ໜ່ວຍພັກ ຫ້ອງການຊາວໜຸ່ມ-ນັກຮົບເກົ່າ ເມືອງເງິນ ສຳເລັດກອງປະຊຸມສະມາຊິກພັກ ຄັ້ງທີ I ຂອງຕົນ



ວັນທີ 29 ພຶດສະພາ 2019 ນີ້ ຢູ່ທີຫ້ອງການຊາວໜຸ່ມ ເມືອງເງິນ ແຂວງ ໄຊຍະບູລີ ໄດ້ເປີດກອງປະຊຸມສະມາຊິກພັກ ຄັ້ງທີ I ຂອງໜ່ວຍພັກ ຫ້ອງການຊາວໜຸ່ມ-ນັກຮົບເກົ່າ. ພາຍໃຕ້ການເປັນປະທານຂອງ ສຫ ສອນຄິດ ທອງປະເສີດ ວ່າການເລຂາໜ່ວຍພັກຫ້ອງການຊາວໜຸ່ມ-ນັກຮົບເກົ່າ, ເຂົ້າຮ່ວມເປັນກຽດ ມີ ສຫ ທະວີສັກ ໄຊຍະວົງ ຄະນະປະຈຳພັກເມືອງ ຮອງເຈົ້າເມືອງ, ມີບັນດາແຂກ ແລະ ສະມາຊິກພັກ ສົມບູນເຂົ້າຮ່ວມ .



ສຫ ຕຸ້ຍ ພົມມະຫານ ຮອງເລຂາໜ່ວຍພັກ ຫ້ອງການຊາວໜຸ່ມ-ນັກຮົບເກົ່າ ໄດ້ຜ່ານບົດລາຍງານການເມືອງທັງ 2 ພາກ: ໄລຍະຜ່ານມາ ໜ່ວຍພັກໄດ້ສຸມທຸກຄວາມພະຍາຍາມ ເຮັດວຽກງານສຶກສາອົບຮົມການເມືອງແນວຄິດ ໃຫ້ສະມາຊິກພັກ, ພະນັກງານ-ລັດຖະກອນຂອງຕົນ ດ້ວຍວິທີການຈັດຕັ້ງຄົ້ນຄ້ວາຮ່ຳຮຽນ, ບັນດາແນວທາງນະໂຍບາຍຂອງພັກ, ມະຕິຄຳສັ່ງ, ລະບຽບກົດໝາຍຂອງລັດ ແລະ ມູນເຊື້ອຂອງທ່ານຜູ້ນຳ, ມູນເຊື້ອຂອງພັກ-ຂອງຊາດ-ຂອງກອງທັບ ຢ່າງເປັນປົກກະຕິ,  ສະແດງອອກ ການຕີລາຄາແບ່ງປະເພດ ໜ່ວຍພັກ ແມ່ນໄດ້ປະເພດໜ່ວຍແຂງ ຮູ້ນໍາພາຮອບດ້ານ. ກອງປະຊຸມໄດ້ເປັນເອກະສັນກັນຮັບຮອງເອົາທິດທາງ ແລະ ແຜນການ 5 ປີໃນຕໍ່ໜ້າ ພ້ອມທັງໃຊ້ສິດປະຊາທິປະໄຕ ຂອງຕົນ ເລືອກຕັ້ງເອົາຄະນະພັກຊຸດໃໝ່ ບົນພື້ນຖານຫຼັກການລວມສູນປະຊາທິປະໄຕຖືກຕ້ອງ ແລະ ສອດຄ່ອງກັບມາດຕະຖານ, ເງື່ອນໄຂ ເຊີ່ງມີຜູ້ສະໝັກ 3 ສຫ  ເລືອກເອົາ 2 ສຫ ເຊີ່ງໄດ້ສຫ ສອນຄິດ ທອງປະເສີດ ເປັນເລຂາໜ່ວຍພັກ, ສຫ ຕຸ້ຍ ພົມມະຫານ ຮອງເລຂາໜ່ວຍພັກ.



ໂດຍ: ອິນແປງ ແຫວນຄຳ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


Post a Comment

0 Comments