ຢູ່ແຂວງເຊກອງ ສາມາດຈ່າຍຄ່ານໍ້າປະປາ ຜ່ານ ທະນາຄານສົ່ງເສີມກະສິກໍາ




ເຊກອງ: ພິທີເຊັນສັນຍາຮ່ວມທຸລະກິດການຊໍາລະຄ່ານໍ້າປະປາຜ່ານທະນາຄານລະຫວ່າງທ່ານ ບຸນເຫຼືອ ສີລິພັນ ອໍານວຍການລັດວິສາຫະກິດນໍ້າປະປາແຂວງເຊກອງ ແລະທ່ານ ສີໜຸກ ບຸດສິງທອງ ຫົວໜ້າທະນາຄານສົ່ງເສີມກະສິກໍາ (ທສກ) ສາຂາແຂວງເຊກອງໄດ້ມີຂຶ້ນໃນວັນທີ 22 ພຶດສະພາ 2019 ທີ່ ທສກ ສາຂາແຂວງເຊກອງ ໂດຍມີຄະນະພັກ, ຄະນະສາຂາ, ຄະນະອໍານວຍການ ແລະວິຊາການກ່ຽວຂ້ອງທັງສອງຝ່າຍເຂົ້າຮ່ວມ.


ທ່ານ ສີໜຸກ ບຸດສິງທອງ ຫົວໜ້າ ທສກ ສາຂາເຊກອງ ກ່າວວ່າ: ການເຊັນສັນຍາຮ່ວມມືທຸລະກິດລະຫວ່າງລັດວິສາຫະກິດນໍ້າປະປາ ແລະທະນາຄານສົ່ງເສີມກະສິກໍາສາຂາເຊກອງຄັ້ງນີ້ ແມ່ນມີຄວາມຫມາຍຄວາມສໍາຄັນຊຶ່ງເປັນການຍົກລະດັບການບໍລິການໄປສູ່ຄຸນນະພາບໃໝ່ທີ່ມີຄວາມທັນສະໄໝ ແລະວ່ອງໄວທັນໃຈ, ພ້ອມນັ້ນ ກໍຍັງເປັນການອໍານວຍຄວາມສະດວກໃຫ້ອົງການຈັດຕັ້ງລັດ, ພະນັກງານ-ລັດຖະກອນ ແລະປະຊາຊົນບັນດາເຜົ່າ ກໍຄືລູກຄ້າຂອງລັດວິສາຫະກິດນໍ້າປະປາໄດ້ຊໍາລະຄ່ານໍາໃຊ້ນໍ້າປະປາຜ່ານປ່ອງບໍລິການຂອງ ທສກ ແລະຊ່ອງທາງຂອງລະບົບເອເລັກໂທນິກເຊັ່ນ: Mobile banking; ATM ແລະອື່ນໆໃນຮູບແບບເງິນສົດ-ເງິນໂອນ.


ຂະນະທີ່ທ່ານ ບຸນເຫຼືອ ສີລິພັນ ອໍານວຍການລັດວິສາຫະກິດນໍ້າປະປາແຂວງເຊກອງ ໄດ້ກ່າວວ່າ: ຜ່ານມາລັດວິສາຫະກິດນໍ້າປະປາແຂວງເຊກອງໄດ້ເຊັນສັນຍາຮ່ວມທຸລະກິດຊໍາລະຄ່ານໍາໃຊ້ນໍ້າປະປາກັບ 2 ທະນາຄານຄື: ທະນາ ຄານການຄ້າຕ່າງປະເທດລາວມະຫາຊົນສາຂາແຂວງເຊກອງ ແລະທະນາຄານພັດທະນາລາວສາຂາແຂວງເຊກອງ ຊຶ່ງຄັ້ງນີ້ ກໍເປັນຄັ້ງທີສາມເຊື່ອແນວ່າ ທສກ ຈະໄດ້ເອົາໃຈໃສ່ປະຕິບັດຕາມຂໍ້ກໍານົດສັນຍາທີ່ກໍານົດໄວ້ ເພື່ອເຮັດໃຫ້ລູກຄ້າຜູ້ໃຊ້ບໍລິການມີຄວາມສະດວກສະບາຍ, ວ່ອງໄວ, ທັນໃຈ ແລະສາມາດກວດສອບໄດ້.

• ໂດຍ : ສັນຍາ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


Post a Comment

0 Comments