ເມືອງກະລຶມສະເຫຼີມສະຫຼອງວັນທີ 1 ມິຖຸນາ ປະຈຳປີ 2019




ເຊກອງ: ພີທີສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດທີ 1 ມິຖຸນາ ໄດ້ມີຂື້ນໃນທ້າຍອາທິດຜ່ານມານີ້ ຢູ່ທີ່ສະໂມສອນໂຮງຮຽນປະຖົມສົມບູນເມືອງກະລຶມ ແຂວງເຊກອງ ໂດຍເຂົ້າຮ່ວມຂອງ ທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ, ມີ ທ່ານ ອໍບົວລາ ອ່ອນມະໄລວົງ ວ່າການເລຂາພັກເມືອງ, ວ່າການເຈົ້າເມືອງກະລຶມ, ພ້ອມດ້ວຍຂະແໜງການທີ່ກ່ຽວຂ້ອງຈາກແຂວງ-ເມືອງ, ພະນັກງານລັດຖະກອນ, ຜູ້ປົກຄອງເດັກ ແລະ ນ້ອງນ້ອຍນັກຮຽນເຂົ້າຮ່ວມຢ່າງຫຼວງຫຼາຍ.




ໃນພິທີ ທ່ານ ນາງ ແມມ ແກ້ວສົມສີ ກຳມະການພັກເມືອງ, ປະທານສະຫະພັນແມ່ຍິງເມືອງໄດ້ໃຫ້ຮູ້ປະຫວັດຄວາມເປັນມາຂອງວັນເດັກນ້ອຍສາກົນວ່າ: ເດັກນ້ອຍແມ່ນເປັນໜໍ່ແໜງແຫ່ງຊີວິດໃນມື້ນີ້,ທັງກ້າວເປັນອະນາຄົດອັນແຈ່ມໃສຂອງປະເທດຊາດໃນມື້ໜ້າ ບັນດາປະຊາຊາດໃນທົ່ວໂລກຈຶ່ງມີການສະເຫຼີມສະຫຼອງວັນເດັກຕາມເງື່ອນໄຂຕົວຈິງ ເພື່ອໃຫ້ບັນດາເດັກນ້ອຍທີ່ຢູ່ເຂດທຸລະກັນດານຫ່າງໄກສອກຫຼີກໄດ້ຮັບການດູແລເບີ່ງແຍງເປັນພິເສດລວມທັງປ້ອງກັນຢ່າງເໝາະສົມທາງດ້ານກົດໝາຍ ກ່ອນເກີດ ແລະ ຫຼັງເກີດ, ຢຸດຕິການໃຊ້ຄວາມຮຸນແຮງຕໍ່ເດັກນ້ອຍ ພ້ອມຊຸກຍູ້ສົ່ງເສີມເດັກນ້ອຍໃຫ້ໄດ້ເຂົ້າໂຮງຮຽນຢ່າງທົ່ວເຖິງ.




ຄະນະດຽວກັນ ທ່ານ ແສງອຸໄທ ຄຳວົງສາ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງ ກໍໄດ້ລາຍງານຕໍ່ພິທີດັງກ່າວວ່າ: ໃນປີ 2019 ນີ້ ຢູເມືອງກະລຶມຂອງພວກເຮົາໄດ້ປູກຕົ້ນໄມ້ທັງໝົດ 6 ພັນກວ່າຕົ້ນ ໃນນັ້ນມີໄມ້ແຕ້, ໄມ້ບາກ, ໄມ້ຈຳປາປ່າ ແລະ ຕົ້ນໝາກຫາງຍູງ ເຊິ່ງກວມເອົາ 6 ເຮັກຕາ ໃນນັ້ນທາງພາກລັດປູກ 1 ເຮັກຕາ, ໂຄງການຄາບີປູກ 5 ເຮັກຕາ ແລະ ໄດ້ກຳນົດເຂດຟື້ນຟູປ່າທຳມະຊາດອີກຈຳນວນ 1302 ເຮັກຕາ.


ໃນວັນດຽວກັນນີ້ ເມືອງກະລຶມຍັງໄດ້ຈັດກິດຈະກຳຫຼາຍຢ່າງ ໂດຍສະເພາະ ແມ່ນຊົມການສະແດງສິລະປະວັນນະຄະດີຂອງຫຼານນ້ອຍນັກຮຽນອະນຸບານ, ນັກຮຽນປະຖົມ, ກິດຈະກຳຢອດຢາ,ສັກຢາ, ປູກຕົ້ນໄມຕາມພື້ນທີ່ເມືອງກຳນົດໄວ້ ແລະ ປ່ອຍປາລົ່ງສູ່ອ່າງນ້ຳທຳມະຊາດຢ່າງເປັນຂະບວນຟົດຟື້ນ.

ຂ່າວ: ທອັດສະວິນ ແສງສີຈັນ
ນັກຂ່າວ ເມືອງກະລຶມ ແຂວງເຊກອງ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

------------------------------------------
ໂປພິເສດ! ກົດອ່ານດ່ວນ!
Aliexpress WW

Post a Comment

0 Comments