ກວດສອບ ອັດຕະປື ຊີ້ແຈງ ການຂົນໄມ້ ໃນວັນທີ 13/6/19 ຜ່ານມາ ແມ່ນມີແທ້



ອັດຕະປື: ຈາກຂ່າວ ທີ່ມີຄວາມສົງໄສ ໃນການຂົນໄມ້ ທີ່ໄດ້ອອກຂ່າວ ຜ່ານເພຈ Attapeu Update ໃນວັນທີ 13 ມິຖຸນາ 2019 ຜ່ານມາວ່າ

ເຫດການເກີດຂື້ນທີ່ ເມືອງ ສາມັກຄີໄຊ ແຂວງ ອັດຕະປື ໃນຕອນເຊົ້າຂອງມື້ນີ້ ວັນທີ 13 ມິຖຸນາ 2019 ສອບຖາມພາກສ່ວນກ່ຽວຂ້ອງໃຫ້ແດ່ວ່າເປັນຫຍັງຄືໃຫ້ມີການຂົນສົ່ງໄມ້ທ່ອນ ໃນເມື່ອມີຄຳສັ່ງຈາກ ນາຍຍົກລັດຖະມົນຕີວ່າ ໃຫ້ຢຸດຕິການຂົນສົ່ງໄມ້ ແລ້ວ.




ໃນວັນທີ 27 ມິຖຸນາ 2019 ທາງອົງການກວດກາລັດ ແຂວງອັດຕະປື ກໍ່ໄດ້ ເຮັດບົດລາຍງານ ເຖິງລັດຖະບານ ໃນການກວດສອບຂ່າວດັ່ງກ່າວ ເຫັນວ່າ ແມ່ນມີມູນຄວາມຈິງ. ແຕ່ການຂົນໄມ້ດັ່ງກ່າວ ແມ່ນໄດ້ຮັບການອານຸຍາດ ເພາະເປັນ ທ້ອນໂຮມໄມ້ ຈາກເມືອງ ສະໜາມໄຊ ທີ່ເກີດຈາກ ເຫດເຂື່ອນແຕກ ໃນວັນທີ 23 ກໍລະກົດ 2018 ຜ່ານມາ.

ດັ່ງນັ້ນ, ຈິ່ງແຈ້ງໃຫ້ສັງຄົມຮັບຊາບ ຕາມນີ້ດ້ວຍ.

ສະແດງຄວາມຊົມເຊີຍ ປະຊາຊົນ ທີ່ຊ່ວຍກັນເປັນຫູເປັນຕາ ໂດຍສະເພາະ ເພຈ Attapeu Update, ແລະ ສະແດງຄວາມຊົມເຊີຍ ໜ່ວຍງານ ກວດສອບແຂວງ ອັດຕະປື ທີ່ໃຫ້ຄວາມສຳຄັນ ແລະ ລົງກວດສອບ ພ້ອມກັບການລາຍງານຂໍ້ມູນໃຫ້ສັງຄົມຮັບຊາບ. ນີ້ສະແດງໃຫ້ເຫັນ ການເອົາໃຈໃສ່ ຂອງທັງພາກລັດ ແລະ ເອກະຊົນ.

ສະນັ້ນ, ເພື່ອປະຕິບັດ ຕາມຄໍາສັ່ງເລກທີ 15/ນຍ ກໍ່ຂໍການຮ່ວມມືກັບ ປະຊາຊົນລາວ ບັນດາເຜົ່າຊ່ວຍກັນເປັນຫູເປັນຕາກັນອີກຕື່ມເດີ. ຖ້າພົບເຫັນ ການລັກລອບຕັດໄມ້, ຂົນໄມ້ ທີ່ບໍ່ໄດ້ຮັບອານຍາດ ກໍ່ສາມາດແຈ້ງໄປທີ່ເບີ 1516 ໄດ້.






ພາບການຂົນໄມ້ ໃນວັນທີ 13 ມິຖຸນາ 2019











------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------



Post a Comment

0 Comments