Header Ads

ໜ່ວຍພັກ ມສ ເມືອງເງິນ ສຳເລັດກອງປະຊຸມສະມາຊິກພັກ ຄັ້ງທີ IV



ໄຊຍະບູລີ: ວັນທີ 16 ພຶດສະພາ 2019 ນີ້ ຢູ່ທີໂຮງຮຽນ ມສ ນ້ຳເງິນ ເມືອງເງິນ ແຂວງ ໄຊຍະບູລີ ໄດ້ເປີດກອງປະຊຸມສະມາຊິກພັກ ຄັ້ງທີ IV ຂອງໜ່ວຍພັກ ມສ ນໍ້າເງິນ . ພາຍໃຕ້ການເປັນປະທານຂອງ ສຫ ນາງ ທອງມາ ໄຊຊະນະ ວ່າການເລຂາໜ່ວຍພັກ ມສ ນ້ຳເງິນ, ເຂົ້າຮ່ວມເປັນກຽດ ມີ ສຫ ສີທະນົນໄຊ ທອງເທພາ ຄະນະປະຈຳພັກເມືອງ ຫົວໜ້າຫ້ອງວ່າການເມືອງ, ມີບັນດາແຂກ ແລະ ສະມາຊິກພັກ ສົມບູນເຂົ້າຮ່ວມ .



ສຫ ຄຳແກ້ວ ຈັນທະວອນ ຮອງເລຂາໜ່ວຍພັກ ມສ ນ້ຳເງິນ ໄດ້ຜ່ານບົດລາຍງານການເມືອງທັງ 2 ພາກ: ໜ່ວຍພັກ ມສ ນ້ຳເງິນ  ມີ 4 ໜ່ວຍງານຂື້ນກັບ, ມີ ສະມາຊິກພັກທັງໝົດ 24 ສຫ , ຍິງ 16 ສຫ, ຕະຫຼອດໄລຍະ 5 ປີຜ່ານມາ ໜ່ວຍພັກໄດ້ ພະຍາຍາມບຸກບືນ ແລະ ເຊີດຊູຈິດໃຈເອກະລາດ ເປັນເຈົ້າຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົວເອງ,ໂດຍຕິດພັນກັບ,ວຽກງານສຶກສາອົບຮົມການເມືອງແນວຄິດ ໃຫ້ສະມາຊິກພັກ,



ພະນັກງານ-ລັດຖະກອນຂອງຕົນ ດ້ວຍວິທີການຈັດຕັ້ງຄົ້ນຄ້ວາຮ່ຳຮຽນ, ບັນດາແນວທາງນະໂຍບາຍຂອງພັກ, ມະຕິຄຳສັ່ງ, ລະບຽບກົດໝາຍຂອງລັດ ແລະ ມູນເຊື້ອຂອງທ່ານຜູ້ນຳ, ມູນເຊື້ອຂອງພັກ-ຂອງຊາດ-ຂອງກອງທັບ, ປະຕິບັດໜ້າທີ່ວິຊາສະເພາະ ແມ່ນປະຕິບັດໂຄງການຫຼັກສູດຕາມກະຊວງສຶກສາໄດ້ກຳນົດໄວ້.





ສະແດງອອກ  5 ປີຜ່ານມາ ໄດ້ສົ່ງນັກຮຽນເຂົ້າຮ່ວມສອບເສັງນັກຮຽນເກັ່ງຂັ້ນເມືອງ ໄດ້ ທັງໝົດ 33 ນ້ອງ, ສາມາດຍາດໄດ້ທີ 1 ຈຳນວນ 11 ນ້ອງ ແລະ ເຂົ້າຮ່ວມສອບເສັງນັກຮຽນເກັ່ງຂັ້ນແຂວງ ຈຳນວນ 12 ນ້ອງ ສາມາດຍາດໄດ້ທີ່ 1 ຈຳນວນ 2 ນ້ອງ, ນອກຈາກເອົາໃຈໃສ່ເຮັດໜ້າວິຊາສະເພາະຂອງຕົນແລ້ວທາງຄູອາຈານຍັງໄດ້,ຊອກແຫຼ່ງທືນຈາກພາກສ່ວນຕ່າງໆ ເພື່ອມາພັດທະນາໂຮງຮຽນ  ໄດ້ທັງໝົດ 333,646,500 ກີບ.


ຜ່ານການກວດກາ ແລ ະປະເມີນ ປະເພດສະມາຊິກພັກ ແມ່ນໄດ້ປະເພດແຂງ ທັງ 24 ສຫ,ຍິງ 16 ສຫ ປະເພດໜ່ວຍງານ: ໜ່ວຍງານບໍລິຫານ, ໜ່ວຍງານກິດຈະກຳ , ໜ່ວຍງານວິຊາການ,  ໜ່ວຍງານເຕັກໂນໂລຊີ ແລະ ຂໍ້ມູນຂ່າວສານ ແມ່ນໄດ້ປະເພດແຂງທັງ 4 ໜ່ວຍງານ. ປະເພດອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ, ກຳມະບານ ແມ່ນໄດ້ປະເພດແຂງ, ປະເພດໝ່ວຍພັກ ແມ່ນໄດ້ປະເພດແຂງ



ກອງປະຊຸມໄດ້ໃຊ້ສິດປະຊາທິປະໄຕຂອງຕົນ ເລືອກຕັ້ງເອົາຄະນະພັກຊຸດໃໝ່ ບົນພື້ນຖານຫຼັກການລວມສູນປະຊາທິປະໄຕຖືກຕ້ອງ ແລະ ສອດຄ່ອງກັບມາດຕະຖານ, ເງື່ອນໄຂ ເຊີ່ງມີຜູ້ສະໝັກ 5 ສຫ  ເລືອກເອົາ 3 ສຫ.ກອງປະຊຸມຄັ້ງປະຖົມມະລຶກ ໄດ້ເລືອກເອົາສະຫາຍ ນາງ ທອງມາ ໄຊຊະນະ ເປັນເລຂາໜ່ວຍພັກຊຸດໃໜ່, ສຫ ຄຳແກ້ວ ຈັນທະວອນ ເປັນຮອງ, ສຫສົມຈິດ ເຄື່ອງສຸພັນ ເປັນຄະນະ



ໂດຍ: ອິນແປງ ແຫວນຄຳ
--------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com




No comments

Powered by Blogger.