ. ການຈັດຕັ້ງປະຕິບັດ. ການຈັດຕັ້ງປະຕິບັດບັນດາໜ້າວຽກການຂື້ນທະບຽນ ແລະ ຄຸ້ມຄອງວິສາຫະກິດຂອງຫ້ອງການ ອຸດສາຫະກໍາ-ການຄ້າເມືອງ ແມ່ນໃຫ້ເລີ່ມຈັດຕັ້ງປະຕິບັດນັບແຕ່ວັນທີ່ 30 ເມສາ 2019 ເປັນຕົ້ນໄປ.

ໂອກາດນີ້ ທ່ານ ໂພສີສ້ອຍ ກຸກິລາດ ຮອງຫົວຫນ້າພະແນກອຸດສາຫະກໍາ-ການຄ້າແຂວງ ໄດ້ລົງນາມເຊັນບົດບັນທຶກມອບ ແລະ ຮັບ ຂອງທ່ານ ແສງສະຫວັນ ອານຸສິນ ພ້ອມດຽວກັນນັ້ນ ທ່ານ ປອ ສອນສຸພັນ ເສນາວົງ ຮອງຫົວໜ້າຂະແໜງທະບຽນ ແລະ ຄຸ້ມຄອງວິສາຫະກິດ ກໍ່ໄດ້ເຊັນບົດບັນທຶກ ມອບວຽກໃຫ້ກັບ ທ່ານ ຄຳພູ ສຸທິວົງ ຫົວໜ້າຫ້ອງການອຸດສະຫະກຳ-ການຄ້າເມືອງ ແລະ ພ້ອມຈັດຕັ້ງວຽກງານທີ່ໄດ້ມອບໝາຍ ໃນຄັ້ງນີ້ໃຫ້ໄດ້ຮັບປະສິດທິຜົນ.

ພາບ-ຂ່າວ: ດວງພະສິດ ຈັນທະຄອນຄຳ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


No comments

Powered by Blogger.