Header Ads

ອັບເກຣດ ນັກຂ່າວລາວ ເຮັດຂ່າວທາງອອນລາຍ


ສື່ມວນຊົນທົ່ວປະເທດຍົກລະດັບການເຮັດຂ່າວທາງອອນລາຍ

          ສື່ມວນຊົນທົ່ວປະເທດຈາກ17 ແຂວງ, 1 ນະຄອນຫຼວງ ແລະສື່ມວນຊົນຈາກສໍານັກງານຕ່າງໆອ້ອມຂ້າງສູນກາງ ໄດ້ຮັບການຍົກລະດັບ ໃນຫົວຂໍ້ “ ທັກສະການເຮັດຂ່າວ ອອນລາຍ ( Online ) ” ໃນລະຫວ່າງວັນທີ 6-10 ພຶດສະພາ 2019 ນີ້ ຢູ່ທີ່ສະຖາບັນສື່ມວນຊົນ ໂດຍການເປັນປະທານຂອງທ່ານ ວິໄລທອງ ສີຊານົນ ຫົວໜ້າສະຖາບັນສື່ມວນຊົນ, ວັດທະນະທໍາ ແລະທ່ອງທ່ຽວ, ກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ ສປປ ລາວ, ທ່ານ ດັງ ຄັ່ກ ເລີ້ຍ ຮອງຫົວໜ້າກົມສື່ມວນຊົນ, ກະຊວງຖະແຫຼງຂ່າວ ແລະສື່ສານ ສສ ຫວຽດນາມ, ພ້ອມດ້ວຍວິທະຍາກອນ ແລະນັກສຳມະນາກອນ 50 ກວ່າຄົນເຂົ້າຮ່ວມ. 

          ທ່ານ ພູທອນ ບຸດຕະວົງ ຮອງຫົວໜ້າສະຖາບັນສື່ມວນຊົນ ໄດ້ໃຫ້ຮູ້ວ່າ: ການຝຶກອົບຮົມໃນຄັ້ງນີ້ ກໍເພື່ອເປັນການສືບຕໍ່ປະຕິບັດແຜນການຮ່ວມມືລະຫວ່າງ ກົມສື່ມວນຊົນ ສສ ຫວຽດນາມ ແລະ ສະຖາບັນສື່ມວນຊົນ, ວັດທະນະທໍາ ແລະທ່ອງທ່ຽວ ກໍຄືບົດບັນທຶກຮ່ວມລະຫວ່າງ ກະຊວງຖະແຫຼງຂ່າວ ແລະສື່ສານ ສສ ຫວຽດນາມ ແລະກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວ ສປປ ລາວ ແລະເພື່ອເປັນຍົກລະດັບຄວາມຮູ້ຄວາມສາມາດໃນການເຮັດຂ່າວ, ຖ່າຍທໍາ, ຕັດຕໍ່, ການສົ່ງຂ່າວທາງອອນລາຍ ໂດຍການໃຊ້ໂທບະສັບມືຖື ຊຶ່ງເປັນວິທີທີ່ວ່ອງໄວ ທັນສະໄໝ ແລະທ່ວງທັນກັບສະພາບການທີ່ສຸດໃນຍຸກດີຈີຕອນ, ຊຶ່ງປະຈຸບັນໃນທົ່ວໂລກການເຮັດຂ່າວ ມັນຮຽກຮ້ອງໃຫ້ຕ້ອງວ່ອງໄວ, ທັນການ, ທັນສະໄໝ, ຊັດເຈນ ແລະປະຈັກຕາ ຊຶ່ງນັກຂ່າວພວກເຮົາຕ້ອງນໍາໃຫ້ທັນເທັກໂນໂລຊີ, ນິວມີເດຍ, ນໍາໃຊ້ສະມັສໂຟນໃຫ້ເປັນ, ນໍາໃຊ້ໂທລະສັບໃຫ້ເກີດປະໂຫຍດສູງສຸດ, ມັນເປັນຄວາມຮຽກຮ້ອງຕ້ອງການ, ມັນແມ່ນຄວາມຈໍາເປັນຈະຕ້ອງໄດ້ເຮັດໃນຍຸກ 4.0; ນອກນີ້ຍັງເປັນການເພີ່ມທັກສະຄວາມຮັບຮູ້,ຄວາມສາມາດໃຫ້ສູງຂຶ້ນຕື່ມອີກກ້າວໜຶ່ງ ແນໃສ່ຕອບສະໜອງຄວາມຕ້ອງການຂອງໜ້າທີ່ວຽກງານທີ່ພັກ-ລັດມອບໝາຍໃຫ້ ໃຫ້ປະສົບຜົນສໍາເລັດສູງກວ່າເກົ່າ. 

          ຊຶ່ງນັກສຳມະນາກອນໄດ້ແບ່ງເປັນກຸ່ມ ເພື່ອປຶກສາຫາລື ຄົ້ນຄວ້າກ່ຽວກັບການເຮັດຂ່າວ ອອນລາຍ ເພື່ອເຮັດແນວໃດຈະໃຫ້ສັງຄົມມີຄວາມສົນໃຈ ແລະຫັນມາເສບຂ່າວທາງອອນລາຍ ທີ່ຖືກຕ້ອງ ຊັດເຈນແລະກວ້າງຂວາງກວ່າເກົ່າ

1 comment

kmskp said...

ຮັບທີມງານເພີ່ມບໍ່ ການຫາຂ່າວຂຽນຂ່າວ
ຕິດຕໍ່: Kmskp1312@gmail.com

Powered by Blogger.