Header Ads

ເມືອງຕຸ້ມລານ ແຕ່ງຕັ້ງ ແລະ ໂຍກຍ້າຍພະນັກງານນຳພາ-ຄຸ້ມຄອງ



ສາລະວັນ: ທ້າຍອາທິດຜ່ານມານີ້, ເມືອງຕຸ້ມລານ ແຂວງສາລະວັນ ໄດ້ຈັດພິທີມອບ-ຮັບໜ້າ ຫົວໜ້າຫ້ອງການລະຫວ່າງຜູ້ເກົ່າ ແລະ ຜູ້ໃໝ່ ຫຼາຍຕຳແໜ່ງຄື: ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ຫົວໜ້າຫ້ອງການພາຍໃນເມືອງ. ໂດຍການເຂົ້າຮ່ວມຂອງ ທ່ານ ສົມຄິດ ກອງໄຊສະຫວັດ ຫົວໜ້າຄະນະຈັດຕັ້ງເມືອງ, ມີ ທ່ານ ເວີນມະນີ ມຸ່ງສີວົງສາ ຮອງຫົວໜ້າຄະນະຈັດຕັ້ງແຂວງ, ມີບັນດາຂະແໜງການທີ່ກ່ຽວຂ້ອງອ້ອມຂ້າງເມືອງເຂົ້າຮ່ວມ.


 ທ່ານ ນາງ ສົມຈິດ ຈະເລີນສຸກ ຮອງຫົວໜ້າຄະນະຈັດຕັ້ງເມືອງ ກໍ່ໄດ້ຜ່ານຂໍ້ຕົກລົງກ່ຽວກັບການແຕ່ງຕັ້ງ, ໂຍກຍ້າຍ ແລະ ສັບປ່ຽບໜ້າທີ່ບ່ອນປະຈຳການຂອງພະນັກງານນຳພາ-ຄຸ້ມຄອງເມືອງ ເປັນຕົ້ນ: ໄດ້ໂຍກຍ້າຍ ທ່ານ ແສງອາລຸນ ອຸ່ນຄຳມະນີ ຫົວໜ້າຫ້ອງການພາຍໃນ ຜູ້ເກົ່າ ໄປເປັນຫົວໜ້າຫ້ອງການ ຮສສ ເມືອງ ຜູ້ໃໝ່, ໂຍກຍ້າຍ ທ່ານ ນາງ ແກ່ນຈັນ ຈັນທະສອນ  ຫົວໜ້າຫ້ອງການ ຮສສ ຜູ້ເກົ່າ ໄປປະຈຳຢູ່ຫ້ອງວ່າການປົກຄອງເມືອງ ແລະ ໂຍກຍ້ຍ ທ່ານ ສີເນີຍ  ຂຸນແສງ ຫົວໜ້າຫ້ອງວ່າການປົກຄອງເມືອງ ຜູ້ເກົ່າ ໄປເປັນຫົວໜ້າຫ້ອງການພາຍໃນເມືອງ ຜູ້ໃໝ່ ແລະ ໂຍກຍ້າຍ ທ່ານ ບົວເນັດ ວົງເວີນຈິດ ຮອງຫົວໜ້າຫ້ອງການກະສິກຳ ແລະ ປ່າໄມ້ ໄປເປັນຮອງຫົວໜ້າຫ້ອງການ ຮສສ ເມືອງ. ການສັບຊ້ອນໜ້າທີ່ຕຳແໜ່ງພະນັກງານນຳພາ-ຄຸ້ມຄອງ ຄັ້ງນີ້ ເພື່ອການສັບປ່ຽນໜ້າທີ່ບ່ອນປະ ຈຳການຂອງພະນັກງານການນຳ ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານ ແລະ ສະພາບເງື່ອນໄຂຕົວຈິງໃນໄລຍະໃໝ່ ແລະ ໃຫ້ມີຜົນສຳເລັດຂຶ້ນເປັນກ້າວໆ. ນອກນັ້ນກໍ່ໄດ້ມີການລາຍງານສະພາບລວມໃນການຈັດຕັ້ງປະຕິບັດໜ້າທີ່ວຽກງານໃນແຕ່ລະໄລຍະ, ຜົນສຳເລັດ, ຂໍ້ຄົງຄ້າງ ແລະ ແບບແຜນການນຳພາ.

 ໃນຕອນທ້າຍ, ກໍ່ໄດ້ມີພິທີມອບຮັບໜ້າທີ່ລະຫວ່າງຜູ້ເກົ່າ ແລະ ຜູ້ໃໝ່ ໂດຍຊ້ອງໜ້າ ທ່ານ ສົມຄິດ ກອງໄຊສະຫວັດ ຫົວໜ້າຄະນະຈັດຕັ້ງເມືອງຕຸ້ມລານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂິພິຍານ.

ຂ່າວວຽງສະຫວັນແສນຄຳ
ນັກຂ່າວ ເມືອງຕຸ້ມລານ

No comments

Powered by Blogger.