ຄະນະບໍລິຫານງານຊາວຫນຸ່ມ ເມືອງແກ້ວອຸດົມ ແຂວງວຽງຈັນ ສຳເລັດກອງປະຊຸມໃຫຍ່ຄັ້ງທີ VIII



ແຂວງວຽງຈັນ: ກອງປະຊຸມໄດ້ໄຂຂຶ້ນ ແລະ ອັດລົງ ໃນວັັນທີ 23 ພຶດສະພາ 2019 ຜ່ານມາ ຢູ່ທີ່ສະໂມສອນຂອງ ເມືອງ ໂດຍການເປັນປະທານຂອງ ທ່ານ ນ ພູທອງ ພົມແສນອຸດົມ ເລຂາຄະນະບໍລິຫານງານຊາວຫນຸ່ມ ເມືອງ ແກ້ວອຸດົມ ເປັນກຽດເຂົ້າຮ່ວມ ຂອງ ທ່ານ ນ ຈັນທະຄອນ ສີອຳພອນ ເລຂາຄະນະບໍລິຫານງານຊາວຫນຸ່ມ ແຂວງວຽງຈັນ ມີ ທ່ານ ຄຳສະເຫວີຍ ພົມມະຈັນ ເຈົ້າເມືອໆແກ້ວອຸດົມ ມີບັນດາຜູ້ແທນສົມບູນ ພ້ອມດ້ວຍແຂກຖືກເຊີນ ເຂົ້າຮ່ວມຢ່າງພ້ອມພຽງ.









ທ່ານ ນ ພູທອງ ພົມແສນອຸດົມ ເລຂາຄະນະບໍລິຫານງານຊາວຫນຸ່ມ ເມືອງ ແກ້ວອຸດົມ ໄດ້ຂຶ້ນຜ່ານຮ່າງບົດລາຍງານການເມືອງໃນໄລຍະຜ່ານມາຄະນະບໍລິຫານງານຊາວຫນຸ່ມເມືອງແກ້ວອຸດົມ ແຂວງວຽງຈັນໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VII ຂອງຄະນະບໍລິຫານງານຊາວຫນຸ່ມ ເມືອງ ແກ້ວອຸດົມກໍຄື ການປະຕິບັດ 7 ແຜນງານ 29 ໂຄງການຂອງທ້ອງຖິ່ນ ທີ່ສູນກາງຊາວຫນຸ່ມປະຊາຊົນປະຕິວັດລາວວາງອອກ ແລະໄດ້ເນັ້ນຫນັກວຽກງານສຶກສາອົບຮົມການເມືອງ-ແນວຄິດເປັນຫນ້າທີ່ຕົ້ນຕໍເພື່ອສ້າງໃຫ້ຄົນຮຸ່ນຫນຸ່ມມີຄວາມຫນັກແຫນ້ນທາງດ້ານການ ເມືອງແນວຄິດ, ມີແນວຄິດຮັກຊາດຮັກບ້ານເກີດເມືອງນອນ, ມີຄຸນສົມບັດສິນທຳປະຕິວັດ



ມີສະຕິເປັນເຈົ້າການຕົນເອງກາຍເປັນຜູ້ສືບທອດທີ່ດີຂອງຊາດເຊີດຊູມູນເຊື້ອດຸຫມັ່ນຂະຫຍັນພຽນພັດທະນາຕົນເອງປະກອບສ່ວນເຂົ້າໃນພາລະ ກິດປົກປັກຮັກສາ ແລະ ສ້າງສາພັດທະນາປະເທດຊາດ ພ້ອມນີ້ຍັງໄດ້ເອົາໃຈໃສ່ປັບປຸງກົງຈັກການຈັດຕັ້ງຊາວຫນຸ່ມໃຫ້ມີຄວາມເຂັ້າແຂງຂຶ້ນເລື້ອຍໆ ທົ່ວເມືອງມີຄະນະບໍລິຫານງານຊາວຫນຸ່ມຈຳນວນ 15 ທ່ານ ມີສະມາຊິກຊາວຫນຸ່ມທັງຫມົດ 1.047 ຄົນ ເປັນສະມາຊິກພັກ 219 ສະຫາຍ ຜ່ານມາສາມາດປະກາດເປັນຫນ່ວຍຊາວຫນຸ່ມ 4 ບຸກໄດ້ 36 ຫນ່ວຍ,ສາມາດປະກາດຮັບຮອງຄະນະຊາວຫນຸ່ມເມືອງເປັນເມືອງ 4 ບຸກຮອບທີ1,ມີສະມາຊິກດີເດັ່ນ 828 ທ່ານ.



ກອງປະຊຸມບັນດາຜູ້ແທນສົມບູນໄດ້ພ້ອມກັນໃຊ້ສິດປະຊາທິປະໄຕ ປ່ອນບັດຄັດເລືອກເອົາ ເລຂາຄະນະບໍລິຫານງານຊາວຫນຸ່ມຊຸດໃຫມ່ ເຊິ່ງມີຜູ້ສະຫມັກທັງຫມົດ 19 ທ່ານ ເລືອກເອົາ 15 ທ່ານ.



ໃນກອງປະຊຸມຄັ້ງປະຖົມມະລຶກໄດ້ປະຊາມັດຕິຄັດເລືອກເອົາ ທ່ານ ນ ພູທອງ ພົມແສນອຸດົມ ເປັນເລຂາຄະນະບໍລິຫານງານຊາວຫນຸ່ມຊຸດທີ 9 ທ່ານ ນ ພັດທະສອນ ສີຫາປັນຍາ ເປັນຮອງເລຂາທັງເປັນປະທານກວດກາ.
ສຸກັນ ນັນທະວົງ









------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


Post a Comment

0 Comments